Vətəndaş Rəvan Balakişiyev DİN-in “Instagram” səhifəsinə təşəkkür mesajı ünvanlayıb: “Nəsimi Rayon Polis İdarəsinin 22-ci Polis Şöbəsinə gələrək ərizə ilə müraciət etmişdim. Mənə dəymiş zərər tez bir zamanda ödənildi. Azərbaycan polisinin məsələyə bu cür operativ şəkildə reaksiya verməsi məni çox sevindirdi. Göstərilən köməyə görə DİN-in rəhbərliyinə və Nəsimi RPİ-nin əməkdaşlarına təşəkkürümü bildirirəm”.

Vətəndaş Balxan Nərimanzadə DİN-in “Instagram” səhifəsinə təşəkkür mesajı ünvanlayıb: Paytaxtın Nərimanov rayonu, Əhməd Rəcəbli küçəsində yolu keçmək istəyən piyadanı vuraraq yol-nəqliyyat hadisəsi törətdim. Hadisə yerinə dərhal Nərimanov Rayon Polis İdarəsinin Tədqiqat Şöbəsinin əməkdaşı yaxınlaşaraq bizə yaxından köməklik göstərdi və bəzi qaydaları izah etdi. Buna görə DİN-in rəhbərliyinə və Nərimanov Rayon Polis İdarəsinin əməkdaşlarına minnətdarlığımı bildirirəm”.

Vətəndaş Pərvanə Əzizova DİN-in “Instagram” səhifəsinə təşəkkür mesajı ünvanlayıb: “Binəqədi Rayon Polis İdarəsinin 43-cü Polis Bölməsinə qızımın itkin düşməsi ilə bağlı müraciət etmişdim. Onlar qızımın tapılmasında mənə köməklik etdilər. Polis bölməsinin bütün şəxsi heyətinə dərin təşəkkürümü bildirirəm”.

Vətəndaş Bəşir Məmmədov DİN-in “Instagram” səhifəsinə təşəkkür mesajı ünvanlayıb: Oğlum Daxili İşlər Nazirliyinə müraciət edərək polis sıralarında xidmət etmək istədiyini bildirmişdi. DİN-in və Pirallahı Rayon Polis İdarəsinin rəhbərliyinə təşəkkür edirəm ki, tam şəffaf və operativ qaydada oğlumun daxili işlər orqanlarında xidmətə qəbul edilməsini təmin etdilər”.

Vətəndaş Əvəz Qocayev DİN-in sosial şəbəkəsinə təşəkkür mesajı yazıb. O, müraciəti üzrə polis orqanında müvafiq araşdırma aparıldığını və operativ tədbirlərin görüldüyünü qeyd edərək DİN rəhbərliyinə təşəkkürünü bildirir. 

Vətən müharibəsi iştirakçısı Kamal Əmirov DİN-ə ünvanladığı məktubunda müraciətinə baxılaraq müsbət həll olunmasında göstərilən köməkliyə görə Gəncə Rayonlararası İmtahan Qeydiyyat və Texniki Baxış Şöbəsinin əməkdaşlarına minnəttarlığını bildirir.  

Sosial şəbəkə istifadəçisi Turan Həsənov, Mirkazım Kərimli  DİN-in “Instagram” səhifəsinə yazdığı mesajında baş vermiş yol-nəqliyyat hadisəsi ilə əlaqədar müraciətininə çevik reaksiya verilərək müsbət həll olunmasında göstərilən köməkliyə görə Xətai Rayon Polis İdarəsinin əməkdaşlarına təşəkkürünü bildirir.

Vətəndaş Vahid Quliyev DİN-ə ünvanladığı məktubda ona məxsus bank kartından pul oğurlanması ilə bağlı polisə müraciət etdiyini, qısa müddət ərzində müraciətinə həssaslıqla yanaşılaraq müsbət həll olunmasında göstərilən köməkliyə görə Bakı Şəhər Baş Polis İdarəsinin əməkdaşlarına minnətdarlığını ifadə edir.

Vətəndaş Tural Tapdıqov DİN-ə ünvanladığı müraciətində üzləşdiyi problemlə bağlı polisə müraciət etdiyini və qısa zamanda tədbirlər görülərək müsbət həll olunmasına görə Binəqədi RPİ 7-ci Polis Bölməsi əməkdaşlarına təşəkkürünü bildirir.