Vətəndaş Qüdrət Cəbrayılov üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində müsbət həll olunmasında göstərdikləri köməkliyə görə Qaradağ RPİ İstintaq Şöbəsinin əməkdaşlarına təşəkkürünü bildirir.

Sosial şəbəkə istifadəçisi Məhruzə Hüseynli üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində həll olunmasında, eləcə də dəymiş maddi ziyanın ödətdirilməsində ona göstərdikləri köməkliyə görə Yasamal RPİ 26-cı Polis Bölməsinin əməkdaşlarına minnətdarlığını ifadə edir.

Vətəndaş Alim Vəliyev ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisinə təşəkkürünü yazır.

Müğənni Nigar Camal sosial şəbəkə hesabında Azərbaycan polisinə təşəkkür postu paylaşıb. O, adından istifadə edilməklə sosial şəbəkə hesabı açılaraq dələduzluq əməlləri törədilməsi ilə bağlı paylaşaraq ictimailəşdirdiyi posta dərhal reaksiya verildiyini və qısa müddətdə müvafiq tədbirlərin həyata keçirildiyini qeyd edərək DİN rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.

Sumqayıt şəhər sakini Nəriman Bulutxanlı Daxili İşlər Nazirliyinə ünvanladığı məktubunda mobil telefonunun oğurlanması ilə bağlı müraciətinə çevik reaksiya verildiyinə, polis əməkdaşlarının operativliyi sayəsində qısa müddətdə telefonunun tapılaraq ona qaytarıldığına görə DİN rəhbərliyinə və Nəsimi RPİ-nin əməkdaşlarına təşəkkürünü ifadə edir.

Göyçay rayon sakini Mürşüd Mahmudov Daxili İşlər Nazirliyinə ünvanladığı məktubunda müraciətinin obyektiv araşdırılaraq müsbət həll edildiyinə və dəymiş maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir.

Beyləqan rayon sakini Zaur Alıxov müraciətinə verilən opeartiv reaksiyaya və ona dəymiş ziyanın aradan qaldırılmasına görə DİN rəhbərliyinə və Beyləqan Rayon Polis Şöbəsinin əməkdaşlarına minnətdarlığını bildirir. 

Xocavənd rayon sakini Məhəmməd Qurbanov müraciətində antinorkitik təbliğatının mütəmadi və effektiv şəkildə aparılmasına görə DİN rəhbərliyinə və Xocavənd Rayon Polis Şöbəsinin əməkdaşlarına təşəkkür edir.

Bakı şəhər sakini Aygün Səfərova etdiyi müraciətə operativ baxılaraq onu narahat edən məsələnin müsbət həll olunmasında göstərdikləri köməkliyə görə Xətai RPİ-nin əməkdaşlarına minnətdarlığını bildirir.