Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
27.11.2025 - Əcnəbi vətəndaş Məhəmməd Həmzə Asif
Əcnəbi vətəndaş Məhəmməd Həmzə Asif Daxili İşlər Nazirliyinin sosial şəbəkə səhifəsinə təşəkkür mesajı yazıb. O, Bakı şəhərində olarkən çantasını itirməsi ilə bağlı polisə müraciət etdiyini, Səbail Rayon Polis İdarəsinin 9-cu Polis Bölməsinin əməkdaşları tərəfindən görülmüş tədbirlərlə qısa müddətdə çantasının tapılaraq ona təhvil verildiyini yazır.
Məhəmməd Həmzə Asif müraciətinə həssas yanaşılmasına, göstərilən diqqətə və operativliyə görə Daxili İşlər Nazirliyinin rəhbərliyinə və Səbail Rayon Polis İdarəsinin əməkdaşlarına təşəkkürünü bildirir.
26.11.2025 - Vətəndaşlar - Rusif Hüseynov, Araz Hüseynov və Tahir Orucov
Vətəndaşlar - Rusif Hüseynov, Araz Hüseynov və Tahir Orucov Daxili İşlər Nazirliyinə ünvanladıqları məktublarında üzləşdikləri problemlə bağlı eyniməzmunlu müraciətlərinə həssas yanaşılmasına və göstərilən köməkliyə görə DİN-in rəhbərliyinə minnətdarlıqlarını bildirirlər.
26.11.2025 - Bakı şəhər sakini Əfqan Zeynalov
Bakı şəhər sakini Əfqan Zeynalov Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə və Nəsimi Rayon İdarəsinin əməkdaşlarına minnətdarlığını bildirir.
26.11.2025 - Vətəndaş Sevinc Rzayeva
Vətəndaş Sevinc Rzayeva DİN-in “Instagram” səhifəsinə təşəkkür mesajı ünvanlayıb: “15.11.2025-ci il tarixində özümə məxsus qızıl-zinət əşyasını naməlum şəraitdə itirməyimlə bağlı Xətai Rayon Polis İdarəsinin 37-ci Polis Şöbəsinə şifahi müraciət etdim. Müraciətimə operativ baxıldı və əşyam tapılaraq mənə təhvil verildi. Buna görə DİN-in və Xətai RPİ-nin rəhbərliyinə təşəkkürümü bildirirəm”.
26.11.2025 - Vətəndaş Bilal Həsənov
Vətəndaş Bilal Həsənov DİN-in “Instagram” səhifəsinə təşəkkür mesajı ünvanlayıb: “04.11.2025-ci il tarixində paytaxtın Nərimanov rayonu, Təbriz küçəsində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etmişəm. Aparılan araşdırmadan razı qaldığımı bildirir və buna görə Nərimanov Rayon Polis İdarəsinin əməkdaşlarına öz dərin minnətdarlığımı ifadə edirəm”.
26.11.2025 - Vətəndaş Ağasadıq Xalıqov
Vətəndaş Ağasadıq Xalıqov müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Nəsimi Rayon Polis İdarəsinin və İdarənin 22-ci Polis Şöbəsinin əməkdaşlarına minnətdarlığını bildirir.
26.11.2025 - Vətəndaş Fərid Həsənsoy
Vətəndaş Fərid Həsənsoy Daxili İşlər Nazirliyinin sosial şəbəkə səhifəsinə yazdığı mesajında müraciəti ilə əlaqədar Xətai RPİ-nin Dövlət Yol Polisi Şöbəsinin əməkdaşları tərəfindən qısa zaman ərzində onunla əlaqə saxlanıldığını, məsələnin bütün təfərrüatı ilə izah edilərək yerindəcə köməklik göstərildiyini bildirir.
26.11.2025 - Vətəndaş Yasin Əliyev
Vətəndaş Yasin Əliyev üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.
26.11.2025 - Vətəndaş Urfan Sultanlı
Vətəndaş Urfan Sultanlı DİN-in sosial şəbəkə səhifəsinə təşəkkür mesajı yazıb. O, müraciəti üzrə Nərimanov RPİ-nin 18-ci Polis Şöbəsinin əməkdaşları tərəfindən qısa zaman ərzində araşdırma aparıldığını və məmnunluğunun təmin olunduğunu yazır.
