Vətəndaş Maarif Məhərrəmbəyli DİN-in “Facebook” səhifəsinə mesajında üzləşdiyi problemlə bağlı müraciətinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə Hava Nəqliyyatında Polis İdarəsinin əməkdaşlarına təşəkkürünü bildirir. 

Vətəndaş Mədinə Məmmədova DİN-in “Instagram” səhifəsinə mesajında pulqabısını itirməsilə bağlı polis əməkdaşlarının operativliyi nəticəsində qısa müddətdə pulqabısının tapılaraq ona təhvil verildiyini qeyd edir, müraciətinə həssas yanaşılmasına görə Səbail RPİ 39-cu Polis Bölməsinin əməkdaşlarına təşəkkürünü bildirir.

Quba rayon sakini Maral Mustafayeva itkin düşən azyaşlı qızının qısa zaman ərzində tapılaraq təhvil verilməsinə görə DİN rəhbərliyinə və Quba  RPŞ-nin əməkdaşlarına minnətdarlığını bildirir.

Vətəndaş İradə Muradova Daxili İşlər Nazirliyinə ünvanladığı məktubunda müraciəti ilə bağlı Nizami Rayon Polis İdarəsinin Dövlət Yol Polisi Şöbəsində yüksək hörmətlə qarşılandığını və müraciətinin müsbət həll olunduğunu qeyd edir. İ.Muradova ona göstərilən diqqət və qayğıya görə DİN-in rəhbərliyinə və Nizami Rayon Polis İdarəsinin əməkdaşlarına təşəkkürünü bildirir. 

Quba rayon sakini Yeganə İbrahimova dələduzluğa məruz qalması ilə bağlı etdiyi müraciətinin obyektiv araşdırılmasına, eləcə də müsbət həll edilməsinə görə Quba  RPŞ-nin əməkdaşlarına minnətdarlığını bildirir 

Vətəndaş Anar Rəsulov DİN-in “Instagram” səhifəsinə təşəkkür mesajı ünvanlayıb: “Azərbaycan polisi hər zaman dövlətçiliyin keşiyində dayanıb. İnsanların haqqının bərpa olunmasında əvəzolunmaz yükü öz üzərinə götürüb. Bu qəbildən hüquqlarımızın bərpasında yaxın qohumumun müraciətinə reaksiya verildi və qısa müddət ərzində Nərimanov Rayon Polis İdarəsinin Təhqiqat şöbəsi tərəfindən müsbət nəticə əldə olundu. Nərimanov RPİ-nin rəhbərliyinə təşəkkürümüzü bildiririk”.

Bakı şəhər sakini Sədaqət Quliyeva Daxili İşlər Nazirliyinə ünvanladığı məktubunda müraciətinə operativ baxıldığına, obyektiv araşdırılaraq müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.

Quba rayon sakini Hacımurad Ağamuradov özünə məxsus evdən oğurluq edən şəxsin qısa zaman kəsiyində yaxalanmasına və ona dəymiş ziyanın ödətdirilməsinə görə DİN rəhbərliyinə və Quba RPŞ-nin  əməkdaşlarına minnətdarlığını bildirir.

Abşeron rayon sakini Səxavət Gülüyev DİN-in “Facebook” səhifəsinə ünvanladığı müraciətinə həssaslıqla yanaşılmasına və göstərilən köməkliyə görə DİN-in rəhbərliyinə və Azərbaycan polisinə minnətdarlığını bildirir.