Abşeron rayon sakini Pəhləvan Xasayzadə Daxili İşlər Nazirliyinə təşəkkür məktubu göndərib. O, səhhətində yaranmış problemlə bağlı DİN-in A.Heydərov adına Respublika Hospitalında müalicə aldığını yazır. Orada həkimlərin bütün xəstələrə, o cümlədən  istefada olan polis əməkdaşlarına xüsusi  diqqət və qayğı ilə yanaşdığını qeyd edir. P.Xasayzadə yaradılan bu şəraitə, humanist və qayğıkeşliklərinə görə DİN rəhbərliyinə və A.Heydərov adına Respublika Hospitalının əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Salyan rayon sakini Sevda Sadıxova DİN-ə ünvanladığı təşəkkür məktubunda etdiyi müraciətinə operativ reaksiya verilməsinə və müsbət həll olunmasına görə başda DİN rəhbərliyi olmaqla, Salyan RPŞ-nin rəhbərliyinə və əməkdaşlarına təşəkkür edir.

Bərdə şəhər sakini Orxan Yusifov DİN-ə yazdığı məktubunda xidməti vəzifələri və peşə fəaliyyətini layiqincə yerinə yetirdiklərinə, o cümlədən ictimai asayişin, vətəndaşların hüquq və mənafelərinin etibarlı qorunmasına, cinayətkarlığa qarşı mübarizədə görülən qətiyyətli mübarizə tədbirlərinə görə Biləsuvar Rayon Polis Şöbəsinin rəhbərliyinə və şöbənin şəxsi heyətinə təşəkkürünü bildirir.

Cəlilabad rayon sakini Mustafa İbrahimov DİN-ə yazdığı məktubunda ictimai asayişin və ictimai təhlükəsizliyin etibarlı qorunmasına görə Rayon Polis Şöbəsinin rəhbərliyinə təşəkkürünü bildirir.

Masallı rayon sakini Eldost Oruczadə öz məktubunda müraciətinin nəzarətə götürülərək qısa zamanda müsbət həllini tapmasına görə DİN rəhbərliyinə təşəkkürünü bildirir.

Lənkəran rayon sakini Vüqar İbrahimli DİN-in “Instagram” səhifəsinə yazdığı mesajında müraciətinə çevik reaksiya verilməsinə, Lənkəran Şəhər Rayon Polis Şöbəsinin rəhbərliyi tərəfindən qəbul edilməsinə və vətəndaş məmnunluğunun təmin olunmasına görə təşəkkürünü bildirir.

Lənkəran rayon sakini Bəxtiyar Hüseynov DİN-ə yazdığı məktubunda rayon ərazisində yollarda nəqliyyatın təhlükəsiz hərəkətinin etibarlı təmin olunmasına, intizamsız, nəqliyyat vasitəsinin sərxoş şəkildə idarə edən və müxtəlif qayda pozuntularına yol verən sürücülərə qarşı aparılan profilaktik tədbirlərə görə Lənkəran Şəhər Rayon Polis Şöbəsinin Dövlət Yol Polisi Bölməsinin əməkdaşlarına minnətdarlığını ifadə edir.

Cəlilabad rayon sakini Zülfinaz Mikayılova DİN-in “Instagram” səhifəsinə yazdığı mesajında müraciətinə operativ baxılmasına görə DİN rəhbərliyinə və Azərbaycan polisinə təşəkkürünü bildirir.

Gəncə şəhər sakini Mahnur Məmmədova DİN-ə yazdığı məktubunda müraciətinə operativ baxılmasına və məsələnin müsbət həllini tapmasına görə Gəncə Şəhər Baş Polis İdarəsinin rəhbərliyinə təşəkkürünü bildirir.