Sosial şəbəkə istifadəçisi Meysarə Abıyeva DİN-in insteqram hesabına yazdığı mesajında Xətai Rayon Polis İdarəsinin 34-cü Polis Şöbəsinə etdiyi müraciətə qısa müddət ərzində baxıldığını, məsələ ilə bağlı müvafiq tədbirlər görüldüyünü bildirir. O, vətəndaş müraciətinə həssas münasibətə görə DİN rəhbərliyinə və Xətai Rayon Polis İdarəsinin əməkdaşlarına təşəkkürünü ifadə edir.

Sosial şəbəkə istifadəçisi Laçın Sultanova və bir qrup sakin əkdikləri ağac və güllərin zədələnməsi ilə bağlı müraciətlərinə operativ baxılaraq müvafiq tədbirlər görüldüyünə görə Pirallahı Rayon Polis İdarəsinin əməkdaşlarına təşəkkür edirlər.

Sosial şəbəkə istifadəçisi Novruz Ədilov müraciətinə operativ baxılmasına və probleminin müsbət həllini tapmasında göstərdikləri köməkliyə görə Azərbaycan polisinə minnətdarlıq edir.

Sosial şəbəkə istifadəçisi Nihad Məmmədov dələduzluq yolu ilə pulunun ələ keçirilməsi barədə müraciətinə obyektiv araşdırma aparılaraq dəymiş maddi ziyanın ödənilməsi təmin edildiyinə görə Nərimanov Rayon Polis İdarəsinin Təhqiqat Şöbəsinin kollektivinə minnətdarlığını bildirir.

Sosial şəbəkə istifadəçisi Adil Hacıyev bacısı oğlunun itkin düşməsi ilə bağlı müraciətinə operativ baxılaraq uşağın tapılıb ona təhvil verilməsinə görə Naxçıvan Şəhər Polis İdarəsinin rəhbərliyinə təşəkkürünü bildirir.

Sosial şəbəkə istifadəçisi Coşqun Cabbarov baş vermiş yol-nəqliyyat hadisəsi ilə bağlı müraciətinə operativ, obyektiv və diqqətlə baxıldığına görə Xətai Rayon Polis İdarəsinin rəhbərliyinə minnətdarlıq edir.

Sosial şəbəkə istifadəçisi Aynur Məmmədova yol-nəqliyyat hadisəsi zamanı aldığı xəsarətlə bağlı müraciətinə obyektiv baxılaraq materialların məhkəməyə göndərilməsi təmin edildiyinə görə Nərimanov Rayon Polis İdarəsinin rəhbərliyinə təşəkkürünü bildirir.

Sosial şəbəkə istifadəçisi Adil Hüseynov yaşadığı ərazidə narkotik vasitələrin qanunsuz dövriyyəsi ilə məşğul olan şəxsin müəyyən olunaraq saxlanılmasına və narahatlığın aradan qaldırılmasına görə Pirallahı Rayon Polis İdarəsinin kollektivinə minnətdarlığını bildirir.

Şəki rayon sakini Qabil Nurəliyev xidməti vəzifələrini layiqincə yerinə yetirdiklərinə görə, BMİ-nin Şəki Regional Mühafizə Şöbəsinin əməkdaşlarına minnətdarlığını bildirir.