Astara rayon sakini Mədinə İmaməliyeva Daxili İşlər Nazirliyinə yazdığı məktubunda vətəndaş müraciətlərinə həssas yanaşılmasına, göstərilən diqqətə və qayğıya, humanistliyə görə Lənkəran Şəhər Rayon Polis Şöbəsinin rəhbərliyinə təşəkkürünü bildirir.

Vətəndaş Ömər Sadıxov Daxili İşlər Nazirliyinə təşəkkür məktubu ünvanlayıb: “Heydər Əliyev Beynəlxalq Hava Limanında problemlə üzləşdim. Bununla əlaqədar olaraq Hava Nəqliyyatında Polis İdarəsinə müraciət etmişdim. Polis əməkdaşları tərəfindən dərhal müdaxilə olundu, məsələ həllini tapdı. Buna görə də, DİN-in və Hava Nəqliyyatında Polis İdarəsinin rəhbərliyinə, həmçinin bu işdə əməyi olan polis əməkdaşlarına dərin təşəkkürümü bildirirəm”.

Bakı şəhər sakini Riyad Rzaquliyev Daxili İşlər Nazirliyinə ünvanladığı məktubunda üzləşdiyi problemlə bağlı Yasamal Rayon Polis İdarəsinə müraciət etdiyini qeyd edir. R. Rzaquliyev vətəndaş müraciətlərinə həssas yanaşılmasına və operativliyə görə Yasamal Rayon Polis İdarəsinin əməkdaşlarına təşəkkürünü bildirir.

Vətəndaş Əli Orucov Daxili İşlər Nazirliyinə ünvanladığı məktubunda üzləşdiyi problemlə ilə bağlı Sabunçu Rayon Polis İdarəsinin 12-ci Polis Şöbəsinə müraciət etdiyini qeyd edir. O, müraciətinin obyektiv araşdırılaraq qısa müddətdə müsbət həll edildiyinə və göstərilən köməkliyə görə DİN rəhbərliyinə, o cümlədən Sabunçu Rayon Polis İdarəsinin əməkdaşlarına minnətdarlığını bildirir.  

Vətəndaş Elnur Qurbanzadə DİN-in “Facebook” səhifəsinə təşəkkür mesajı ünvanlayıb: “Paytaxtın Nərimanov rayonu ərazisində baş vermiş yol-nəqliyyat hadisəsinin iştirakçısı oldum və aparılan işdən çox razı qaldım. Polis əməkdaşları tərəfindən hadisə yerində olan vətəndaşlara göstərilən köməkliyə görə DİN-in rəhbərliyinə və Nərimanov RPİ-nin əməkdaşlarına minnətdarlığını bildirirəm”.

Əcnəbi vətəndaş Amira Derrouiche DİN-in “Instagram” səhifəsinə təşəkkür mesajı ünvanlayıb: “Bakıya turist olaraq gəlmişdik hava limanında olan taksidə əl çantamı itirmişdim. Bununla əlaqədar olaraq Hava Nəqliyyatında Polis İdarəsinə müraciət etmişdim. Polis əməkdaşları tərəfindən dərhal müdaxilə olundu, çanta tapılaraq bizə təhvil verildi. Buna görə də, DİN-in və Hava Nəqliyyatında Polis İdarəsinin rəhbərliyinə, həmçinin bu işdə əməyi olan polis əməkdaşlarına dərin təşəkkürümü bildirirəm”.  

Vətəndaş Meydan Babayev DİN-in “Instagram” səhifəsinə təşəkkür mesajı ünvanlayıb: “Mən Kəngərli Rayon Polis Şöbəsinə müraciət etmişdim. Müraciətimə dərhal və diqqətlə baxıldığına görə DİN-in rəhbərliyinə və Kəngərli Rayon Polis şöbəsinin əməkdaşlarına səmimi təşəkkürümü bildirirəm. Yaşasın, Azərbaycan polisi!”.

Bakı şəhər sakini Şəlalə Alıyeva Daxili İşlər Nazirliyinə ünvanladığı məktubunda Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini, müraciəti üzrə müvafiq tapşırıqlar verildiyini yazır. Verilmiş tapşırıq üzrə DİN-də qəbul edilərək hüquq və vəzifələrinin izah olunmasına görə DİN-in rəhbərliyinə minnətdarlığını bildirir.

Vətəndaş Cavidan Hüseynov Daxili İşlər Nazirliyinə ünvanladığı məktubunda müraciətinə operativ reaksiya verilərək qısa müddət ərzində müsbət həll edilməsinə DİN-in rəhbərliyinə təşəkkürünü bildirir.