Lənkəran rayon sakini Şucaət Əliyev DİN rəhbərliyinə ünvanladığı təşəkkür məktubunda müraciətinin obyektiv araşdırılmasına görə minnətdarlığını bildirir.

Cəlilabad rayonunun Zopun kənd sakini Pənah Ağayev öz təşəkkür məktubunda müraciətinin müsbət həllini tapmasına görə DİN rəhbərliyinə minnətdarlığını ifadə edir.

Azərbaycan Jurnalistlər və Yazıçılar Birliyinin üzvü olan Əlmaniz Ələkbərov məktubunda Zaqatala Rayon Polis Şöbəsi əməkdaşlarının karantin rejimi tələblərinin təmin edilməsi, koronavirus infeksiyanın geniş yayılmasının, onun törədə biləcəyi ağır fəsadların qarşısının alınması məqsədilə rayon ərazisində həyata keçirdikləri nəzarət–profilaktik tədbirlərin təqdirəlayiq olduğunu qeyd edir. Rayon ərazisində ictimai asayişin və ictimai təhlükəsizliyin etibarlı təmin olunması üçün gecə-gündüz yorulmadan ayıq-sayıq xidmət aparan Zaqatala RPŞ-nin əməkdaşlarına minnətdarlığını bildirən Ə.Ələkbərov onlara çətin və şərəfli xidmətlərində uğurlar arzulayır.

Bakı şəhəri, Suraxanı rayonu, Hövsan qəsəbəsində yaşayan Lətafət Həmidova məktubunda Suraxanı RPİ 30-cu Polis Şöbəsinin polis sahə rəisinin vətəndaşların müraciətlərinə həssaslıqla yanaşdığını, humanistliyini qeyd edir. O, xidməti vəzifələrini və peşə fəaliyyətini layiqincə yerinə yetirən, vətəndaşlara diqqət və qayğı göstərən polis sahə rəisinə minnətdarlığını bildirir, xidmətində uğurlar arzulayır.

DİN-in “instagram” səhifəsinin izləyicisi “a__lana15” adlı hesabdan narkotik vasitələrin istifadəçisinin saxlanılması ilə bağlı etdiyi müraciətə dərahal və həssaslıqla yanaşıldığına və problemin müsbət həll olunduğuna görə DİN rəhbərliyinə və Baş Narkotiklərlə Mübarizə İdarəsinin əməkdaşlarına öz dərin minnətdarlığını bildirir.

DİN-in “instagram” səhifəsinin izləyicisi “mustafazade660” adlı hesabdan avtomobillərin park yerinin qanunsuz zəbt edilməsi ilə bağlı etdiyi müraciətə operativ reaksiya verildiyinə və məsələnin müsbət həll olunduğuna görə Nəsimi Rayon Polis İdarəsinin əməkdaşlarına təşəkkürünü bildirir.

Kürdəmir rayon sakini Ramil Ağacanov onun barəsində edilən şikayətin diqqətlə və böyük peşəkarlıqla araşdırıldığına və məsələnin müsbət həll olunduğuna görə DİO əməkdaşlarına dərin təşəkkürünü bildirir.

Yardımlı rayon sakini Aqşin Məmmədov qardaşının həyat yoldaşına məxsus pul kartından oğurluq edən şəxslə bağlı etdiyi müraciətə polis əməkdaşları tərəfindən operativ reaksiya verildiyinə və şəxsin dərhal müəyyən edilərək saxlanılmasına görə DİN rəhbərliyinə təşəkkür edir.

Sumqayıt şəhər sakini Mustafa Şəfiyev ona məxsus olan pulu ala bilməməsi ilə bağlı etdiyi müraciətə polis əməkdaşları tərəfindən həssas yanaşıldığna və dəymiş ziyanın tam şəkildə ödənilməsinə görə DİO əməkdaşlarına minntədarlığını bildirir.