Bakı şəhər Suraxanı rayonu, Yeni Günəşli qəsəbəsində yaşayan Əli Mahmudov bildirir ki, marın 15-də səhər erkən işə gedərkən avtomobilində nasazlıq yaranıb. Bu zaman yaxınlıqda xidmətdə olan yol polisləri ona yaxınlaşaraq mənəvi dəstək olub, avtomobili təhlükəsiz əraziyə çəkilməsində, texniki məsələlərin həllində köməklik göstəriblər. Məktub müəllifi gördüyü bu diqqət və qayğıya, şəxsi heyətin yüksək mənəvi dəyərlərə və peşəkarlığına görə, DİN rəhbərliyinə minnətdarlığını bildirir.

Gədəbəy şəhər sakini Məzahət Mahmudov öz təşəkkür məktubunda müraciətinin obyektiv araşdırılaraq müsbət həll olunmasına göstərilən köməkliyə görə DİN rəhbərliyinə minnətdarlığını bildirir.

Qusar rayonunun Yuxarı Dəhircal kənd sakini Rəna Zərbəliyeva DİN-ə ünvanladığı təşəkkür məktubunda müraciətinə həssaslıqla yanaşılaraq müvafiq tədbir görüldüyü üçün RPŞ-nin rəisi, polis polkovniki Süleyman Neymətova və Qeydiyyat Məsələləri Qrupunun baş inspektoru, polis kapitanı Ramin Məmmədova minnətdarlığını bildirir.

Abşeron rayonunun Fatmayı kəndinin bir qrup sakini DİN-ə ünvanladıqları təşəkkür məktubunda kənd ərazisində baş vermiş oğurluq hadisələrinin aradan qaldırılmasında göstərdikləri peşəkarlığa görə Rayon Polis İdarəsinin rəhbərliyinə və əməkdaşlarına minnətdarlıqlarını bildirirlər.

Astara rayon sakini Aynur Muradova öz təşəkkür məktubunda direktoru olduğu rayonun Artupa kənd tam orta məktəbində baş verən oğurluq faktının polis əməkdaşları tərəfindən qısa zamanda açılmasına görə DİN rəhbərliyinə minnətdalığını bildirir.

Astara şəhər sakini Kəlam Quliyev öz təşəkkür məktubunda ictimai qaydanın və ictimai təhlükəsizliyin qorunmasına, cinayətkarlığa, o cümlədən narkotiklərin qanunsuz dövriyyəsinə qarşı aparılan mübarizəyə görə DİN rəhbərliyinə və RPŞ-nin rəisi Azər Cahangirova öz minnətdarlığını bildirir.

Sabirabad rayon sakinləri Rəhman Bağırov, Valeh Abuşov, Firidun Abuşov, Xudaverdi Kərimov DİN rəhbərliyinə ünvanlanan təşəkkür məktublarında ictimai asayişin və sabitliyin qorunmasındakı xidmətlərinə görə polisin fəaliyyətindən məmnunluğunu bildirir, həmçinin Sabirabad RPŞ-nin rəisi Namiq Camalovdan razılığını ifadə edirlər.

Bakı şəhər sakini Vüqar Bayramov DİN-ə ünvanladığı məktubunda səhhətində problem olduqda A.Heydərov adına DIN-in Respublika Hospitalına müraciət edən zaman ona göstərdikləri diqqət və qayğıya görə bütün tibbi personala minnətdarlığını bildirir.

Bakı şəhər sakini Azad Soltanov DİN rəhbərliyinə ünvanladığı təşəkkür məktubunda rəhbərlik etdiyi müəssisədə baş vermiş cinayətin tez bir zamanda açılmasına görə DİN rəhbərliyinə minnətdarlığını bildirir.