Şirvan şəhər sakini Elxan Əliyev Vətən savaşının qazisi olan oğlunun daxili işlər orqanlarında xidmətə qəbul olunması ilə bağlı göstərdikləri köməkliyə görə Şirvan ŞPŞ-nin rəhbərliyinə və əməkdaşlarına minnətdarlığını bildirir.

Beyləqan rayonunun Eyvazalılar kəndində yaşayan Rabil Quliyev məktubunda Bakı-Ələt-Qazax yolunun "Nəvahi postu" adlanan ərazisində xidməti vəzifələrini və peşə fəaliyyətini layiqincə yerinə yetirən BDYPİ-nin 7-ci taqımının əməkdaşlarına təşəkkürünü bildirir, çətin və şərəfli işlərində uğurlar arzulayır.

Bakı şəhər sakini Şöhrət Kərimov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Sabunçu Rayon Polis İdarəsinin əməkdaşlarına minnətdarlığını bildirir.

Bakı şəhər sakini Rəşid Məmmədov qarşılaşdığı problemlə bağlı etdiyi müraciətə operativ reaksiya verildiyinə və məsələnin müsbət həll olunduğu üçün Suraxanı DYP əməkdaşlarına öz minnətdarlığını bildirir.

Ağcabədi rayon sakini olan şəhid atası Ədalət Məmmədov teleqramında ailələrinə göstərilən diqqət və qayğıya, eyni zamanda müraciətlərinə həssas yanaşılmasına görə DİN minnətdarlığını bildirir.

Bakı şəhər sakini Hüseynxan Hüseynov etdiyi müraciətə operativ reaksiya verildiyi və karantin rejimi ilə əlaqədar insanları məlumatlandırdıqlarına və xidməti fəaliyyətlərini layiqincə yerinə yetirdiklərinə görə Binəqədi Rayon Polis İdarəsinin əməkdaşlarına təşəkkürünü bildirir.

Sumqayıt şəhər sakini Təranə Quliyeva etdiyi müraciətə polis əməkdaşları tərəfindən operativ və həssas yanaşıldığı və dəymiş ziyanın tam ödənilməsini təmin etdirildiyinə görə Sumqayıt Şəhər Polis İdarəsinin əməkdaşlarına minnətdarığını bildirir.

Bakı şəhər sakini Qəlbinur Hüseynov etdiyi müraciətə operativ reaksiya verildiyinə və məsələnin müsbət həll olunduğuna görə DİO əməkdaşlarına dərin minnətdarlığını bildirir.

Vətəndaş Abuzər Cəfərli “Facebook” sosial şəbəkəsindəki “Abuzer Ceferli” adlı şəxsi səhifəsində yol polisinin səlahiyyətinə aid məsələ ilə bağlı paylaşdığı müraciətinə dərhal reaksiya verildiyini, Bakı şəhər Dövlət Yol Polisi İdarəsində səmimi qəbul edilərək dinlənildiyini, narazı qaldığı məqamlara aydınlıq gətirildiyini qeyd edir.

A.Cəfərli vətəndaş müraciətlərinə çevik reaksiya verilməsinə görə DİN rəhbərliyinə, eyni zamanda xidməti vəzifələrini layiqincə yerinə yetirən Bakı şəhər Dövlət Yol Polisi İdarəsinin rəhbərliyinə və əməkdaşlarına minnətdarlığını bildirir.

Abuzər Cəfərlinin statusundan: “Azərbaycan Respublikasının daxili işlər naziri, general-polkovnik cənab Vilayət Eyvazov, çoxsağolun ki, sizə müraciətimdən sonra Bakı şəhər DYPİ-nin rəisi Rəşid Piriyev məni qəbul etdi və narazı qaldığım məqamlara aydınlıq gətirildi. Doğrudan da deyildiyi kimi mərd, vətəninə, dövlətinə sadiq, müharibə iştirakçısı, şəhid ailəsi olan Rəşid Piriyevi tanımaq şansı qazandım. Bunun üçün də şəxsən sizə təşəkkür edirəm! DİN-in, Bakı şəhər DYPİ-nin birgə həyata keçirdikləri bir dəqiqəlik "sükut" anım mərasiminin möhtəşəmliyini sözlə ifadə etməyə çətinlik çəkirəm. Tıxaclarla bağlı sizə etdiyim müraciət əsnasında yol polisinin keçirdiyi əməli tədbirlər nəticəsində “20 Yanvar” dairəsi, "Şamaxinka" deyilən ərazi və tıxaca meyilli olan şəhəriçi şosselərdə vəziyyət dəyişib. Çünki DİN rəhbərliyi hər bir vətəndaşın haqlı müraciətinə laqeyd qalmır. Sağ olun!”