Şirvan şəhər sakini Elçin Məmmədov “reket” jurnalistik fəaliyyəti, həmçinin narkotiklərin qanunsuz dövriyyəsi ilə məşğul olan şəxslərin tutulub ifşa olunmasında göstərdikləri qətiyyətə görə Baş Mütəşəkkil Cinayətkarlıqla Mübarizə İdarəsinin əməkdaşlarına təşəkkürünü bildirir.

Şəmkir rayon sakini, İ.Məmmədov adına Qapanlı kənd orta məktəbinin müəllimi Müşgünaz Həsənova daxili işlər orqanlarında gənclərə göstərilən diqqət və qayğıya görə DİN rəhbərliyinə minnətdarlığını ifadə edir.

Onlar üçün ayrılmış yeni inzibati otağa, problemlərinin həllində göstərdiyi köməkliyə görə polis veteranları Səbail Rayon Polis İdarəsinin rəisi, polis polkovniki Cavid Muradova təşəkkürlərini bildirirlər.

Bakı şəhər sakini Şakir Abdullayev ona dəymiş ziyanın ödətdirilməsində göstərdiyi köməkliyə və öz vəzifə borcunun öhdəsindən layiqincə gəldiyinə görə Sabunçu RPİ İstintaq şöbəsinin müstəntiqi Elxan Hacıyevə minnətdarlığını bildirir.

Quba rayon Vəlvələ kənd sakini Bilal Məmmədov DİN rəhbərliyinə ünvanladığı təşəkkür məktubunda ona məxsus fərdi yaşayış evindən oğurluq edilməsi ilə bağlı polisə etdiyi müraciətin peşəkarlıqla araşdırılaraq cinayətkarın məsuliyyətə cəlb olunmasında göstərdikləri xidməti yüksək dəyərləndirir, buna görə DİN və Quba RPŞ-in rəhbərliyinə minnətdarlığını bildirir.

Quba rayon sakini Əlvan Şükürov DİN rəhbərliyinə ünvanladığı məktubda müraciətinə tez bir zamanda baxılaraq ona dəyən ziyanın ödənilməsində göstərdikləri köməyə görə Quba RPŞ-in rəhbərliyinə və Təhqiqat Qrupunun təhqiqatçısı, polis leytenantı Əhməd Qurbansoya təşəkkürünü bildirir.

Siyəzən rayon sakini Elçin Nəcəfov DİN-ə ünvanladığı məktubunda bildirir ki, fevral ayının 7-də Quba rayonunda yerləşən daş karxanalarının birində baş vermiş bədbəxt hadisə zamanı qohumu Vüqar Qasımov həmin ərazidəki göldə boğularaq həyatını itirib. Gölün dərin olması səbəbi ilə axtarışlar davam edib. Bu müddət ərzində mərhumun yaxınların ilə mütəmadi olaraq əlaqə yaratdığına və onların dərdlərinə şərik olduğuna görə, FHN-nin əməkdaşlarına yaxından kömək etdiklərinə görə E.Nəcəfov və mərhumun həyat yoldaşı Quba RPŞ-nin rəhbərliyinə və sahə rəisi, polis mayoru Vidadi Əsədova minnətdarlıqlarını bildirirlər.

Bakı şəhər sakini Natella Cabbarova DİN-ə ünvanladığı məktubunda şikayətinə tez bir zamanda baxılaraq probleminin həllini tapmasında göstərdikləri köməyə görə Binəqədi Rayon Polis İdarəsinin əməkdaşlarına təşəkkürünü bildirir.

Ağdam rayon sakini Məhərrəm Ələsgərov ona dəyən ziyanın ödənilməsində göstərdikləri köməyə görə Bakı Şəhər Baş Polis İdarəsinin əməkdaşlarına minnətdarlığını bildirir.