Qusar şəhər sakini, 2-ci qrup əlil Hacımirzə Ağamirzəyev DİN rəhbərliyinə ünvanladığı təşəkkür məktubunda ictimai asayişin və sabitliyin qorunmasında polisin fəaliyyətindən məmnunluğunu bildirir, həmçinin Qusar RPŞ-nin rəisi Ziya Əliyev tərəfindən vətəndaşlara göstərilən diqqət və qayğıya görə minnətdarlığını ifadə edir.

Etibarından sui-istifadə edərək aldatma yolu ilə əmlakını ələ keçirən şəxsin qanunsuz əməlləri barəsində etdiyi müraciətə çevik reaksiya verdiyinə və üzləşdiyi problemin həllində göstərdiyi köməkliyə görə Xalq artısti, professor Fidan Qasımova DİN rəhbərliyinə təşəkkürünü bildirir.

85 yaşlı veteran Nikolay İsayev DİN-in “Xəzri” İstirahət və Sağlamlıq Mərkəzində yaradılan şəraitə, istirahət üçün buranı seçənlərə göstərilən səmimi münasibətə və xoş ünsiyyətə görə təşəkkürünü bildirir.

Bakı şəhər sakini Teymur Vəliyev və Fuad Hətəmov şikayət ərizələrinə vaxtında baxıldığına və üzləşdikləri problemin həllində göstərdiyi köməkliyə görə Baş Mütəşəkkil Cinayətkarlıqla Mübarizə İdarəsinin rəhbərliyinə minnətdarlıqlarını bildirirlər.

Bakı şəhər sakini Şəhriyar Rzayev daxili işlər orqanlarında xidmətə yenidən bərpa olunduğuna görə DİN rəhbərliyinə təşəkkürünü bildirir.

Bakı şəhər sakini Pərviz Muradov gecə saatlarında və yağışlı havada köməyinə çatan Baş Dövlət Yol Polisi İdarəsinin əməkdaşı, polis serjantı Rauf Rzayeva minnətdarlığını ifadə edir.

Bakı şəhər sakini Toğrul Hidayətzadə dəm qazından boğulmaq təhlükəsi ilə üzbəüz qaldıqları zaman həyatlarını xilas edən Suraxanı RPİ-nin əməkdaşları-polis kapitanı Nazim Əzizova və polis leytenantı Pünhan Mehdiyevə təşəkkürünü bildirir.

Bakı şəhər sakini Həsən Behbudzadə Binəqədi rayonundakı xoşəgəlməz halların aradan qaldırılmasına nəzarəti birbaşa üzərinə götürdüyünə və qısa zaman kəsiyində onların aradan qaldırıldığına görə DİN rəhbərliyinə minnətdarlığnı bildirir.

Polis veteranı Bəylər Teymurov DİN-in Stomotoloji Mərkəzində polis əməkdaşlarına, xüsusən də veteranlara göstərilən diqqət və qayğıya görə minnətdarlığını bildirir.