Yevlax rayonunda müvəqqəti məskunlaşmış Kəlbəcər rayonundan olan məcburi köçkün Məzahir Sarıyev DİN-ə ünvanladığı təşəkkür məktubunda mənzilində baş vermiş oğurluq hadisəsinin tez bir zamanda açılmasında və ona dəyən maddi ziyanın tam ödənilməsində göstərilən köməkliyə görə Yevlax Rayon Polis Şöbəsinin rəhbərliyinə və şəxsi heyətinə minnətdarlığını ifadə edir.

Bakı şəhər sakini Əlipənah Cabbarov ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, eləcə də fədakarlıq nümayiş etdirdiklərinə görə DİN rəhbərliyinə və Səbail RPİ-nin əməkdaşlarına minnətdarlığını bildirir.

DİN-in Feysbuk səhifəsinin izləyicisi Rahib Sabirabadlı bu çətin günlərdə Azərbaycan Polislərinin xalqa və dövlətə göstərdiyi xidmətə görə DİN rəhbərliyiniə və polis əməkdaşlarına təşəkkür edir.

Füzuli rayon sakini Dönməz Qasımov təşəkkür məktubunda müraciətinə operativ baxıldığına və ona dəymiş zərərin tam ödətdirildiyinə görə DİN rəhbərliyinə minnətdarlıq edir.

“Carlsberg Azerbaijan” şirkətinin baş direktoru Vyaçeslav Maltsev bildirir ki, martın 27-də DİN-ə ünvanladığı müraciətdə şirkətlərinə məxsus məhsulların yük maşınları vasitəsi ilə Azərbaycanın bölgələrinə maneəsiz çatdırılmasına, həmçinin əməkdaşlarının iş yerinə hərəkət etməsi ilə əlaqədar köməklik göstərilməsi ilə üçün müraciət edib.

Vyaçeslav Maltsev növbəti müraciətində əməkdaşlarının korporativ nəqliyyat vasitələrindən istifadə edərək müəssisələrinə və regionlara sərbəst hərəkətinə icazə verildiyi üçün minnətdarlıq edir.

“AnTV.az” saytının baş redaktoru Aslan Həmidli müraciətinə operativ baxıldığına və ona dəymiş zərərin tam ödətdirildiyinə görə DİN rəhbərliyinə Baş Mütəşəkkil Cinayətkarlıqla Mübarizə İdarəsinin əməkdaşlarına minnətdarlıq edir.

Gəncə şəhər sakini Qəmbər Verdiyev DİN-in Feysbuk səhifəsi vasitəsilə etdiyi müraciətə dərhal reaksiya verildiyinə və müsbət yöndə həll edildiyinə görə DİN rəhbərliyinə və Gəncə ŞBPİ-nin əməkdaşlarına təşəkkür edir.

Füzuli rayon sakini Rüfət Salmanzadə ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, eləcə də fədakarlıq nümayiş etdirdiklərinə görə DİN rəhbərliyinə və şəxsi heyətinə minnətdarlığını bildirir.

Bakı şəhər sakini Xalid Musayev ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, eləcə də fədakarlıq nümayiş etdirdiklərinə görə DİN rəhbərliyinə və əməkdaşlarına təşəkkürünü ifadə edir.