Qusar rayonunun Yeni Həyat kənd sakini Əhməd Ağayev DİN rəhbərliyinə ünvanladığı minnətdarlıq məktubunda müraciətinə operativ şəkildə baxılmasına və ona dəymiş maddi ziyanın ödətdirilməsində göstərdikləri köməyə görə DİN, Qusar RPŞ-nin rəhbərliyinə və İstintaq Bölməsinin müstəntiqi Ümüd Xankişiyevə təşəkkürünü bildirir.

Ağsu rayonu Gəgəli kənd sakini Nazif Mütəllimov DİN rəhbərliyinə ünvanladığı təşəkkür məktubunda ictimai asayişin və sabitliyin qorunmasındakı xidmətlərinə görə polisin fəaliyyətindən məmnunluğunu bildirir, həmçinin Ağsu RPŞ-nin rəisi Fəxrəddin Abbasovdan razılıq edir və minnətdarlığını ifadə edir.

Ağdam rayon sakini Əjdər Rüstəmov RPŞ-nin əməkdaşı Muğan Quliyevin fəaliyyətindən razılıq edir və minnətdarlığını bildirir.

Cəlilabad rayonunun Söyüdlü kənd sakini Yeganə Nəzərova DİN rəhbərliyinə ünvanladığı təşəkkür məktubunda ona məxsus yaşayış evində baş vermiş oğurluq hadisəsinin Lənkəran ŞRPŞ-nin istintaq bölməsinin müstəntiqi Rəşad Bəşirov tərəfindən obyektiv araşdırılaraq oğurlanmış əşyaların əksər hissəsinin geri qaytarılmasına köməklik göstərildiyi üçün minnətdarlığını ifadə edir.

Bakı şəhər sakini Məlahət Paşazadə şikayət ərizəsinə baxıldığına, ona dəymiş maddi ziyanın ödətdirildiyinə və üzləşdiyi problemin həllində göstərdiyi köməkliyə görə Səbail RPİ-nin 8-ci Polis Bölməsinin rəhbərliyinə təşəkkür edir.

“XXI Əsrin Qadınları” İctimai Birliyinin və Qadın QHT Forumunun, həmçinin İnsan Alverinə Qarşı Mübarizə üzrə QHT Koalisiyasının sədri Mahirə Əmirhüseynova DİN-in Polis Akademiyasında kursantlara yaradılan şəraitdən razılığını ifadə edir, gələcəyin polislərinin dövlətə, dövlətçiliyə və xalqa sevgi ruhunda yetişdirilməsinə görə DİN rəhbərliyinə minnətdarlığını bildirir.

Bakı şəhər sakini Afaq Seyidəliyeva üzləşdiyi problemin həllində göstərdiyi köməkliyə, etdiyi müraciətə çevik reaksiya verdiyinə görə Nizami Rayon Polis İdarəsinin rəhbərliyinə təşəkkürünü bildirir.

Bakı şəhər sakini Fərhad Əliyev və Cəlilabad rayon sakini Ruslan İsayev günün istənilən saatında, hava şəraitindən asılı olmayaraq, isti, qar, soyuq bilmədən yollarda insanların təhlükəsizliyinin keşiyində dayanan, öz vəzifə borclarının öhdəsindən layiqincə gələn həmkarlarımıza təşəkkürlərini bildirirlər.

Bakı şəhər sakini Aydın Məmmədov iki azyaşlı körpəsi ilə yolda köməksiz vəziyyətdə qalarkən onlara göstərdiyi köməkliyə görə BŞDYPİ-nin əməkdaşı Ceyhun Nəsirova təşəkkürünü bildirir.