“Sizinyol.com” saytının baş redaktoru Əşrəf Eyvazov Daxili İşlər Nazirliyinə ünvanladığı təşəkkür məktubunda qardaşının ölkədən çıxışına qoyulan qadağa ilə bağlı müraciətinin həll edildiyi üçün DİN rəhbərliyinə minnətdarlıq edir.

Bakı şəhər sakini Aliyə Məhərrəmova şikayət ərizəsinə tez bir zamanda baxılaraq həllini tapmasında ona göstərdikləri köməyə görə Şirvan Şəhər Polis Şöbəsinin əməkdaşlarına minnətdarlığını bildirir. Polis-vətəndaş münasibətlərindən məmnunluğunu ifadə edərək, daxili işlər orqanları əməkdaşlarına gərgin xidməti fəaliyyətlərində uğurlar diləyir.

Şəki rayon sakini Murad Məmmədov Daxili İşlər Nazirliyinə təşəkkür məktubu ünvanlayıb. O, II qrup əlil olan anasının bu yaxınlarda səhhəti ilə bağlı DİN-ə müraciət etdiyini qeyd edir. Müəllif polisin fəaliyyətinə aid olmasa da, müraciətin aidiyyəti üzrə digər dövlət orqanına göndərildiyini və qısa müddətdə öz həllini tapdığını qeyd edir.

M.Məmmədov vətəndaşların müraciətlərinə belə həssaslıqla yanaşılmasına görə DİN rəhbərliyinə təşəkkürünü bildirir, Dünya Azərbaycanlılarının Həmrəylik Günü və Yeni il münasibətilə təbrik edir, çətin və şərəfli işlərində uğurlar arzulayır.

Zərdab rayonunun Çallı kənd sakini Əjdər Ömərov Daxili İşlər Nazirliyinə ünvanlandığı məktubunda üzləşdiyi problemlə bağlı müraciətinə baxılaraq müsbət həll olunduğunu bildirir, bununla bağlı DİN rəhbərliyinə və polis əməkdaşlarına təşəkkür edir.

Vətəndaş Əhmədi-Muxtar Əhmədov DİN rəhbərliyinə ünvanladığı təşəkkür məktubunda Şəki ŞRPŞ-nin Dövlət Yol Polisi Bölməsi əməkdaşlarının xidməti fəaliyyətindən razılıq edir.

Vətəndaş Səbuhi Qurbanov müraciətinə operativ qaydada baxılıb, müsbət yöndə həll edildiyinə görə DİN rəhbərliyinə öz minnətdarlığını bildirir.

Bakı şəhər sakini Yəhya Əliyev DİN-ə ünvanladığı minnətdarlıq məktubunda DİN rəhbərliyinə təşəkkürünü bildirir.

Astara şəhər sakini Pərvanə Zeynalova DİN rəhbərliyinə ünvanladığı təşəkkür məktubunda çantasını alıb qaçan şəxsin ərazidə xidmət aparan polis əməkdaşları tərəfindən dərhal saxlanılmasına, çantasında olan pul və mobil telefonunun özünə qaytarılmasına görə Rayon Polis Şöbəsinin əməkdaşlarına minnətdarlığını bildirir.

Astara şəhər sakini Əhmədəli Vəliyev öz təşəkkür məktubunda Rayon Polis Şöbəsinə etdiyi müraciətin öz həllini tapmasına görə DİN rəhbərliyinə minnətdarlığını ifadə edir.