Bu yaxınlarda Bakı şəhərində səfərdə olmuş Almaniyada yaşayan soydaşımız Temur Tarverdiyev DİN-ə təşəkkür məktubu ünvanlayıb. O, məktubunda paytaxtın İstiqlaliyyət küçəsində yol hərəkəti təlükəsizliyinin təmin edilməsinə və vətəndaşlarla xoş rəftarına görə Yol Patrul Xidmətinin əməkdaşlarına təşəkkürünü bildirir.

Sabirabad rayon sakini Təvəkkül Əliyev və İmişli rayon sakini Emin Qəhrəmanov DİN-ə ünvanladıqları məktubda etdikləri müraciətə baxılmasına və göstərilən köməkliyə görə Rayon Polis Şöbəsinin rəisi Namiq Camalova minnətdarlıq edirlər.

Şirvan şəhər sakini Babək Ədilov DİN rəhbərliyinə ünvanladığı təşəkkür məktubunda ona göstərilən köməkliyə görə Şirvan Regional Qeydiyyat İmtahan və Texniki Baxış şöbəsinin rəisi Əlixan Zeynalova və müfəttiş Bilal Əliyevə təşəkkürünü ifadə edir.

Saatlı rayon sakini Xaləddin Əliyev DİN rəhbərliyinə ünvanladığı təşəkkür məktubunda müraciətinə vaxtında və obyektiv baxıldığı üçün Rayon Polis Şöbəsinin əməkdaşlarından razılığını bildirir.

Bakı şəhər sakinləri Etibar Qəmbərov və Hüseyn Cəfərov DİN rəhbərliyinə ünvanladıqları təşəkkür məktubunda şikayət ərizəsinə tez bir zamanda baxılaraq obyektiv həllini tapmasında göstərilən köməyə görə BMCMİ-nin rəhbərliyinə və əməkdaşlarına minnətdarlıqlarını bildirirlər.

Vətəndaş Hikmət Maşrik Aslan DİN-ə ünvanladığı minnətdarlıq məktubunda üzərinə düşən vəzifələri layiqincə yerinə yetirdiyinə görə Quba RPŞ DYPB-nin Yusif adlı əməkdaşına təşəkkürünü bildirir.

Naftalan şəhər sakini Anar Zeynalov DİN rəhbərliyinə ünvanladığı təşəkkür məktubunda Naftalan ŞPŞ-nin rəhbərliyi və əməkdaşlarının xidməti fəaliyyətlərini layiqincə yerinə yetirdiklərinə görə minnətdarlığını bildirir.

Quba rayon sakini Gülnaz Fərzəliyeva DİN rəhbərliyinə ünvanladığı təşəkkür məktubunda üzləşdiyi problemin həllində göstərdiyi köməkliyə görə Rayon Polis Şöbəsinin rəisi, polis polkovniki Süleyman Neymətova təşəkkürünü ifadə edir.

Xaçmaz rayon sakini Mehbarə Babayeva DİN-ə ünvanladığı təşəkkür məktubunda oğlu, Xaçmaz RPŞ-nin Xudat PB-də xidmət edən polis nəfəri Fəqan Babayevin xidmət yerinin dəyişdirilməsi ilə əlaqədar etdiyi müraciətinə həssaslıqla yanaşılaraq göstərilən köməkliyə görə DİN rəhbərliyinə öz minnətdarlığını bildirir.