Təqaüddə olan polis veteranı Rafiq Məmmədəliyev və Şərur rayon sakini, şəhid anası Rəfiqə Salmanova DİN-in Arif Heydərov adına Respublika Hospitalında veteranlara, onların ailə üzvlərinə və şəhid ailələrinə göstərilən diqqət və qayğıya görə DİN rəhbərliyinə təşəkkür edirlər.

Qobu qəsəbə sakini Orxan Qəribzadə dünyasını dəyişmiş qardaşının sexindən oğurluq etməkdə şübhəli bilinən şəxslərin müəyyən edilməsində və oğurluanmış əşyaların geri qaytarılmasında göstərdikləri köməkliyə görə 20-ci Polis Bölməsinin sahə rəisi, polis mayoru Babak Musayevə və Əlahiddə Çevik Polis Alayının əməkdaşı Elvin Mustafayevə təşəkkürünü bildirir.

Quba rayonu Bağbanlı kənd sakini Vidadi Əhmədov DİN-ə ünvanladığı məktubda müraciətinə tez bir zamanda baxılaraq ona dəyən maddi ziyanın ödənilməsində göstərdikləri köməyə görə DİN və Quba RPŞ-nin rəhbərliyinə təşəkkürünü bildirir.

Vətəndaş Fizuli Nadirov DİN rəhbərliyinə ünvanladığı təşəkkür məktubunda ona dəymiş maddi ziyanın ödətdirilməsində göstərdikləri köməkliyə görə, İsmayıllı RPŞ-nin əməkdaşlarına öz minnətdarlığını bildirir.

Keşlə qəsəbəsindəki 278 saylı uşaq bağçasında müvəqqəti məskunlaşan, Cəbrayıldan olan məcburi köçkün yazıçı-jurnalist Sərməst Seyidəliyev baş vermiş oğurluq hadisəsi ilə bağlı etdiyi müracətə operativ yanaşdığına, qısa zaman kəsiyində oğurluqda şübhəli bilinən şəxsin müəyyən olunmasına və ona dəymiş ziyanın ödətdirilməsinə görə Nizami RPİ-nin 23-cü PB-nin rəhbərliyinə, eləcə də sahə rəisi, polis leytenantı Həbib Süleymanova təşəkkürünü bildirir.

Bakı şəhər sakini Nadir Hacıyev Qobustan rayonu ərazisində itirdiyi sənədlərinin Şöbəyə etdiyi müraciətdən sonra qısa zaman kəsiyində tapılmasında göstərdikləri köməyə və səmimi münasibətə görə həmkarlarımıza təşəkkürünü bildirir.

Masallı rayon sakini Orucəli Səfərov şikayəti ilə bağlı Cəlilabad RPŞ tərəfindən tam obyektiv və qəzərsiz aparılan istintaqın gedişindən razılığını ifadə edir.

Cəlilabad rayon sakini Bariz Məhərrəmov etdiyi müracətə çevik reaksiya verdiyinə görə Naftalan RPŞ-nin rəhbərliyinə və şəxsi heyətinə təşəkkürünü bildirir.

Bakı şəhər sakini Elxan Məlikov vəzifə borclarının öhdəsindən layiqincə gələn, ölkəmizdə sabitliyi, əmin-amanlığı qorumaq üçün gecəli-gündüzlü xidmət aparan həmkarlarımıza xidmətlərində uğurlar arzulayır.