Lerik rayon sakini olan Qarabağ müharibəsi əlili Üzeyir Məmmədov DİN rəhbərliyinə ünvanladığı təşəkkür məktubunda ictimai qaydanın və ictimai təhlükəsizliyin uğurla qorunmasına görə RPŞ-nin rəisi Ayaz Cəfərovdan razılığını bildirir.

Astara rayonunun Ərçivan qəsəbə 3 saylı tam orta məktəbinin müəllim kollektivi DİN rəhbərliyinə ünvanladığı təşəkkür məktubunda narkomaniyaya qarşı mübarizə çərçivəsində keçirilən maarifləndirmə tədbirlərinə, yeniyetmə və gənclər arasında vətənpərvərlik hislərinin, sağlam həyat tərzinin təbliğinə görə Astara rayon polis şöbəsinin rəisi, polis polkovniki Azər Cahangirovdan razılığını bildirir və minnətdarlığını ifadə edir.

Astara şəhər sakini Arif İsayev DİN rəhbərliyinə ünvanladığı təşəkkür məktubunda rayon polis şöbəsinə etdiyi müraciətin obyektiv şəkildə araşdırılmasına görə Astara RPŞ-nin rəisi Azər Cahangirovdan razılığını bildirir.

Cəlilabad sakini Ruslan İsayev öz təşəkkür məktubunda rayon ərazisində yollarda hərəkətin təhlükəsizliyini təmin etdiklərinə, vətəndaşlara yüksək mədəniyyətlə yanaşdıqlarına görə yol patrul xidməti əməkdaşlarına minnətdarlığını bildirir.

Astara rayon Ziyalı Ağsaqqallar Cəmiyyətinin sədri Camal İbrahimov DİN rəhbərliyinə ünvanladığı təşəkkür məktubunda edilən müraciətlərin obyektiv araşdırılmasına, vətəndaşların qayğılarına həssaslıqla yanaşılmasına, ictimai qaydanın və asayişin yüksək səviyyədə qorunmasına görə Astara RPŞ-nin rəisi Azər Cahangirovdan razılığını ifadə edir və ümumilikdə polisin fəaliyyətindən məmnunluğunu bildirir.

Şəmkir rayonu Çinarlı qəsəbə sakini Məlahət Məmmədova DİN rəhbərliyinə ünvanladığı minnətdarlıq məktubunda baş vermiş oğurluq hadisəsinin üstünün açılmasında və ona dəymiş maddi ziyanın ödətdirilməsində göstərdikləri köməyə görə Şəmkir RPŞ-nin rəhbərliyinə və əməkdaşlarına təşəkkürünü bildirir.

Quba rayonunun Birinci Nügədi kənd sakini Nəbi Mürsəliyev DİN rəhbərliyinə ünvanladığı minnətdarlıq məktubunda özünün və qonşusu olan bir qadının müraciətinə operativ şəkildə baxılmasına və onlara dəymiş maddi ziyanın ödətdirilməsində göstərdikləri köməyə görə Quba RPŞ-nin rəhbərliyinə və İstintaq Bölməsinin müstəntiqi Samir Çobanova təşəkkürünü bildirir.

Cəlilabad rayonunun Sərhədabad kənd sakini Gülbəniz Əmirova DİN rəhbərliyinə ünvanladığı təşəkkür məktubunda oğlunun daxili işlər orqanlarında xidmətə yenidən bərpa olunduğuna görə minnətdarlığını bildirir.

Bir qrup Qarabağ müharibəsi əlili və veteranı DİN rəhbərliyinə ünvanladıqları təşəkkür məktubunda ictimai qaydanın və ictimai asayişin uğurla qorunmasına, narkotiklərin qanunsuz dövriyyəsinə qarşı aparılan qətiyyətli mübarizəyə, vətəndaşların etdikləri müraciətlərə obyektiv şəkildə və həssaslıqla yanaşılmasına görə Astara rayon polis şöbəsinin rəisi, polis polkovniki Azər Cahangirovdan razılığını bildirir və minnətdarlığını ifadə edir.