Abşeron rayon sakini Xəyalə Həsənova üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə Sumqayıt ŞPİ-nin rəhbərliyinə və əməkdaşlarına minnətdarlığını yazır.

Bakı şəhər sakini Fərid Məsiyev DİN rəhbərliyinə ünvanladığı məktubunda dələduzluq faktı ilə bağlı müraciətinə baxılaraq obyektiv araşdırma aparıldığına və ona dəymiş maddi ziyanın ödətdirilməsində göstərdikləri köməkliyə görə BMCMİ-nin rəhbərliyinə və əməkdaşlarına təşəkkürünü bildirir.

Bakı şəhər sakini İkram Hüseynov Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciətinə Sabunçu Rayon Polis İdarəsində operativ baxıldığını bildirir. İ.Hüseynov qısa müddətdə obyektiv araşdırma aparıldığına və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Sabunçu RPİ-nin əməkdaşlarına təşəkkürünü bildirir.

Bakı şəhər sakini Viktoriya Nikolayeva DİN rəhnərliyinə ünvanladığı təşəkkür məktubunda kompüterinin oğurlanması barədə etdiyi müraciətə operativ baxılmasına və kompüterin tez bir zamanda tapılaraq ona qaytarılmasına görə Xətai RPİ-nin 35-ci PB-nin əməkdaşlarına təşəkkürünü bildirir.

Bakı şəhər sakini Esmira Sadıqova DİN rəhnərliyinə ünvanladığı təşəkkür məktubunda dələduzluq faktı ilə əlaqədar etdiyi müraciətə operativ baxılmasına və ona dəymiş ziyanın ödənilməsində göstərilən köməkliyə görə Azərbaycan Polisinə təşəkkürünü bildirir.

Bakı şəhərində yaşayan Gülnarə Həsənova Daxili İşlər Nazirliyinə ünvanladığı məktubuna operativ baxıldığını bildirir. O, üzləşdiyi dələduzluq faktı barədə müraciəti ilə əlaqədar Bakı şəhər Baş Polis İdarəsində obyektiv araşdırma aparıldığını və müvafiq tədbirlərin həyata keçirildiyini qeyd edərək DİN rəhbərliyinə minnətdarlığını bildirir.

Şəmkir şəhər sakini Zaur İbrahimov etdiyi müraciətin operativ və obyektiv şəkildə araşdırılmasına görə DİN rəhbərliyinə və Şəmkir RPŞ-nin əməkdaşlarına minnətdarlığını bildirir.

Tovuz rayonunun Qədirli kənd sakini Zakir Quliyev DİN rəhbərliyinə ünvanladığı təşəkkür məktubunda xidməti fəaliyyətini layiqincə yerinə yetirdiklərinə görə Tovuz RPŞ-nin kollektivinə minnətdarlığını bildirir.

Gəncə şəhər sakini Mahir Abdullayev etdiyi müraciətə dərhal reaksiya verildiyinə və həssas yanaşılaraq müsbət həll olunduğuna görə DİN rəhbərliyinə və Gəncə şəhər Baş Polis İdarəsinin Dövlət Yol Polisi Şöbəsinin əməkdaşlarına minnətdarlığını bildirir.