Masallı rayonunun Bədalan kənd sakini Vüqar Məmmədzadə DİN rəhbərliyinə ünvanladığı təşəkkür məktubunda özünə məxsus mağazada baş vermiş yanğın hadisəsi və oğurluqla bağlı etdiyi müraciətin obyektiv şəkildə araşdırılmasına görə Masallı RPŞ-nin rəhbərliyinə və istintaq bölməsinin rəisi Anar Xəlilova minnətdarlığını bildirir.

Qəbələ rayon sakini Elnur Mahmudov DİN rəhbərliyinə ünvanladığı təşəkkür məktubunda ictimai asayişin və sabitliyin qorunmasındakı xidmətlərinə görə polisin fəaliyyətindən məmnunluğunu bildirir, həmçinin Qəbələ RPŞ-nin rəis müavini Azər Cəfərovdan razılıq edir və minnətdarlığını ifadə edir.

Sumqayıt şəhər sakini Orxan Şahverdiyev DİN-ə ünvanladığı təşəkkür məktubunda müraciətinin müsbət həll olunduğu üçün BDYPİ-nin rəis müavini Elşən Kazımova və Sumqayıt ŞPİ-nin rəisi Əkbər İsmayılova minnətdarlığını bildirir.

Abşeron rayon sakini Ceyhun Mustafayev məktubunda Vətənimizin keşiyində dayanan polis əməkdaşlarının yaratdıqları ictimai sabitliyə görə DİN rəhbərliyinə və şəxsi heyətinə sonsuz təşəkkürünü bildirir.

Zərdab rayon sakini İsrəfil Fəziyev DİN-ə ünvanladığı təşəkkür məktubunda Rayon Polis Şöbəsinə etdiyi müraciətinə obyektiv baxılaraq müsbət həll olunmasına göstərilən köməkliyə görə İctimai Təhlükəsizlik Bölməsinin polis sahə rəisi Tumarxan Ağayevə minnətdarlığını bildirir.

Yardımlı rayon sakini Vaqif Xankişiyev öz təşəkkür məktubunda Respublika ərazisində ictimai qaydanın və ictimai təhlükəsizliyin təmin olunmasına, vətəndaşların müraciətlərinin obyektiv şəkildə araşdırılmasına və cavablandırılmasına görə DİN rəhbərliyinə minnətdarlığını bildirir.

Lənkəran şəhər sakini Qadir Axundov DİN rəhbərliyinə ünvanladığı təşəkkür məktubunda evində baş vermiş oğurluq faktını törədənlərin qısa vaxt ərzində müəyyən edilərək saxlanılmasına görə Şəhər Rayon Polis Şöbəsinin əməkdaşlarına, xüsusiləkriminalistik tədqiqatlar qrupunun baş inspektor-kriminalisti, polis leytenantı Rasif Hüseynova minnətdarlığını ifadə edir, polis əməkdaşlarının peşəkarlığını, cinayətkarlığa qarşı mübarizədə qətiyyətini, ictimai qaydanın və ictimai təhlükəsizliyin qorunmasında göstərdiyi xidmətləri yüksək qiymətləndirir.

Ağcabədi rayon sakini Cəmilə Səlimova DİN-ə ünvanladığı təşəkkür məktubunda oğlunun xidməti fəaliyyətində irəli çəkilməsinə görə DİN rəhbərliyinə öz minnətdarlığını ifadə edir.

Bərdə rayon sakini Adil İbrahimov DİN rəhbərliyinə ünvanladığı məktubunda ona dəymiş maddi ziyanın ödənilməsinin təmin edilməsində göstərilən köməkliyə görə polis polkovniki Nurulla Axundova təşəkkürünü bildirir.