Şəki şəhərinin Baş Şabalıd kəndində yaşayan Elyaz Güliyev DİN-ə ünvanladığı məktubunda bildirir ki, kiçik bizneslə məşğuldur və işi ilə əlaqədar respublikanın müxtəlif rayonlarında səfərdə olur. O, həmişə polis əməkdaşlarının, xüsusən Dövlət Yol Polisi əməkdaşlarının xeyirxah əməlləri, müxtəlif səbəblərdən yolda qalan sürücülərə, texniki nasazlıq yaranan maşınların təmirinə kömək etmələri halları ilə rastlaşdığını bildirir. Bu yaxınlarda Masallı rayonunda şahidi olduğu bir neçə faktı qeyd edən müəllif polis əməkdaşlarının belə humanistliyinə, vətəndaşlara göstərdikləri diqqət və qayğıya görə DİN rəhbərliyinə və Masallı Rayon Polis Şöbəsinin əməkdaşlarına təşəkkürünü bildirir.

Bakı şəhərində yaşayan Türkiyə vətəndaşı Ali Kemal Yılmaz Daxili İşlər Nazirliyinə ünvanladığı məktubunda avqustun 27-də Heydər Əliyev Hava Limanında içərisində dəyərli əşyaları olan çantasını unutduğunu bildirir. Polis əməkdaşlarının onu taparaq çantanı təhvil verdiklərini qeyd edən müəllif belə operativliyə və göstərilən diqqətə görə DİN rəhbərliyinə və Hava Nəqliyyatında Polis İdarəsinin əməkdaşlarına təşəkkürünü bildirir.

Şabran rayon sakini Xəlil Şaxayev DİN-ə ünvanladığı təşəkkür məktubunda ona məxsus itmiş heyvanların tapılmasında göstərilən köməkliyə görə Şabran Rayon Polis Şöbəsinin əməkdaşlarına minnətdarlığını bildirir.

Masallı rayonunun Təzə Alvadı kənd sakini Ataxan Həsənov DİN rəhbərliyinə ünvanladığı təşəkkür məktubunda vətəndaşlara qarşı sərgilənən yüksək mədəni davranışa görə Baş Dövlət Yol Polisi İdarəsinin Yol Patrul Xidməti Alayının 10-cu tağımının əməkdaşlarından razılığını ifadə edir.

Bir qrup Astara sakini DİN rəhbərliyinə ünvanladıqları təşəkkür məktubunda qanunsuz balıq ovuna və bu sahədə digər qeyri-qanuni işlər görənlərə qarşı aparılan mübarizə tədbirlərinə görə Nəqliyyatda Baş Polis İdarəsinin Su Nəqliyyatında Polis İdarəsinin rəisi Rövşən Eyyubova və Lənkəran xətt polis şöbəsinin əməkdaşlarına minnətdarlıqlarını bildirirlər.

Yasamal rayonu H.Cavid küçəsi ev 12-də yaşayan vətəndaş Mansurov Elçin Zaur oğlu DİN-ə ünvanladığı təşəkkür məktubunda paytaxtın mərkəzi küçələrində milli-mənəvi dəyərlərimizə uyğun olmayan davranışların qarşısını aldıqlarına görə daxil işlər orqanlarının şəxsi heyətinə minnətdarlığını bildirir.

Cəbrayıl rayon sakini Hüseyn Fətəliyev Daxili İşlər Nazirliyinə ünvanlandığı təşəkkür məktubunda Abşeron Rayon Polis İdarəsinə etdiyi müraciətinə həssaslıqla yanaşıldığına və ədalətli baxıldığına görə DİN rəhbərliyinə, həmçinin RPİ-nin İstintaq şöbəsinin əməkdaşlarına təşəkkürünü bildirir.

Bakı şəhər sakini, 2-ci qrup Qarabağ əlili, təqaüddə olan polis əməkdaşı Bəylər Teymurov DİN-ə ünvanladığı təşəkkür məktubunda səhəttində yaranan problem zamanı ona göstərilən diqqət və qayğıya görə DİN-nin 2 saylı Poliklinikasının oftalmoloq həkimi Afət Kərimovaya və sahə terapevti Məlahət Cabbarovaya minnətdarlığını bildirir.

Bakı şəhər sakini Bəylər Teymurov DİN-ə ünvanladığı təşəkkür məktubunda uzun illər daxili işlər orqanlarında xidmət etdiyini, torpaqlarımızın müdafiəsi uğrunda gedən döyüşlərdə güllə yarası alaraq ağır yaralandığını yazıb. Səhhəti ilə əlaqədar olaraq müalicə aldığı Şağan qəsəbəsindəki pansionatda xidmət aparan polis əməkdaşlarının nizam-intizamından, nümunəvi xidmətindən qürurlandığını vurğulayaraq, DİN rəhbərliyinə və şəxsi heyətə minnətdarlığını bildirir.