Cəlilabad rayonunun Üçtəpə kənd sakini Sadıq Yarıyev DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiyinə görə Cəlilabad Rayon Polis Şöbəsinin rəhbərliyinə minnətdarlığını ifadə edir.

Bakı şəhər sakini Razin Şirinov bacısı Dürdanə Qəhrəmanovaya qarşı edilən dələduzluqla əlaqədar Sabunçu RPİ-yə etdiyi müraciətə operativ və tez bir zamanda baxılmasına və dəymiş ziyanın ödətdirilməsinə görə təşəkkürünü bildirir.

Bakı şəhər sakini İsmayıl Quliyev yaşadığı binanın blokundan ona məxsus kondinsionerin oğurlanması barədə etdiyi müraciətə operativ və tez bir zamanda baxılmasına, oğurluq edən şəxsin tapılaraq ona məxsus kondinsionerin qaytarılmasında göstərilən köməkliyə görə Binəqədi RPİ-nin 5-ci Polis Bölməsinin əməkdaşlarına təşəkkürünü bildirir.

Bakı şəhər sakini İlkin Hüseynzadə onun adına saxta yolla açılmış VOEN barədə Bakı Baş Polis İdarəsinə etdiyi müraciətə tez və operativ baxılaraq bu əməli törədən şəxsin tapılmasına və göstərilən köməkliyə minnətdarlıq edir.

Gədəbəy rayon sakini Heydər Əliyev xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə Gədəbəy RPŞ-nin rəhbərliyindən razılıq edir və təşəkkürünü bildirir.

Bakı şəhər sakini Xanlar Mehdiyev ona məxsus pul kisəsinin itirməsilə bağlı etdiyi müraciətə operativ baxılmasına və pul kisəsini götürən şəxsin tapılaraq ona dəymiş ziyanın ödətdirilməsində göstərilən köməkliyə görə Baş Polis İdarəsinin və Sabunçu RPİ-nin 13-cü Polis Bölməsinin rəhbərliyinə və əməkdaşlarına təşəkkürünü bildirir.

DİN-in rəsmi “İnstagram” səhifəsinin izləyicisi Zülfüqar Abbasov səhifəyə mesaj yazaraq gecə saatlarında yolda qaldığı zaman ərazidə xidmət aparan Əlahiddə Çevik Polis Alayı əməkdaşlarının onu yaşadığı mənzilə gətirdikləri üçün minnətdarlıq edir.

DİN-in “Facebook” səhifəsinin izləyicisi Xanlar Mehdiyev pul kisəsinin oğurlanması ilə bağlı etdiyi müraciətə obyektiv və operativ baxıldığı üçün minnətdarlıq edir: “Bir müddət öncə pul kisəmin tapılması ilə bağlı sizə müraciət etmişdim. Məsələ ilə əlaqədar məni qəbul etdilər, problemimi dinlədilər və məsələyə operativ reaksiya verərək içərisində sənədlərim və 170 manatım olan pul kisəm tapılıb geri qaytarıldı. Buna görə DİN rəhbərliyinə, o cümlədən Bakı şəhər BPİ və Sabunçu RPİ 13-cü Polis Bölməsinin əməkdaşlarına təşəkkür edirəm. Var olsun Azərbaycan Polisi.”

Bakı şəhər sakini Ayaz Nəbiyev itmiş övladının tapılmasında köməklik göstərdiyi üçün DİN rəhbərliyinə və Sabunçu RPİ 12-ci PŞ-nin əməkdaşlarına minnətdarlıq edir.