Vətəndaş Orxan Ağayev DİN-in “Facebook” səhifəsinə təşəkkür mesajı ünvanlayıb:  Mənə 1400 AZN məbləğində dələduzluq edilərək ziyan vurulmuşdu. Nərimanov Rayon Polis İdarəsinin İstintaq şöbəsinin fəaliyyəti sayəsində dəymiş zərər qarşılandı. Buna görə öz təşəkkürümü bildirirəm.

Vətəndaş Əhməd Abdullayev DİN-in “Instagram” səhifəsinə təşəkkür mesajı ünvanlayıb:  Mən Abdullayev Əhməd Həsən oğlu, yaxın qohumum barəsində Nərimanov rayonunda aparılan araşdırma zamanı iştirak etdim. Bütün qanuni tərəflər bizə izah olundu və polis əməkdaşları qanun tələblərinə tam şəkildə riayət etdilər. Buna görə Azərbaycan polisinə öz təşəkkürümü bildirirəm.

Vətəndaş Sadiq Zülfüqarov DİN-in “Instagram” səhifəsinə təşəkkür mesajı ünvanlayıb:  Mən 21.02.2026-cı il tarixdə mənə məxsus sürücülük vəsiqəmə qeyri-qanuni ballar yazılması ilə bağlı Nərimanov Rayon Polis İdarəsinin 17-ci Polis Şöbəsinə şikayət ərizəsi ilə müraciət etmişdim. Polis əməkdaşları müraciətimə baxaraq şirkət tərəfindən yazılmış qanunsuz balların silinməsini təmin etdilər. Buna görə başda daxili işlər naziri Vilayət Eyvazov olmaqla bütün Nərimanov polisi əməkdaşlarına sonsuz təşəkkürümü bildirirəm.

Sosial şəbəkə istifadəçisi Tural Poladlı baş vermiş yol-nəqliyyat hadisəsi zamanı aparılan araşdırmadan razılıq edir və göstərilən köməkliyə görə Xətai Rayon Polis İdarəsinin Təhqiqat Şöbəsinin əməkdaşlarına minnətdarlığını bildirir.

Sosial şəbəkə istifadəçisi Ruslan Məmmədov ünvanladığı mesajında Pirallahı rayonu ərazisində hərəkətdə olarkən avtomobilində nasazlıq yarandığını və polis əməkdaşlarının ona köməklik göstərdiyini qeyd edərək Pirallahı RPİ-nin kollektivinə təşəkkürünü bildirir.

Naxçıvan şəhər sakini Azad Haqverdi itirdiyi çantasını tez bir zamanda taparaq ona təhvil verdikləri üçün Sədərək RPŞ-nin əməkdaşlarına minnətdarlıq edir.

Sosial şəbəkə istifadəçisi Cavid Əhmədzadə ünvanladığı təşəkkür mesajında müraciətinə dərhal reaksiya verilməsinə və probleminin qısa müddətdə həllini tapmasında göstərilən köməkliyə görə Pirallahı Rayon Polis İdarəsinin əməkdaşlarına təşəkkürünü bildirir.

Bakı şəhər sakini Əmirbəy Vahabzadə səhvən tanımadığı digər şəxsin bank kartına göndərdiyi pulun geri qaytarılmasında göstərilən köməkliyə görə Nəsimi Rayon Polis İdarəsinin rəhbərliyinə minnətdarlıq edir.

Vətəndaş Elvin Fərəcov DİN-in “Instagram” səhifəsinə təşəkkür mesajı ünvanlayıb: “Mən Kəngərli Rayon Polis Şöbəsinə müraciət etmişdim. Müraciətimə dərhal və diqqətlə baxıldığına görə DİN-in rəhbərliyinə və Kəngərli Rayon Polis Şöbəsinin əməkdaşlarına səmimi təşəkkürümü bildirirəm. Yaşasın, Azərbaycan polisi!”.