Qazax rayon sakini Samirə Əzizova Daxili İşlər Nazirliyinə ünvanladığı məktubunda müraciətinə operativ baxılmasına və ona dəymiş maddi ziyanın ödətdirilməsində göstərilən köməkliyə görə Qazax RPŞ-nin əməkdaşlarına təşəkkürünü bildirir.

Qazax rayon sakini Qəhrəman Abdullayev Daxili İşlər Nazirliyinə ünvanladığı məktubunda müraciəti ilə əlaqədar həyata keçirilən tədbirlərə görə Azərbaycan polisinə təşəkkürünü bildirir.

Sosial şəbəkə istifadəçisi Mircəlal Seyidov Daxili İşlər Nazirliyinin rəsmi “Instagram” hesabına göndərdiyi mesajında avtomobilinin duracağa yerləşdirilməsi ilə bağlı müraciətinə operativ baxıldığına, ona lazımi köməklik göstərildiyinə və müraciətinin müsbət həll olunmasına görə Daxili İşlər Nazirliyinin rəhbərliyinə və Naxçıvan Şəhər Polis İdarəsinin əməkdaşlarına təşəkkürünü ifadə edir.

Sosial şəbəkə istifadəçisi Ramin Mahmudov Daxili İşlər Nazirliyinin rəsmi “Instagram” hesabına göndərdiyi mesajında paytaxt ərazisində baş vermiş yol-nəqliyyat hadisəsi zamanı polis əməkdaşları tərəfindən ona lazımi köməklik göstərildiyini, hadisəyə operativ və peşəkar yanaşıldığını bildirib. O, göstərilən diqqət və qayğıya görə Daxili İşlər Nazirliyinin rəhbərliyinə, həmçinin Nərimanov Rayon Polis İdarəsinin əməkdaşlarına təşəkkürünü bildirir. 

Sosial şəbəkə istifadəçisi Aysu Həsənova Daxili İşlər Nazirliyinin rəsmi “Instagram” hesabına göndərdiyi mesajında baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat şöbəsində aparılan araşdırmadan razı qaldığını bildirib. O, araşdırmanı həyata keçirən polis əməkdaşlarına minnətdarlığını ifadə edir.

Sosial şəbəkə istifadəçisi Sərmin Əliyeva bağlamasının itməsi ilə bağlı etdiyi müraciəti əsasında polis əməkdaşları tərəfindən operativ tədbirlər görüldüyünü, itmiş bağlamasının tapılaraq özünə qaytarıldığını bildirib. O, müraciətinə operativ və həssas yanaşıldığını qeyd edərək Daxili İşlər Nazirliyinin rəhbərliyinə və Nəsimi RPİ 21-ci PŞ-nin əməkdaşlarına təşəkkür edir. 

Sosial şəbəkə istifadəçisi Pərvin Mahmudov Daxili İşlər Nazirliyinin rəsmi “Instagram” hesabına göndərdiyi mesajında baş vermiş yol-nəqliyyat hadisəsi zamanı avtomobilinə dəymiş maddi ziyanla bağlı müraciətinə obyektiv baxıldığını və dəymiş ziyanın ödənilməsinin təmin edildiyini bildirib. O, göstərilən diqqətə, operativ fəaliyyətə və vətəndaş müraciətlərinə həssas yanaşmaya görə Nərimanov Rayon Polis İdarəsinin əməkdaşlarına minnətdarlığını ifadə edir.

Vətəndaş Aynurə Osmanova Daxili İşlər Nazirliyinə ünvanladığı elektron məktubunda dələduzluqla bağlı müraciətinin araşdırılması zamanı yüksək peşəkarlıq nümayiş etdirildiyinə, məsələyə diqqət və həssaslıqla yanaşıldığına, eləcə də ona dəymiş maddi zərərin ödətdirilməsinə görə Daxili İşlər Nazirliyinin rəhbərliyinə və Səbail RPİ-nin əməkdaşlarına təşəkkürünü ifadə edir.

Vətəndaş Ramil Quliyev Daxili İşlər Nazirliyinə ünvanladığı məktubunda müraciəti üzrə Sumqayıt Şəhər Polis İdarəsinin 4-cü Polis Bölməsində obyektiv araşdırma aparıldığını, qısa müddətdə müsbət həllinin təmin olunduğunu və dəymiş maddi ziyanın ödətdirilməsində də köməklik göstərildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, həyata keçirilən tədbirlərə görə Sumqayıt ŞPİ-nin əməkdaşlarına təşəkkür edir.