Vətəndaş Xalidə Qaragözova müraciətinə operativ baxıldığı, qısa müddətdə tədbir görüldüyü və məsələyə məsuliyyətlə yanaşıldığına görə DİN rəhbərliyinə, eləcə də Yasamal Rayon Polis İdarəsinin 43-cü Polis Bölməsinin əməkdaşlarına minnətdarlığını ifadə edir.

Sosial şəbəkə istifadəçisi Rabil Cəbrayılov DİN-in “Instagram” hesabına yazdığı mesajında, Heydər Əliyev Beynəlxalq Hava Limanında itirdiyi əl çantasının qısa müddətdə tapılaraq özünə təhvil verilməsinə görə Hava Nəqliyyatında Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Nərgiz Nəbiyeva DİN-in “Instagram” hesabına yazdığı mesajında, müraciətinə operativ baxıldığı, hüquqlarının ətraflı izah edildiyi və məsələsinin qısa müddətdə həll olunduğuna görə Nərimanov Rayon Polis İdarəsinin rəhbərliyinə və 17-ci Polis Şöbəsinin əməkdaşlarına təşəkkürünü ifadə edir.

Sosial şəbəkə istifadəçisi Heydər Bayramov DİN-in “Instagram” hesabına yazdığı mesajında, müraciətinə baxılaraq hüquqlarının izah edildiyini və məsələsinin müsbət həll olunduğunu bildirir, göstərilən diqqətə görə Səbail Rayon Polis İdarəsinin əməkdaşlarına minnətdarlığını ifadə edir.

Sosial şəbəkə istifadəçisi Yaşar Hüseynov DİN-in “Instagram” hesabına yazdığı mesajında, itirdiyi mobil telefonun qısa müddətdə tapılaraq özünə təhvil verilməsinə, müraciəti zamanı göstərilən diqqət və nəzakətə görə Pirallahı Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Səməd Sultan DİN-in “Instagram” hesabına yazdığı mesajında, Heydər Əliyev Beynəlxalq Hava Limanında itirdiyi çantanın operativ şəkildə tapılıb özünə qaytarılmasına görə Hava Nəqliyyatında Polis İdarəsinin rəhbərliyinə və əməkdaşlarına dərin minnətdarlığını ifadə edir.

Ağstafa rayon sakini Hidayət Omarov DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Ağstafa RPŞ-nin rəhbərliyinə və əməkdaşlarına təşəkkür edir.

Yevlax rayon sakini Məhsəti Qazıyeva DİN-ə ünvanladığı təşəkkür məktubunda üzləşdiyi dələduzluq faktı ilə bağlı etdiyi müraciətinə operativ reaksiya verilməsinə və müsbət həll olunmasına görə başda DİN rəhbərliyi olmaqla, Yasamal RPİ-nin rəhbərliyinə və əməkdaşlarına minnətdarlığını bildirir.

Bərdə rayon sakini Zahir Allahverdiyev DİN-ə ünvanladığı təşəkkür məktubunda vətəndaşlara göstərilən diqqətə və qayğıya, eləcə də xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Ağcəbədi RQİ və TBŞ-nin rəhbərliyinə və əməkdaşlarına təşəkkür edir.