Bakı şəhər sakini Sərdar İsayev Daxili İşlər Nazirliyinə ünvanladığı təşəkkür məktubunda müraciəti ilə əlaqədar Baş İstintaq və Təhqiqat İdarəsinin əməkdaşları tərəfindən qəbul edildiyini, obyektiv araşdırma aparılaraq qısa müddətdə müraciətinin müsbət həll olunduğunu bildirir və buna görə DİN rəhbərliyinə təşəkkür edir.

Bakı şəhər sakini Nilufər İbrahimova məktubunda müraciəti ilə bağlı Sabunçu Rayon Polis İdarəsinin 12-ci Polis Şöbəsində yüksək hörmətlə qarşılandığını və müraciətinin müsbət həll olunduğunu qeyd edir. N.İbrahimova ona göstərilən diqqət və qayğıya görə DİN rəhbərliyinə və Sabunçu Rayon Polis İdarəsinin əməkdaşlarına təşəkkürünü bildirir.

Bakı şəhər sakini Zaur Əhmədov DİN-in “Instagram” səhifəsinə təşəkkür mesajı yazıb. O, DİN-in “Instagram” səhifəsi vasitəsilə ünvanladığı müraciətinə operativ baxıldığına, Səbail Rayon Polis İdarəsinin 41-ci Polis Bölməsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.

Bakı şəhər sakini Namiq Orucov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir.

Bakı şəhər sakini Səbinə Pirkina DİN-in “Instagram” səhifəsinə təşəkkür mesajı yazıb. O, müraciətinin qısa müddətdə müsbət həll edildiyini qeyd edərək operativliyə və göstərilən köməkliyə görə Pirallahı Rayon Polis İdarəsinin əməkdaşlarına təşəkkürünü bildirir.

Əcnəbi vətəndaş Li Vanq Vanq məktubunda itmiş çantasının qısa müddətdə tapılaraq ona təhvil verilməsinə görə Səbail Rayon Polis İdarəsinin 9-cu Polis Bölməsinin əməkdaşlarına təşəkkürünü bildirir.

Bakı şəhər sakini Coşqun Əzizbəyov DİN-in “Instagram” səhifəsinə təşəkkür mesajı ünvanlayıb: “Xətai Rayon Polis İdarəsinin 34-cü Polis Şöbəsinə etdiyim müraciətimə dərhal baxılaraq araşdırıldığı üçün DİN rəhbərliyinə və Xətai Rayon Polis İdarəsinin rəhbərliyinə sonsuz təşəkkürümü bildirirəm!”.

Bakı şəhər sakini İlahə Məmmədova üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə və  Bakı Şəhər Baş Polis İdarəsinin əməkdaşlarına minnətdarlığını bildirir. 

Vətəndaş Əfsanə Məlikova DİN-in “Instagram” səhifəsinə yazdığı mesajında naməlum şəraitdə itirdiyi şəxsi əşyalarının tapılmasında göstərilən köməkliyə görə Bakı Metropolitenində Polis İdarəsinin əməkdaşlarına təşəkkürünü bildirir.