Vətəndaş Tərlan Şalıyeva müraciəti ilə əlaqədar Lənkəran ŞRPŞ-nin rəhbərliyi tərəfindən qəbul edilməsinə və məsələnin öz həllini tapmasına görə təşəkkürünü bildirir.

Vətəndaş Rahib Məmmədov müraciətinin Bakı Şəhər Baş Polis İdarəsində obyektiv şəkildə araşdırılmasına və ona dəymiş maddi ziyanın tam şəkildə ödənilməsinin təmin edilməsinə görə öz təşəkkürünü bildirir.

Vətəndaş Şəhla Əkbərova DİN rəhbərliyinə ünvanladığı təşəkkür məktubunda müraciəti ilə əlaqədar Masallı RPŞ-nin rəhbərliyi tərəfindən qəbul edilməsinə və ona lazımi hüquqi izahın verilməsinə görə məmnunluğunu ifadə edir.

Yevlax rayon sakini Coşqun Abdullalı Daxili İşlər Nazirliyinə ünvanladığı təşəkkür məktubunda başda DİN rəhbərliyi olmaqla, bütün polis əməkdaşlarına minnətdarlığını bildirir.

Vətəndaş Hacıbala Ağammədov Daxili İşlər Nazirliyinin “Instagram” səhifəsinə təşəkkür mesajı yazaraq üzləşdiyi problem ilə bağlı etdiyi müraciətinə operativ reaksiya verilməsinə və məsələnin müsbət həll olunmasına görə başda DİN rəhbərliyi olmaqla, Saatlı RPŞ-nin rəhbərliyinə və əməkdaşlarına minnətdarlığını bildirir.

Bakı şəhər sakini Abuzər Cəfərli “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, piyadaların və nəqliyyat vasitələrinin hərəkətinə maneə yaradan qanunsuz küçə ticarəti ilə bağlı etdiyi müraciətinə operativ baxılaraq qanunamüvafiq tədbirlərin görülməsinə görə, DİN rəhbərliyinə və Azərbaycan polisinə minnətdarlığını bildirir.

Jurnalist Nəsimi Quliyev “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, vətəndaşın üzləşdiyini problemlə bağlı ictimailəşdirdiyi məsələyə qısa müddət ərzində baxılaraq müsbət həllinə görə, DİN rəhbərliyinə və Abşeron Rayon Polis İdarəsinin əməkdaşlarına təşəkkürünü bildirir.

Bakı şəhər sakini Ravid Rüstəmov onu narahat edən məsələlərlə bağlı “Facebook” sosial şəbəkəsindəki hesabında paylaşdığı posta operativ reaksiya verildiyinə görə, Bakı Şəhər Baş Polis İdarəsinin əməkdaşlarına təşəkkürünü bildirir.

Bakı şəhər sakini Pərvanə Qafarova DİN-in “Instagram” səhifəsinə təşəkkür mesajı yazıb. O, üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə, Nərimanov Rayon Polis İdarəsinin və 16-cı Polis Şöbəsinin əməkdaşlarına minnətdarlığını bildirir.