Vətəndaş Amid Mövsümov DİN-in “Instagram” səhifəsinə təşəkkür mesajı yazıb. O, müraciəti ilə əlaqədar göstərilən köməkliyə görə Nəsimi Rayon Polis İdarəsinin əməkdaşlarına təşəkkürünü bildirir.  

Vətəndaş Əsəd Əlizadə DİN-in “Instagram” səhifəsinə yazdığı mesajında yol-nəqliyyat hadisəsi ilə bağlı polisə müraciət etdiyini, məsələnin qısa müddətdə araşdırıldığını, müraciətinə diqqətlə yanaşılmasına və keçirilən operativ tədbirlərə görə başda DİN rəhbərliyi olmaqla, Nərimanov Rayon Polis İdarəsinin əməkdaşlarına minnətdarlığını ifadə edir. 

Nərimanov rayonunda yerləşən Seyid Cəfər Pişəvəri adına Humanitar Fənlər Gimnaziyasının direktoru İlqar Talıbov DİN-in “Instagram” səhifəsinə təşəkkür mesajı yazıb. O, polis əməkdaşları tərəfindən rayon ərazisindəki məktəblərdə, o cümlədən qeyd olunan məktəbdə narkomaniya əleyhinə və kibertəhlükəsizliklə bağlı mütəmadi olaraq maarifləndirici tədbirlər keçirildiyini qeyd edir. Bu tədbirlərin təqdirəlayiq olduğunu, həmçinin uşaqların maarifləndirilməsində və məlumatlı olmasında böyük rolu olduğunu qeyd edən direktor müavini özü və məktəbin rəhbərliyi adından DİN rəhbərliyinə və Nərimanov RPİ 17-ci Polis Şöbəsinin əməkdaşlarına təşəkkürlərini bildirir. 

Vətəndaş Fəridə Əhmədova DİN-in “Instagram” səhifəsinə təşəkkür mesajı yazıb. O, itirdiyi əşyasının qısa zamanda tapılaraq ona təhvil verilməsinə görə Metropolitendə Polis İdarəsinin əməkdaşlarına təşəkkürünü bildirir.

Vətəndaş Hənifə Bayramova məktubunda üzləşdiyi problemlə bağlı müraciəti üzrə həyata keçirilən tədbirlərə və ona dəymiş maddi ziyanın ödətdirilməsinin təmin olunmasına görə Bakı Şəhər Baş Polis İdarəsinin əməkdaşlarına minnəttarlığını bildirir.

Bakı şəhər sakini Sevil Həsənova Daxili İşlər Nazirliyinə təşəkkür məktubu ünvanlayıb: “Qarşılaşdığım problemlə bağlı polisə müraciət etdim. Binəqədi Rayon Polis İdarəsinin 6-cı Polis Bölməsinin əməkdaşları şikayətimə dərhal reaksiya verərək zəruri köməklik göstərdilər. Azərbaycan polisinə təşəkkür edirəm”.

Bakı şəhər sakini Ramal Hətəmli Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciətinə operativ baxıldığına və ona dəymiş maddi ziyanın bir qisminin ödətdirilməsində göstərilən köməkliyə görə DİN-in rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir. 

Abşeron rayon sakini Sima Zeynalova Daxili İşlər Nazirliyinə təşəkkür məktubu ünvanlayıb: “DİN-ə ünvanladığım müraciətlə bağlı Abşeron Rayon Polis İdarəsinin İstintaq Şöbəsində cinayət işi başlanıldı və zərərçəkmiş şəxs qismində tanındım. Bununla əlaqədar DİN-in və Abşeron RPİ-nin rəhbərliyinə minnətdarlığımı bildirirəm”.

Nigeriya Federativ Respublikasının vətəndaşı Muhammed Abdu DİN-in “Instagram” səhifəsinə təşəkkür mesajı ünvanlayıb: “Yolda olarkən çox stresli idim, çünki Ümumdünya Şəhərsalma Forumunun 13-cü sessiyasına (WUF13) gecikirdim. Lakin polis əməkdaşlarının köməyi sayəsində tədbirə vaxtında çatdım. Azərbaycan polisinə göstərdikləri köməyə görə təşəkkür edirəm”.