Vətəndaş Gülnar Ramazanova DİN-in “Instagram” səhifəsinə ünvanladığı mesajında müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Binəqədi Rayon Polis İdarəsinin əməkdaşlarına minnətdarlığını bildirir, Azərbaycan polisinə çətin və şərəfli peşələrində uğurlar arzulayır.

Vətəndaş Zeynalabdin Şixiyev DİN-in “Facebook” sosial şəbəkəsindəki səhifəsinə ünvanladığı mesajında üzləşdiyi problemlə bağlı müraciəti ilə əlaqədar Sumqayıt Şəhər Polis İdarəsinin əməkdaşları tərəfindən operativ tədbirlərin həyata keçirildiyini və müraciətinin qısa müddətdə müsbət həll olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, operativliyə və göstərilən köməkliyə görə Sumqayıt Şəhər Polis İdarəsinin əməkdaşlarına təşəkkür edir.   

Gədəbəy rayon sakini Əfqan Alməmmədov etdiyi müraciətinin müsbət həll olunmasına görə başda DİN rəhbərliyinə təşəkkür edir.

Mingəçevir şəhər sakini İnqilab Şəfiyev DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Mingəçevir ŞPŞ-nin rəhbərliyinə və əməkdaşlarına təşəkkür edir.

Balakən rayon sakini Çoşqun Xəlilov DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Balakən RPŞ-nin rəhbərliyinə və əməkdaşlarına təşəkkür edir.

Vətəndaş Pərvin Nadirova müraciətinə operativ baxıldığına, obyektiv araşdırılaraq qısa müddətdə köməklik göstərildiyinə görə DİN rəhbərliyinə və Xətai RPİ-nin əməkdaşlarına minnətdarlığını bildirir.

Vətəndaş Bahar Məmmədova itirdiyi pul kisəsi ilə bağlı Xətai Rayon Polis İdarəsinin 37-ci Polis Şöbəsinə etdiyi müraciətə operativ baxıldığını, araşdırma aparılmaqla qısa zamanda tapılaraq ona təhvil verildiyini yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

Əcnəbi vətəndaş Şah Seyid Hüseyn Daxili İşlər Nazirliyinin sosial şəbəkə hesabına yazdığı mesajında ona məxsus mopedin oğurlanması ilə bağlı Xətai RPİ-nin 35-ci Polis Şöbəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ikitəkərli nəqliyyat vasitəsinin tapılaraq ona təhvil verildiyini qeyd edir.

Vətəndaş Mirmahmud Hüseynli baş vermiş yol-nəqliyyat hadisəsi ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.