Vətəndaş Elman Heybətov DİN-in “İnstagram” səhifəsinə təşəkkür mesajı ünvanlayıb: Vətəndaş olaraq Səbail Rayon Polis İdarəsinin 41- ci Polis Şöbəsinin əməkdaşlarına dərin təşəkkürümü bildirmək istərdim. 21 iyun 2026-cı il tarixində oğluma məxsus mobil telefon itmişdi. Bununla əlaqədar 41-ci Polis Şöbəsinə müraciət etdik. Polis əməkdaşlarının çevik və peşəkar fəaliyyəti nəticəsində telefon 22 iyun 2026-cı il tarixində tapılaraq bizə geri qaytarıldı. Bu işdə əməyi keçən bütün əməkdaşlara göstərdikləri operativlik, məsuliyyət və vətəndaşa diqqətə görə səmimi minnətdarlığımı bildirirəm.

Vətəndaş Rövşən Şirinov DİN-in “İnstagram” səhifəsinə təşəkkür mesajı ünvanlayıb:  Pirallahı rayonu, Dübəndi bağlarından polis idarəsinə müraciət etdim və əməkdaşlar tərəfindən dərhal köməklik göstərildi. Başda cənab Nazir olmaqla polis əməkdaşlarına minnətdarlığımı bildirirəm. 

Vətəndaş Pərviz Kazımov DİN-in “Facebook” səhifəsinə təşəkkür mesajı ünvanlayıb: Şikayətimlə bağlı Nərimanov rayon DYP şöbəsinə dəvət olundum, mənə ətraflı şəkildə izah olundu, avtomobilim duracaqdan buraxıldı, şikayət və tələbim yoxdur. Daxili İşlər Naziri cənab Vilayət Eyvazov başda olmaqla Nərimanov Rayon Polis İdarəsinin rəhbərliyinə öz təşəkkürümü bildirirəm. 

Vətəndaş Adil Ağayev DİN-in “İnstagram” səhifəsinə təşəkkür mesajı ünvanlayıb: Mən Ağayev Adil Şəmil oğlu, 13.06.2026-cı il tarixdə Naxçıvan şəhərində idarə etdiyim motorollerlə hərəkətdə olan zaman avtomobil qarşıma çıxmış və mənim idarə etdiyim motorolleri vuraraq mənə xəsarət yetirmişdir. Hadisə ilə bağlı araşdırma Naxçıvan şəhər polis İdarəsində aparıldı. İşə obyektiv və tez baxıldığı üçün Azərbaycan Respublikası Daxili İşlər Naziri, Naxçıvan MR Daxili İşlər Naziri və Naxçıvan Şəhər Polis İdarəsinin rəhbərliyinə minnətdarlığıml bildirirəm.

Vətəndaş Qalib Sadıxov DİN-in “İnstagram” səhifəsinə təşəkkür mesajı ünvanlayıb: Nərimanov rayonu C.Hacıbəyli küçəsində avtoqəza zamanı xəsarət alan olmuşdu. Araşdırma zamanı bizə bütün sübutlar təqdim edildi, nəzakətli davrandılar. Polisin işindən razıyıq. Daxili İşlər Nazirliyinin rəhbərliyinə və Nərimanov rayon polis idarəsinin rəisinə təşəkkür edirəm.

Vətəndaş Ədalət Rüstəmov Daxili İşlər Nazirliyinin “Instagram” səhifəsinə təşəkkür mesajı yazaraq etdiyi müraciətinə operativ baxılmasına, obyektiv araşdırılmasına və qısa müddətdə müsbət həll olunmasına görə Azərbaycan Respublikası və Naxçıvan MR DİN-in rəhbərliklərinə təşəkkür edir.

Şuşa rayon sakini İbiş İsayev DİN-ə ünvanladığı təşəkkür məktubunda vətəndaş müraciətlərinə həssas yanaşılmasına, xidməti vəzifələrini və peşə fəaliyyətlərini layiqincə yerinə yetirdiklərinə görə DİN rəhbərliyi və Azərbaycan polisinə minnətdarlığını bildirir.

Sosial şəbəkə istifadəçisi Cümşüd Əliyev DİN-in sosial şəbəkə səhifəsinə yazdığı mesajında xidməti vəzifələrini və peşə fəaliyyətlərini layiqincə yerinə yetirdiklərinə görə DİN rəhbərliyi və Ucar RPŞ-nin rəhbərliyinə və əməkdaşlarına təşəkkür edir.

Sosial şəbəkə istifadəçisi Ayxan Vəlizadə itirdiyi mobil telefonun polis əməkdaşları tərəfindən tapılaraq özünə təhvil verilməsinə görə DİN rəhbərliyinə və Səbail Rayon Polis İdarəsinin 9-cu Polis Şöbəsinin əməkdaşlarına təşəkkür edir.