Vətəndaş Elnar Həsənov DİN-in sosial şəbəkə səhifəsinə təşəkkür mesajı yazıb. O, itirdiyi mobil telefonunun tapılmasında göstərilən köməkliyə görə Nəsimi RPİ-nin 21-ci Polis Şöbəsinin əməkdaşlarına minnətdarlığını bildirir.

Vətəndaş Vasif Nağıyev DİN-in sosial şəbəkə səhifəsinə yazdığı mesajında iştirakçısı olduğu yol-nəqliyyat hadisəsi ilə bağlı müraciətinə operativ baxıldığını, obyektiv araşdırılaraq qısa müddətdə müsbət həll edildiyini bildirir. Ona göstərilən köməkliyə görə DİN rəhbərliyinə, eləcə də Nərimanov Rayon Polis İdarəsinin əməkdaşlarına minnətdarlığını bildirir.

Vətəndaş Ağaəli İsmayılov üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödənilməsində göstərilən köməkliyə görə DİN rəhbərliyinə, eləcə də Nərimanov RPİ-nin 17-ci Polis Şöbəsinin əməkdaşlarına minnətdarlığını bildirir.

Vətəndaş Svetlana Əliyeva müraciətinə dərhal reaksiya verildiyinə və həyata keçirilən operativ tədbirlərə görə Pirallahı RPİ-nin əməkdaşlarına təşəkkürünü bildirir.

Vətəndaş Anaxanım Quliyeva Daxili İşlər Nazirliyinə ünvanladığı məktubunda müraciəti üzrə Abşeron Rayon Polis İdarəsinin əməkdaşları tərəfindən operativ tədbirlərin görüldüyünü və müsbət həllinin təmin olunduğunu bildirir. O, həyata keçirilən tədbirlərə və xidməti vəzifələrini layiqincə yerinə yetirdiklərinə görə Abşeron RPİ-nin əməkdaşlarına təşəkkür edir.

Vətəndaş Ramazan Qasımov Daxili İşlər Nazirliyinə ünvanladığı məktubunda üzləşdiyi yol-nəqliyyat hadisəsi ilə bağlı Bakı Şəhər Baş Polis İdarəsinin Dövlət Yol Polisi İdarəsində aparılan obyektiv araşdırmadan razı qaldığını bildirir. O, operativliyə və obyektivliyə görə Bakı Şəhər Baş Polis İdarəsinin əməkdaşlarına təşəkkür edir.

Vətəndaş Abdulla Hüseynov DİN-in “Instagram” səhifəsinə ünvanladığı mesajında üzləşdiyi yol-nəqliyyat hadisəsi ilə bağlı Nərimanov Rayon Polis İdarəsində aparılan obyektiv araşdırmadan razı qaldığını bildirir. O, operativliyə və obyektivliyə görə Nərimanov Rayon Polis İdarəsinin əməkdaşlarına təşəkkür edir.

Vətəndaş Samir Hüseynov Daxili İşlər Nazirliyinə ünvanladığı məktubunda xidməti vəzifələrini layiqincə yerinə yetirdiklərinə, ictimai asayişi və ictimai təhlükəsizliyi etibarlı təmin etdiklərinə görə Azərbaycan polisinə təşəkkür edir.

Vətəndaş Qurban Qunduzov DİN-in “Instagram” səhifəsinə yazdığı mesajında mobil telefonunun itməsi ilə bağlı Səbail RPİ-nin 9-cu Polis Şöbəsinə etdiyi müraciətinə operativ baxıldığını və telefonunun tapılaraq ona təhvil verildiyini bildirir. O, müraciətinin müsbət həll olunmasında göstərilən köməkliyə görə Səbail RPİ-nin əməkdaşlarına təşəkkür edir.