Şəhid valideyni Musa Musayev DİN rəhbərliyinə ünvanladığı təşəkkür məktubunda onlara göstərdikləri diqqət və qayğıya görə Qax RPŞ-nin əməkdaşlarına minnətdarlıq edir.

Jurnalist və ictimai hüquq müdafiəçisi kimi fəaliyyət göstərən Zümrüd Məmmədova DİN-in “Facebook” səhifəsinə təşəkkür mesajı göndərib. O, ünvanladığı müraciətlərə göstərilən həssas münasibətə, diqqətə, qayğıya və onların müsbət həll olunmasına görə DİN rəhbərliyinə və daxili işlər orqanlarının şəxsi heyətinə minnətdarlığını bildirir, çətin və şərəfli işlərində uğurlar arzulayır.  

Ağcabədi rayon sakini Məhəmməd Həsənov rayon ərazisində narkotiklərin qanunsuz dövriyyəsinə qarşı aparılan uğurlu tədbirlərə görə Ağcabədi Rayon Polis Şöbəsinin əməkdaşlarına və DİN rəhbərliyinə minnətdarlığını bildirir.

Beyləqan rayon sakini Sara İsmayılova Beyləqan Rayon Polis Şöbəsinə etdiyi müraciətə operativ reaksiya verilərək həllini tapmasına görə təşəkkür edir.

Salyan rayon sakini Sevinc Tarhanova DİN rəhbərliyinə ünvanladığı təşəkkür məktubunda müraciətinin Salyan Rayon Polis Şöbəsində obyektiv araşdırılmasına görə minnətdarlığını bildirir.

Zərdab rayon sakini Coşqun Abdullayev vətəndaşların müraciətlərinə həssaslıqla yanaşılmasına və cinayətkarlığa qarşı aparılan qətiyyətli mübarizəyə görə DİN rəhbərliyinə təşəkkürünü bildirir.

Bakı şəhər sakini Fuad Quliyev Daxili İşlər Nazirliyinə ünvanladığı məktubunda respublikamızda ictimai asayişi etibarlı qoruyan, cinayətkarlıqla qətiyyətli mübarizə aparan, xidməti vəzifələrini layiqincə yerinə yetirən bütün polis əməkdaşlarına təşəkkürünü bildirir, çətin və şərəfli işlərində uğurlar arzulayır.

Bakı şəhər sakini Elşad Sadıqov DİN-in Zabrat qəsəbəsində yerləşən müayinə mərkəzində avtomobilini texniki baxışdan keçirərkən üzləşdiyi maliyyə problemi ilə əlaqədar ona göstərilən köməkliyə görə Azərbaycan Polisinə və şəxsi heyətinə minnətdarlığını bildirir. 

aynur___hesenli adlı sosial şəbəkə istifadəçisi üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə Suraxanı RPİ-nin rəhbərliyinə və əməkdaşlarına təşəkkürünü ifadə edir.