Sumqayıt şəhər sakini Xatun Etibarqızı Daxili İşlər Nazirliyinə ünvanladığı məktubunda şəhər ərazisində narkotiklərin qanunsuz dövriyyəsi hallarının qarşısının alınması ilə bağlı müraciətinə operativ reaksiya verildiyinə və Baş Narkotiklərlə Mübarizə İdarəsinin əməkdaşları tərəfindən müvafiq tədbirlərin həyata keçirildiyinə görə DİN rəhbərliyinə təşəkkür edir.

Ağdam rayon sakini Lalə Orucova etdiyi müraciətlə bağlı Səbail RPİ-nin rəhbərliyi tərəfindən qəbul edilməsi və müraciətinə obyektiv baxılmasına görə DİO əməkdaşlarına minnətdarlığını bildirir.

Yevlax rayon sakini Nəbiyev Vüqar İmişli rayonunda olarkən səhəti ilə bağlı yaranmış problemlə əlaqədar İmişli Rayon Polis Şöbəsinin əməkdaşları tərəfindən ona ilkin tibbi yardımın göstərildiyi ilə bağlı DİN rəhbərliyinə, o cümlədən xidməti vəzifələrini və peşə fəaliyyətini layiqincə yerinə yetirən İmişli Rayon Polis Şöbəsinin əməkdaşlarına təşəkkürünü bildirir.

Bakı şəhər sakini Kamal Quliyev üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək ona dəymiş ziyanın ödətdirilməsində göstərdikləri köməkliyə görə Binəqədi RPİ-nin rəhbərliyinə və əməkdaşlarına minnətdarlığını bildirir.

Bir qrup Ucar rayon sakininin üzləşdikləri dələduzluq hadisəsi ilə əlaqədar etdikləri müraciətə həssaslıqla yanaşılaraq onlara dəymiş ziyanın ödətdirilməsində göstərdikləri köməkliyə görə Ucar RPŞ-nin rəhbərliyinə və şəxsi heyətinə təşəkkürlərini ifadə edirlər.

Baki şəhər sakini Xəyyam Əsgərov məktubunda üzləşdiyi problemlə bağlı Daxili İşlər Nazirliyinə “online” qaydada etdiyi müraciətə Bakı Şəhər Baş Polis İdarəsində operativ baxıldığını, araşdırma aparılaraq müvafiq tədbirlərin görüldüyünü və narahatçılığının aradan qalxdığını yazır. O, müraciətinin müsbət həll olunmasında göstərilən köməkliyə görə DİN rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.

Sumqayıt şəhər sakini Saleh Eyyubov məktubunda Quba Rayon Polis Şöbəsinə etdiyi müraciətə operativ baxıldığını, obyektiv araşdırılaraq qısa müddətdə müsbət həll edildiyini və ona dəymiş maddi ziyanın ödətdirildiyini qeyd edir. O, vətəndaş müraciətlərinə həssas yanaşılmasına, eyni zamanda operativliyə görə görə DİN rəhbərliyinə və Quba RPŞ-nin əməkdaşlarına minnətdarlığını bildirir.

Bakı şəhər sakini Fuad Şahverdiyev məktubunda sürücülük vəsiqəsi ilə bağlı üzləşdiyi problemlə əlaqədar müraciətinin qısa müddətdə müsbət həll olunmasına görə DİN rəhbərliyinə təşəkkürünü bildirir.

Bakı şəhər sakini Rəhimli Böyükağa DİN-in “İnstagram” səhifəsi vasitəsilə ünvanladığı müraciətinə operativ baxıldığına və obyektiv araşdırılaraq qısa müddətdə müsbət həll olunduğuna görə Nazirliyin rəhbərliyinə minnətdarlığını bildirir.