Yevlax şəhər sakini İlhamə İbrahimova Kənan adlı şəxs tərəfindən küt alətlə oğurluq məqsədilə yaşadığı evin həyətinə daxil olan zaman BNMİ əməkdaşları tərəfindən saxlanaraq barəsində tədbir görüldüyü üçün DİN rəhbərliyinə dərin minnətdarlığını bildirir.

Bərdə rayon sakini Hicran Ağayeva qarşılaşdığı problemlə bağlı etdiyi müraciətə dərhal və həssaslıqla yanaşıldığına və məsələnin qısa müddət ərzində müsbət həll olunduğuna görə DİN rəhbərliyinə təşəkkür edir.

Biləsuvar rayon sakini Vəfa Məmmədova məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Bakı Şəhər Baş Polis İdarəsinin İstintaq və Təhqiqat İdarəsinin əməkdaşlarına minnətdarlığını bildirir.

Bakı şəhər sakini Fuad Abbasov humanist polis əməkdaşlarına görə DİN rəhbərliyinə, o cümlədən xidməti vəzifələrini və peşə fəaliyyətini layiqincə yerinə yetirən DİN-in Baş Pasport Qeydiyatı və Miqrasiya İdarəsinin əməkdaşlarına təşəkkürünü bildirir.

Abşeron rayon sakini Vəfa Abdullayeva DİN-in “instagram” səhifasi vasitəsi ilə qonşusu tərəfində təhqir olunması ilə bağlı etdiyi müraciətə dərhal reaksiya verildiyi və məsələnin müsbət həll olunduğuna görə DİO əməkdaşlarına minnətdarlıq edir.

Lənkəran şəhər sakini Şərqiyyə Fərəczadə DİN-in “instagram” səhifasi vasitəsi ilə sosial şəbəkələrdə bir nəfər tərəfindən təhqir və təhdid olunduğu ilə bağlı müraciətinə həssaslıqla yanaşıldığına görə Lənkəran ŞRPŞ-nə təşəkkür edir.

Ucar rayon sakini Hamiz Maxsudov yol nəqliyyat hadisəsi zamanı xəsarət alan oğlu Rüfət Maxsudiyə ilkin tibbi yardım göstərərək həyatını xilas edən Ucar RPŞ-nin PPXB-nin polis əməkdaşlarına minnətdarlığını bildirir.

Masallı rayon sakini Araz Səfərov DİN-in “Facebook” səhifəsi vasitəsilə ünvanladığı müraciətinə operativ baxıldığını, obyektiv araşdırılaraq qısa müddətdə müsbət həll olunduğunu qeyd edərək Nazirliyin rəhbərliyinə minnətdarlığını bildirir.

Lənkəran şəhər sakini Mehman Mürşüdov DİN-in “Facebook” səhifəsi vasitəsilə etdiyi müraciətinə həssas yanaşıldığına və göstərilən köməkliyə görə DİN rəhbərliyinə və Lənkəran ŞRPŞ-nin əməkdaşlarına minnətdarlığını bildirir.