Sosial şəbəkə izləyicisi Amid Mürsəliyev DİN-ə ünvanladığı təşəkkür məktubunda  göstərilən köməkliyə görə Nərimanov RPİ-nin 17-ci Polis Bölməsinin əməkdaşlarına minnətdarlığını bildirir. Məktubunda yazır ki: “İşdə olduğum zaman evdən məlumat verdilər ki, övladlarım Kənan və Pünhan evdən çıxıb gediblər. Güman etdim ki, uşaqlar yəqin rayona yollanıblar. Tez 20 yanvar istiqamətinə getdim ki, uşaqlar orada olar, ancaq tapa bilmədim. Bu zaman Nərimanov 17-ci Polis Şöbəsindən zəng gəldi, dedilər, uşaqlarınız şöbənin əməkdaşları tərəfindən tapılıb”.

Bakı şəhər sakini Amid İmanov DİN-ə ünvanladığı təşəkkür məktubunda Azərbaycan Polisinin xidməti və vəzifə borclarını layiqincə yerinə yetirdiklərinə, asayişin təmin olunmasında, narkotik vasitələrin qanunsuz dövriyyəsi ilə məşğul olanlara qarşı mübarizədə fəal iştirakına görə minnətdarlıq edir.

Gəncə şəhər sakini Anar İbrahimov məktubunda müraciətinin müsbət həll olunmasına görə DİN rəhbərliyinə və Gəncə ŞBPİ-nin əməkdaşlarına təşəkkürünü bildirir.

Daşkəsən rayon sakinləri İsmayıl Əsgərov və Ramil Əhmədov Daxili İşlər Nazirliyinə ünvanladıqları məktubda müraciətləri ilə əlaqədar Daşkəsən Rayon Polis Şöbəsində aparılan obyektiv araşdırmalara görə minnətdarlıqlarını bildirirlər.

Vətəndaş Gülnarə Abbasova üzləşdiyi dələduzluq hadisəsi ilə əlaqədar etdiyi müraciətə həssaslıqla yanaşılaraq qısa zaman kəsiyində bu əməli törədənin tapılmasında, eləcə də ona dəymiş maddi ziyanın ödətdirilməsində göstərdikləri köməkliyə görə DİN rəhbərliyinə və Gəncə ŞBPİ-nin əməkdaşlarına minnətdarlığını bildirir.

Gəncə şəhər sakini Kamil Qasımov təşəkkür məktubunda xidməti və vəzifə borclarını layiqincə yerinə yetirdiklərinə DİN rəhbərliyinə və Gəncə ŞBPİ-nin əməkdaşlarına razılıq ifadə edir.

Azərbaycan Jurnalistlər Birliyinin üzvü, araşdırmaçı jurnalist Aybəniz Abdulovanın Aztimes.az xəbər saytının 27.05.2022-ci il tarixli buraxılışında “Azərbaycan Polisinin xidmətinə təşəkkür belə yetməz!” sərlövhəli məqaləsi yerləşdirilib. 
Müəllif məqalədə polis əməkdaşlarının humanistliyini, vətəndaşlara diqqət və qayğı göstərməsini, müraciətlərə həssas yanaşmasını, cinayətkarlıqla qətiyyətli mübarizə aparmasını, ictimai asayişi ayıq-sayıq qorumasını və xidməti vəzifələrini layiqincə yerinə yetirməsini qeyd edərək Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Bakı şəhər sakini M.Seyidov məktubunda pulunun ələ keçirilməsi barədə müraciətinə dərhal reaksiya verildiyini, Bakı Şəhər Baş Polis İdarəsinin İstintaq və Təhqiqat İdarəsində obyektiv araşdırma aparılaraq qısa müddətdə müraciətinin müsbət həll olunduğunu qeyd edərək DİN rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir. 

Bakı şəhər sakini L.Səmədova DİN-in “Instagram” səhifəsinə təşəkkür mesajı yazıb. O, soyğunçuluq faktı ilə bağlı Binəqədi RPİ-nin 43-cü Polis Bölməsinə etdiyi müraciətinə çevik reaksiya verildiyini və həyata keçirilmiş əməliyyat tədbirləri nəticəsində bu əməli törətməkdə şübhəli bilinən şəxsin qısa müddətdə müəyyən edilərək saxlanıldığını qeyd edir. 
L.Səmədova həyata keçirilən operativ tədbirlərə görə 43-cü Polis Bölməsinin əməkdaşlarına minnətdarlığını bildirir.