Bakı şəhər sakini Ramil Heydərov DİN-in “İnstagram” səhifəsi vasitəsilə Daxili İşlər Nazirliyinə ünvanladığı məktubunda narkotiklərin qanunsuz dövriyyəsi hallarının qarşısının alınması ilə bağlı müraciətinə operativ reaksiya verildiyini, Baş Narkotiklərlə Mübarizə İdarəsinin əməkdaşları tərəfindən müvafiq tədbirlərin həyata keçirildiyini qeyd edir. O, müraciətinə obyektiv baxıldığına, həmçinin bununla bağlı həyata keçirilən tədbirlərə görə DİN rəhbərliyinə minnətdarlığını bildirir.

DİN-in “İnstagram” səhifəsinin izləyicisi olan Bakı şəhər sakini Pərviz Həxiyev paytaxtın Nizami rayonu ərazisində yaşadığı ünvanda sosial neqativ halların, narkotik vasitələrin və psixotrop maddələrin qanunsuz dövriyyəsinin qarşısının alınması ilə bağlı səhifə vasitəsilə ünvanladığı müraciətinə operativ reaksiya verildiyinə və dərhal həyata keçirilən tədbirlərlə görə DİN rəhbərliyinə minnətdarlığını bildirir.

Bakı şəhər sakini, vəkil Tural Şükürov məktubunda avtonəqliyyat vasitəsinin axtarışda olması ilə bağlı ünvanladığı müraciətə operativ baxıldığını, Baş Dövlət Yol Polisi İdarəsi tərəfindən araşdırılaraq qısa müddətdə müsbət həll olunduğunu qeyd edir. <>p/Vəkil müraciətlərə həssas yanaşılmasına, operativliyə, vətəndaşların üzləşdikləri problemlərin qısa müddətdə aradan qaldırılması üçün yaradılan elektron xidmətlərə görə DİN rəhbərliyinə və Baş Dövlət Yol Polisi İdarəsinin əməkdaşlarına minnətdarlığını bildirir.

Bakı şəhər sakini Gülnar Comərdova məktubunda üzləşdiyi oğurluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.

Bakı şəhər sakini Kəmalə Təhməzova Daxili İşlər Nazirliyinə ünvanladığı təşəkkür məktubunda övladı ilə birlikdə gecə saatlarında Cəlilabad rayonunda hərəkətdə olarkən avtomobilində yaranmış nasazlığın aradan qaldırılmasında yol polislərinin köməklik etdiyini bildirir.

O, belə halların qürurverici olduğunu, vətəndaşlarda polisə inam və etibarı daha da artırdığını qeyd edir. K.Təhməzova göstərdikləri qayğıya görə DİN rəhbərliyinə və Cəlilabad DYPB-nin əməkdaşlarına minnətdarlığını bildirir.

Bakı şəhər sakini İntiqam Zairov Daxili İşlər Nazirliyinə ünvanladığı məktubunda Nazirliyə etdiyi elektron müraciətinə operativ reaksiya verildiyini qeyd edir. O, Bakı şəhər Baş Polis İdarəsinə dəvət edildiyini, nəzakətlə qarşılanaraq dinlənildiyini və müraciətinə obyektiv baxıldığını qeyd edir.

İ.Zairov vətəndaş müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir.

DİN-in “Telegram” səhifəsinin izləyicisi, Bakı şəhər sakini İ.Səmədova səhifə vasitəsilə üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Mingəçevir şəhər sakini Vüqar Əkbərov pozulmuş hüquqlarının bərpası ilə bağlı DİN-in “Facebook” səhifəsi vasitəsilə Nazirliyə etdiyi müraciətə operativ baxıldığını, obyektiv araşdırma aparılaraq müsbət həll olunduğunu qeyd edərək DİN rəhbərliyinə təşəkkürünü bildirir.

Abşeron rayon sakini Raziyyə Vəliyeva vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə və Sumqayıt ŞPİ-nin əməkdaşlarına minnətdarlığını bildirir.