Bakı şəhər sakini Telman Əsgərov DİN rəhbərliyinə ünvanladığı təşəkkür məktubunda psixoloji problemlər yaşayan oğlunun tapılaraq Ruhi Əsəb Xəstəlikləri Dispanserinə yerləşdirilməsində göstərdikləri köməyə görə daxili işlər orqanları əməkdaşlarına minnətdarlığını bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Bakı şəhər sakini Fuad Əliyev sosial şəbəkə vasitəsilə etdiyi müraciətinə həssas yanaşıldığına, keçirilmiş operativ tədbirlərlə təhlükəsizliyinin təmin olunmasına görə DİN rəhbərliyinə və Xətai Rayon İdarəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Astara rayon sakini Emiliya Əliyeva pozulmuş hüquqlarının bərpası ilə bağlı DİN-in “İnstagram” səhifəsi vasitəsilə etdiyi müraciətə operativ baxıldığını, Astara Rayon Polis Şöbəsində obyektiv araşdırma aparılaraq müsbət həll olunduğunu qeyd edərək DİN rəhbərliyinə və RPŞ-nin əməkdaşlarına təşəkkürünü bildirir.

Bakı şəhər sakini Lalə Həsənova üzləşdiyi dələduzluq faktı ilə bağlı müraciətinə operativ baxıldığına və obyektiv araşdırıldığına görə DİN rəhbərliyinə və Suraxanı RPİ-nin 31-ci Polis Bölməsinin əməkdaşlarına minnətdarlığını bildirir.

Sumqayıt şəhər sakini Tərlan Ağayev Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, şəhər ərazisində ictimai asayişi və ictimai təhlükəsizliyi ayıq-sayıq qoruyan, vətəndaşlarla nəzakətli davranan, xidməti vəzifələrini layiqincə yerinə yetirən Sumqayıt Şəhər Polis İdarəsinin əməkdaşlarına minnətdarlığını bildirir, çətin və şərəfli xidmətlərində uğurlar atrzulayır.

Cəlilabad şəhərində yaşayan Səid Muradov Daxili İşlər Nazirliyinə ünvanladığı məktubunda rayon ərazisində sosial neqativ halların, narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində qətiyyətli mübarizə aparan, gecə-gündüz yorulmadan xidmət edən, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Cəlilabad Rayon Polis Şöbəsinin əməkdaşlarına təşəkkürünü bildirir.

Şirvan şəhər sakini Elxan Əliyev Vətən savaşının qazisi olan oğlunun daxili işlər orqanlarında xidmətə qəbul olunması ilə bağlı göstərdikləri köməkliyə görə Şirvan ŞPŞ-nin rəhbərliyinə və əməkdaşlarına minnətdarlığını bildirir.

Beyləqan rayonunun Eyvazalılar kəndində yaşayan Rabil Quliyev məktubunda Bakı-Ələt-Qazax yolunun "Nəvahi postu" adlanan ərazisində xidməti vəzifələrini və peşə fəaliyyətini layiqincə yerinə yetirən BDYPİ-nin 7-ci taqımının əməkdaşlarına təşəkkürünü bildirir, çətin və şərəfli işlərində uğurlar arzulayır.

Bakı şəhər sakini Şöhrət Kərimov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Sabunçu Rayon Polis İdarəsinin əməkdaşlarına minnətdarlığını bildirir.