Ağsu rayon sakini Nazif Mütəllimov rayonda ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Ağsu RPŞ-in rəhbərliyinə və əməkdaşlarına minnətdarlığını yazır.

Vətəndaş Elburus Aslanov təşəkkür məktubunda etdiyi müraciətin obyektiv araşdırıldığına və ona dəymiş maddi ziyanın ödətdirilməsinə görə DİN rəhbərliyinə və Mingəçevir ŞPŞ-nin əməkdaşlarına minnətdarlığını bildirir.

11-ci sinif şagirdi Şamxal Qurbanov DİN rəhbərliyinə ünvanladığı təşəkkür məktubunda yağışlı havada onları yaşadıqları ünvana qədər xidməti avtomobilləri ilə gətirən Balakən RPŞ-nin DYPB-nin əməkdaşlarına minnətdarlıq edir.

Azərbaycan Respublikasının əməkdar artisti Mirzə Ağabəyli görkəmli şair Hacı Dadaş Qaibin büstünü oğurlayan şəxslərin saxlanılmasına görə Buzovna qəsəbəsinin ağsaqqallarının və ziyalılarının adından DİN rəhbərliyinə və Xəzər Rayon Polis İdarəsinin əməkdaşlarına minnətdarlıq edir.

“Azad səs” informasiya agentliyinin rəhbəri Akif Səfərov DİN-in “Facebook” səhifəsi vasitəsilə ünvanladığı müraciətinə operativ baxıldığını, Baş Mühafizə İdarəsi tərəfindən obyektiv araşdırılaraq qısa müddətdə müsbət həll olunduğunu qeyd edərək DİN rəhbərliyinə minnətdarlığını bildirir.

Abşeron rayon sakini Dilarə Həsənova DİN-in “İnstagram” səhifəsi vasitəsilə ünvanladığı məktubda vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir.

Abşeron rayon sakini Vahid Səfərov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Binəqədi RPİ 6-cı Polis Bölməsinin əməkdaşlarına minnətdarlığını bildirir.

Bakı şəhər sakini Mirsahib Abbasov oğlu ilə bağlı etdiyi müraciətə həssas yanaşıldığına və məsələnin dərhal eyni zamanda müsbət şəkildə həll olunduğuna görə DİN rəhbərliyinə dərin minnətdarlığını bildirir.

Bakı şəhər sakini Salvina Əlimerdenova etdiyi müraciətə polis əməkdaşları tərəfindən operativ şəkildə reaksiya verildiyi üçün və məsələnin müsbət həll olunduğu ilə bağlı DİN rəhbərliyinə təşəkkür edir.