Baş Narkotiklərlə Mübarizə İdarəsinin “Facebook” səhifəsinin izləyicisi Xəyal Həsənov respublika ərazisində narkotik vasitələrin və psixotrop maddələrin qanunsuz dövriyyəsinin qarşısının alınması ilə bağlı həyata keçirilən operativ tədbirlərə görə DİN rəhbərliyinə və Baş Narkotiklərlə Mübarizə İdarəsinin əməkdaşlarına minnətdarlığını bildirir.

“Facebook” istifadəçisi Xatun Əliyeva səhifəsində yazdığı postda Sumqayıt şəhərində narkotik vasitələrin və psixotrop maddələrin qanunsuz dövriyyəsi ilə məşğul olan şəxslərə qarşı aparılan mübarizə tədbirləri ilə bağlı DİN rəhbərliyinə və Baş Narkotiklərlə Mübarizə İdarəsinin əməkdaşlarına minnətdarlığını bildirir.

DİN-in “Instagram” səhifəsinin “nazrin_m7” adlı izləyicisinin yazdığı mesajı diqqətinizə çatdırırıq: “Mən təşəkkür etmək istəyirəm. Sumqayıt şəhərində poliklinikada aparılan vaksinasiya zamanı polislərin hər kəsə, eləcə də mənə necə kömək etdiyinin şahidi oldum və qürur duydum. İstər pandemiya zamanı, istər yağışda, istər soyuqda, hər zaman polislərin dəstəyini hiss etmişik.”

Goranboy rayon sakini Aybəniz Rzayeva vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir.

Bakı şəhər sakini Zülfiyyə İmanova üzləşdiyi dələduzluq faktı ilə bağlı DİN-in “Instagram” səhifəsi vasitəsilə etdiyi müraciətə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Yasamal RPİ 28-ci PB-nin əməkdaşlarına minnətdarlığını bildirir.

Bakı şəhər sakini İmran Fəxrəndə üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

Xaçmaz rayon sakini Cəmilə Bayramova üzləşdiyi problem ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında DİN rəhbərliyinə və İnsan Alverinə Qarşı Mübarizə İdarəsinin əməkdaşlarına minnətdarlığını bildirir.

Bakı şəhər sakini, şəhid atası Əyad Nəbiyev avtomobilinin texniki baxışdan keçirilməsi ilə bağlı köməklik göstərilməsini xahiş edib. Müraciətinə həssaslıqla yanaşılaraq həll olunmasında göstərdikləri köməkliyə görə Azərbaycan Polisinə və əməkdaşlarına minnətdarlığını bildirir.

Abşeron rayon sakini Varaşil Məmmədov ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Sumqayıt ŞPİ-nin rəhbərliyinə və şəxsi heyətinə təşəkkürünü ifadə edir.