Bakı şəhər sakini Kəmalə Ağazadə Daxili İşlər Nazirliyinə ünvanladığı məktubunda DİN rəhbərliyinə və Sabirabad RPŞ-nin əməkdaşlarına minnətdarlığını bildirir.

“Sahibkarlıq və hüquq” qəzetinin bölgə müxbiri Adışirin Qurbanov Daxili İşlər Nazirliyinə ünvanladığı məktubunda xidməti vəzifə borclarını layiqincə yerinə yetirdiyinə görə Şirvan ŞPŞ-nin rəhbərliyinə təşəkkürünü bildirir.

Bakı şəhər sakini Fikrət Quliyev məktubunda qarşıdan gələn 2 iyul - Polis Günü münasibətilə DİN rəhbərliyini və Azərbaycan polisini təbrik edir, çətin və şərəfli xidmətlərində uğurlar arzulayır.

Vətəndaş Zaur Əşrəfov DİN-in “Instagram” səhifəsinə təşəkkür mesajı yazıb. O, səhifə vasitəsilə ünvanladığı müraciətinə operatvi reaksiya verildiyini, araşdırma aparılaraq qısa müddətdə müsbət həll olunduğunu qeyd edərək DİN rəhbərliyinə təşəkkürünü bildirir.

Vətəndaş Rahib Quliyev DİN-in “Instagram” səhifəsinə təşəkkür mesajı yazıb. O, avtomobilinin dövlət qeydiyyat nişanının itməsi ilə bağlı Binəqədi RPİ-nin 43-cü Polis Bölməsinə müraciət etdiyini, polis əməkdaşlarının operativliyi sayəsində dövlət qeydiyyat nişanının qısa müddətdə tapılaraq ona təhvil verildiyini qeyd edir. R.Quliyev operativliyə görə 43-cü Polis Bölməsinin əməkdaşlarına təşəkkürünü bildirir.

Bakı şəhər sakini Təranə Paranj DİN rəhbərliyinə ünvanladığı təşəkkür məktubunda polis əməkdaşlarının xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə Xətai RPİ-nin 37-ci Polis Bölməsinin şəxsi heyətinə  minnətdarlığını  ifadə edir.

Qəbələ rayon sakini Rəvan Həsənzadə DİN-ə ünvanladığı təşəkkür məktubunda yazır ki, Texnofestdə iştirakı zamanı həyat yoldaşının vəziyyəti pisləşib. Orada xidmət aparan polis xanım əməkdaşının və DYPX-nin köməkliyi ilə həyat yoldaşı vaxtında xəstəxanaya çatdırılıb və həyati təhlükəsinin qarşısı alınıb.  Ona köməklik edən polis əməkdaşlarına öz təşəkkürünü bildirir.

Sosial şəbəkə izləyicisi Əsmər Cümşüdlü DİN-ə ünvanladığı təşəkkür məktubunda etdiyi müraciətə baxılmasına, səmimi qəbula və probleminin aradan qaldırılmasına görə DİN rəhbərliyinə minnətdarlığını bildirir.

Bakı şəhər sakini Şəbnəm Həsənova DİN rəhbərliyinə ünvanladığı təşəkkür məktubunda yazır: “Binəqədi rayonunda yaşayıram. Günün istənilən vaxtı küçəyə çıxanda polis əməkdaşlarını xidmət başında olması, əmin-amanlığı qoruması bizi çox sevindirir. Polis əməkdaşlarının xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə DİN rəhbərliyinə minnətdarlığımı bildirirəm”. Sənədin işə alınması məqsədəmüvafiqdir.