Bakı şəhər sakini Zülfiyyə İmanova velosipedinin oğurlanması ilə bağlı etdiyi müraciətə polis əməkdaşlarının qısa zaman ərzində operativlik nümaiş etdirərək velosipedi taparaq geri qaytarılmasını təmin etdiklərinə görə DİO əməkdaşlarına təşəkkür edir.

Bakı şəhər sakini Rəşad Quliyev 500 manat pulunun digər bir şəxs tərəfindən ələ keçirilməsi ilə bağlı etdiyi müraciətə Binəqədi Rayon Polis İdarəsinin əməkdaşları tərəfindən dərhal reaksiya verilərək məsələnin müsbət həll olunmasına həmçinin dəymiş ziyanın ödətdirilməsində köməkliyin göstərilməsinə görə DİN rəhbərliyinə minnətdarlıq edir.

Bakı şəhər sakini Raisa Əliyeva naməlum şəraitdə 17 yaşlı qızının itkin düşməsi ilə bağlı etdiyi müraciətə polis əməkdaşları tərəfindən operativ reaksiya verməsinə və övladının tapılaraq geri qaytarılmasına görə DİO əməkdaşlarına təşəkkürünü bildirir.

Gəncə şəhər sakini Arzu Ulubekov 1800 manat pulunun digər bir şəxs tərəfindən ələ keçirilməsi ilə bağlı etdiyi müraciətdən dərhal sonra polis əməkdaşlarının qısa zaman ərzində araşdırma apraraq dəymiş ziyanın ödətdirilməsində göstərdikləri köməkliyə görə DİO əməkdaşlarına təşəkkürünü bildirir.

Vətəndaş Aytac İsmayılova alimenti ödəməkdən boyun qaçıran keçmiş həyat yoldaşının axtarışı ilə bağlı etdiyi müraciətdən sonra polis əməkdaşlarının məsələyə həssaslıqla yanaşmağına və şəxsin saxlanılması istiqamətində görülən çevik tədbirlərə görə DİO əməkdaşlarına minnətdarlığını bildirir.

Vətəndaş Gülşən Hacıyeva şəxsi təsərrüfatına ziyan vurulması ilə bağlı etdiyi müraciətə Şəmkir Rayon Polis Şöbəsinin əməkdaşları tərəfindən operativ yanaşılaraq məsələnin qısa zaman ərzində müsbət həll olunmasında göstərdikləri köməkliyə görə DİN rəhbərliyinə təşəkkürünü bildirir.

Bakı şəhər sakini Vəfa Dəmirova Daxili İşlər Nazirliyinə ünvanladığı məktubunda polis əməkdaşları tərəfindən narkotiklərin qanunsuz dövriyyəsinə qarşı aparılan qətiyyətli mübarizəyə görə DİN rəhbərliyinə və Baş Narkotiklərlə Mübarizə İdarəsinin əməkdaşlarına təşəkkürünü bildirir, çətin və şərəfli işlərində uğurlar arzulayır.

Bakı şəhər sakini Kəmalə Məmmədova DİN rəhbərliyinə və Nəsimi RPİ-nin əməkdaşlarına ünvanladığı təşəkkür məktubunda xidməti vəzifələrinin öhdəsindən layiqincə gəldiyinə, vətəndaşlara qarşı sərgilənən diqqətə və yüksək mədəni davranışa görə öz təşəkkürünü bildirirlər.

Bakı şəhər sakini Samir Məmmədov üzləşdiyi problem ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında DİN rəhbərliyinə və Azərbaycan Polisinə minnətdarlığını bildirir.