Şabran rayon sakini Nizami Həsənov ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Şabran RPŞ-nin rəhbərliyinə və əməkdaşlarına minnətdarlığını yazır.

Goranboy rayon sakini Neman Eminov DİN-ə ünvanladığı təşəkkür məktubunda xidməti fəaliyyətlərini layiqncə yerinə yetirdiklərinə görə Goranboy rayon Polis Şöbəsinin rəisi polis polkovniki Ramin Qədirovdan və Cinayət Axtarışı Bölməsinin rəisi polis mayoru Tural Əhmədovdan razılığını bildirir.

Bakı şəhər sakini Elman Mahmudov üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayətkarın tapılmasında, eləcə də ona dəymiş ziyanın ödətdirilməsində göstərdikləri köməkliyə görə Nəsimi RPİ 22-ci Polis Bölməsinin rəhbərliyinə və əməkdaşlarına minnətdarlığını bildirir.

Bakı şəhər sakini Elşən İsmayılov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə BMCMİ-nin rəhbərliyinə və şəxsi heyətinə təşəkkürünü ifadə edir.

Abşeron rayon sakini Aygün Kərimova oğluna məxsus mobil telefon və velosipedin oğurlanması ilə əlaqədar etdiyi müraciətə həssaslıqla yanaşılaraq qısa zaman kəsiyində cinayətkarın tutulmasında, eləcə də əşyaların ona saz vəziyyətdə qaytarılmasında göstərdikləri köməkliyə görə Abşeron RPİ-nin rəhbərliyinə və əməkdaşlarına minnətdarlığını yazır.

Sumqayıt şəhər sakini Ələddin Həsənov üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Sumqayıt ŞPİ-nin rəhbərliyinə və əməkdaşlarına təşəkkürünü bildirir.

Kürdəmir rayon sakini Altay Şirinov üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Kürdəmir RPŞ-nin rəhbərliyinə və şəxsi heyətinə minnətdarlığını ifadə edir.

Gəncə şəhər sakini Qəmbər Verdiyev “Aşura” günü münasibəti ilə Gəncə şəhər İmamzadə Məscidində Şəhər Baş Polis İdarəsinin əməkdaşlarının həyata keçirdiyi təhlükəsizlik tədbirlərindən razılığını bildirir, buna görə Gəncə ŞBPİ-nin rəhbərliyinə təşəkkür edir.

Bakı şəhər sakini Pərnisə Cəfərova işə düzəltmək adı ilə ondan pul alınması ilə bağlı etdiyi müraciətə polis əməkdaşları tərəfindən operativ yanaşılması və keçirilən araşdırmalarla ona dəymiş ziyanın ödətdirilməsində göstərilən köməkliyə görə DİN rəhbərliyinə dərin mənnətdarlığını bildirir.