Bakı şəhər sakini Arifə Əliyeva məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Vətəndaş İlham Hüseynov Nəsimi rayonu H.Seyidzadə küçəsində sürücülərin dayanma-durma və parklama qaydalarını pozduqları barədə etdiyi müraciətə polis əməkdaşları tərəfindən operativ yanaşdıqlarına və qısa zaman ərzində problemin həlli istiqamətində tədbirlər təşkil etdiklərinə görə DİN rəıhbərliyinə və Nəsimi Rayon Polis İdarəsinin əməkdaşlarına minnətdarlıq edir.

Vətəndaş Muxtar Abdullayev qohumunu mobil telefon vasitəsilə narahat edən şəxsin müəyyən olunaraq məsuliyyətə cəlb edilməsi barədə etdiyi müraciətə  Xəzər Rayon Polis İdarəsinin  2-ci Polis Şöbəsinin əməkdaşları tərəfindən təxirəsalınmaz tədbirlərin təşkil edildiyinə və qısa zaman ərzində şəxsin müəyyən olunaraq məsuliyyətə cəlb edilməsinə görə DİN rəhbərliyinə təşəkkür edir.

Vətəndaş Ləman Hüseynzadə qarşılaşdığı problemlə bağlı etdiyi müraciətə polis əməkdaşları tərəfindən həssas yanaşıldığına həmçinin vətəndaş müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir. 

Vətəndaş Nəzərova Sevinc qeydiyyat məsələsi ilə bağlı müraciətinə operativ baxılaraq qısa müddətdə müsbət həll olunduğunu qeyd edərək DİN rəhbərliyinə və Nəsimi Rayon Polis İdarəsinin Qeydiyyat və Şəxsiyyət Vəsiqəsi bölməsinin əməkdaşlarına minnətdarlığını bildirir.

İmişli rayon sakini Bayram Hüseynov DİN rəhbərliyinə ünvanladığı təşəkkür məktubunda üzləşdiyi oğurluq hadisəsi ilə bağlı etdiyi müraciətinin obyektiv araşdırılaraq müsbət yöndə həll olunmasına görə DİN rəhbərliyinə və İmişli RPŞ-nin əməkdaşlarına minnətdarlığını bildirir. 

Zərdab rayon sakini Coşqun Abdullayev üzləşdiyi problemlə bağlı etdiyi müraciətə həssaslıqla yanaşılaraq qısa zaman kəsiyində müsbət həll olunmasında göstərdikləri köməkliyə görə Zərdab RPŞ-nin rəhbərliyinə və əməkdaşlarına minnətdarlığını bildirir.

Vətəndaş Simral Zeynallı Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Sabirabad rayon sakini Vüsalə Hacıyeva DİN rəhbərliyinə ünvanladığı təşəkkür məktubunda ona məxsus fərdi yaşayış evindən edilən oğurluq hadisəsinin obyektiv araşdırıldığına və hadisəni törədən şəxsin tutularaq məsuliyyətə cəlb edilməsinə görə RPŞ-nin əməkdaşlarına minnətdarlığını bildirir.