Mingəçevir şəhər sakini Rüstəm Məmmədov DİN rəhbərliyinə ünvanladığı təşəkkür məktubunda müraciətinin obyektiv araşdırılmasına görə, Mingəçevir ŞPŞ-nin əməkdaşlarına minnətdarlığını bildirir.

Oğuz rayon sakini Seymur Umarov müraciətinin müsbət həll olunmasına görə, Oğuz RPŞ-nin əməkdaşlarına minnətdarlığını bildirir.

Vətəndaş Sevil Bədəlova DİN-in “Instagram” səhifəsinə ünvanladığı təşəkkür mesajında müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Səbail Rayon Polis İdarəsinin əməkdaşlarına minnətdarlığını bildirir.

Bakı şəhər sakini Rəhimə Əsgərova DİN-in “Facebook” səhifəsinə təşəkkür mesajı yazıb. O, DİN-in “Facebook” səhifəsi vasitəsilə ünvanladığı müraciətinə operativ baxıldığına və qısa müddət ərzində həll olunduğuna görə DİN rəhbərliyinə və Sabunçu Rayon Polis İdarəsinin əməkdaşlarına təşəkkürünü bildirir.

Bakı şəhər sakini Elyar İslamoğlu “Facebook” sosial şəbəkəsindəki hesabında paylaşdığı posta abituriyentlərin imtahan verdiyi binaların təhlükəsizliyini yüksək səviyyədə qoruyan, həmçinin abituriyentlərin rahat şəkildə imtahan verə bilməsi üçün ictimai asayişin qorunmasında xidməti vəzifələrini layiqincə yerinə yetirən Azərbaycan polisinə təşəkkürünü bildirir.

Bakı şəhər sakini Xalid Abuzərli məktubunda maddi vəsaitinin mənimsənilməsi faktı ilə bağlı Daxili İşlər Nazirliyinə etdiyi müraciətinə operativ baxıldığını, araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirildiyini qeyd edir. O, operativliyə, obyektiv araşdırmalara və maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Leyla Şabanova çətin vəziyyətində olan köməklik göstərən polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Quba rayon sakini Günel Musayeva itkin düşən azyaşlı oğlunun qısa zaman ərzində tapılaraq təhvil verilməsinə görə DİN rəhbərliyinə və Quba RPŞ-nin əməkdaşlarına minnətdarlığını bildirir.

Abşeron rayon sakini Sara Səfərova üzləşdiyi problemlə bağlı etdiyi müraciətinin obyektiv araşdırılmasına, müsbət həll edilməsinə görə Abşeron RPİ-nin rəhbərliyinə və əməkdaşlarına minnətdarlığını bildirir.