Ağcabədi rayon sakini Rəşad Cəfərov DİN-ə ünvanladığı təşəkkür məktubunda ona dəymiş maddi ziyanın ödənilməsində göstərilən köməyə görə DİN rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir.

Paytaxtın Nəsimi rayonu ərazisində yaşayan, Bakı şəhər sakini Ələsgər Ələsgərov Daxili İşlər Nazirliyinə ünvanladığı məktubunda karantin rejimi dövründə pandemiyanın qarşısının alınması və insanların sağlamlığının qorunması üçün həyatlarını belə risqə ataraq gecə-gündüz xidmət aparan, öz üzərinə düşən vəzifələri layiqincə yerinə yetirən polis əməkdaşlarına, o cümlədən Nəsimi RPİ-nin 19-cu Polis Bölməsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Zeynəb Əhmədova DİN-ə ünvanladığı təşəkkür məktubunda işi ilə bağlı Şəki şəhərində olarkən pul kisəsini itirməsi ilə əlaqədar müraciətinə operativ baxıldığına və tez bir zamanda tapılaraq ona qaytarıldığına görə DİN rəhbərliyinə və Şəki ŞRPŞ-nin əməkdaşlarına minnətdarlıq edir.

Lənkəran rayonunun Kərgəlan kənd sakini Bəhram Hüseynov məktubunda ona məxsus otlaq sahəsinin naməlum şəxslər tərəfindən biçilməsi ilə bağlı Lənkəran Şəhər Rayon Polis Şöbəsinə müraciət etdiyini qeyd edir.

B.Hüseynov müraciətinə operativ baxılaraq müvafiq tədbirlərin görüldüyünə və obyektiv araşdırma aparılaraq müsbət həll olunduğuna görə Lənkəran ŞRPŞ-nin əməkdaşlarına minnətdarlığını bildirir.

Sumqayıt şəhər sakini Aytəkin Bayramova Daxili İşlər Nazirliyinə ünvanladığı məktubunda mobil telefonunun və pulqabısının oğurlanması ilə bağlı Sumqayıt ŞPİ-nin 1-ci Polis Bölməsinə müraciət etdiyini bildirir. O, müraciətinə dərhal reaksiya verildiyini, operativ tədbirlərlə oğurluğu törədən şəxsin müəyyən edilərək ona dəymiş maddi ziyanın ödətdirildiyini qeyd edir.

A.Bayramova nəzakətlə qəbul edilməsinə, vətəndaş müraciətlərinə həssas yanaşılmasına, görülmüş operativ tədbirlərə və ona dəymiş maddi ziyanın ödətdirilməsinə görə Sumqayıt ŞPİ 1-ci Polis Bölməsinin əməkdaşlarına təşəkkürünü bildirir.

Bakı şəhər sakini Dadaş Şükürov Daxili İşlər Nazirliyinə ünvanladığı məktubunda yaşadığı binanın zirzəmisinə qanunsuz daxil olan şəxslər barəsində müraciətinə Bakı Şəhər Baş Polis İdarəsində baxılaraq müvafiq araşdırma aparıldığını qeyd edir. O, müraciətinə dərhal reaksiya verildiyinə və görülmüş operativ tədbirlərlə müraciətinin müsbət həll olunduğuna görə Bakı Şəhər Baş Polis İdarəsinin əməkdaşların minnətdarlığını bildirir.

Neftçala rayon sakinləri Malik Rəcəbov və Ceyhun Nəfəsov DİN-ə ünvanladıqları minnətdarlıq məktublarında Rayon Polis Şöbəsinin rəhbərliyinin və əməkdaşlarının vəzifə borclarını layiqincə yerinə yetirdiklərinə və vətəndaşlara göstərdikləri səmimi münasibətə görə təşəkkür edirlər.

DİN-in “İnstagram” səhifəsinin izləyicisi Təbriz Feyzullayev müraciətinə operativ qaydada baxıldığına görə DİN rəhbərliyinə və Sabunçu RPİ 13-cü Polis Bölməsinin şəxsi heyətinə minnətdarlıq edir.

DİN-in “Facebook” səhifəsinin izləyicisi Rahib Kərimli bank hesabından oğurluq faktı ilə əlaqədar etdiyi müraciətə operativ baxıldığına və oğurluğu edən şəxsin saxlanıldığına görə DİN rəhbərliyinə minnətdarlıq edir.