Abşeron rayon sakini İsmayıl Əliyev DİN-ə ünvanladığı təşəkkür məktubunda Bakı şəhərindəki mənzilindən kirayə qalan şəxslər tərəfindən oğurluq edildiyi üçün etdiyi müraciətə baxıldığına və həmin şəxslərin saxlanılmasına görə DİN rəhbərliyinə minnətdarlıq edir.

Şəki şəhər sakini Fikrət Daşdəmirov polis əməkdaşlarının xidməti vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə DİN rəhbərliyinə minnətdarlığını bildirir.

Zaqatala rayonunda anadan olmuş, hazırda Rusiya Federasiyasının Sankt Peterburq şəhərində yaşayan Səbuhi Səmədov məktubunda özünün və ailə üzvlərinin üzləşdiyi cinayət faktı ilə bağlı Daxili İşlər Nazirliyinə müraciət etdiyini bildirir. O, müraciətinə dərhal reaksiya verilərək Baş Mütəşəkkil Cinayətkarlıqla Mübarizə İdarəsi tərəfindən müvafiq tədbirlərin həyata keçirildiyini qeyd edir.

S.Səmədov müraciətinə həssas yanaşıldığına, yüksək peşəkarlıqla keçirilmiş operativ tədbirlərlə özünün və ailəsinin təhlükəsizliyinin təmin olunmasına görə DİN rəhbərliyinə və Baş Mütəşəkkil Cinayətkarlıqla Mübarizə İdarəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Qax rayon sakini Əfqan Əhmədov DİN rəhbərliyinə ünvanladığı təşəkkür məktubunda təsərrüfatda işləyərkən ilan sancan qardaşının xəstəxanaya çatdırılmasında göstərdikləri köməkliyə görə, Qax RPŞ-nin PPX-nin əməkdaşlarına öz minnətdarlığını bildirir.

Bakı şəhər sakini, vəkil Yusif İsmayılov Daxili İşlər Nazirliyinə ünvanladığı teleqramda Ali Məhkəmənin qərarının icra edilməməsi barədə müraciətinə dərhal reaksiya verildiyini bildirir. O, Şəxsi Heyətlə İş İdarəsi tərəfindən obyektiv araşdırma aparılaraq müraciətinin müsbət həll olunduğunu qeyd edir.

Vəkil müraciətinə operativ baxıldığına və müsbət həll olunduğuna görə DİN rəhbərliyinə və Şəxsi Heyətlə İş İdarəsinin əməkdaşlarına təşəkkürünü bildirir.

Qaradağ rayonunun Ələt qəsəbəsində yaşayan Elçin Şahsuvarov qəsəbə sakinləri olan şəhid və aztəminatlı ailələr adından Daxili İşlər Nazirliyinə ünvanladığı teleqramda Qurban bayramı münasibətilə Ələt qəsəbəsində yaşayan şəhid və aztəminatlı ailələrə polis əməkdaşları tərəfindən yüksək diqqət və qayğı göstərildiyini qeyd edir.

O, cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən, şəhid, tənha, aztəminatlı və çoxuşaqlı ailələrə baş çəkərək ərzaq yardımları edən, qayğıkeşlik göstərən polis əməkdaşlarına qəsəbə sakinləri olan şəhid və aztəminatlı ailələr adından təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Tariyel Vəliyev Daxili İşlər Nazirliyinə ünvanladığı məktubunda üzləşdiyi oğurluq faktları ilə bağlı müraciətinə dərhal reaksiya verildiyini, Xətai RPİ-nin 34-cü Polis Şöbəsinin əməkdaşları tərəfindən operativ tədbirlər görüldüyünü qeyd edir.

T.Vəliyev müraciətinin qısa müddətdə müsbət həll olunduğuna görə Xətai RPİ-nin və 34-cü PŞ-nin əməkdaşlarına təşəkkürünü bildirir.

Yevlax rayon sakini Suqra Əlizadə DİN-ə ünvanladığı təşəkkür məktubunda ona dəymiş maddi ziyanın ödənilməsində göstərilən köməyə görə DİN rəhbərliyinə və Yevlax Rayon Polis Şöbəsinin əməkdaşlarına minnətdarlığını bildirir.

Beyləqan rayon sakini Arzu Rəhimov üzləşdiyi problemlə əlaqədar etdiyi müraciətə operativ baxıldığına və müsbət həll olunmasına görə DİN rəhbərliyinə və Beyləqan Rayon Polis Şöbəsinin əməkdaşlarına təşəkkürünü bildirir.