Cəlilabad rayonunun Göytəpə şəhər sakini Raqif Nağdıyev DİN-ə ünvanladığı məktubunda bir nəfər Salyan rayon sakininin ona olan borcunu qaytarmaqdan imtina etməsini, yalnız DİN-ə müraciət etdikdən sonra aparılan araşdırmalar nəticəsində şikayətinin təmin olunduğunu, pulunu geri ala bildiyini qeyd edir. Məktub müəllifi şikayətinə obyektiv yanaşıldığına görə DİN rəhbərliyinə öz minnətdarlığını bildirir.

Saatlı rayon sakini Əziz Məmmədov öz məktubunda daxili işlər orqanlarına şikayətinə obyektiv baxıldığına, ona dəyən ziyanın ödənilməsinə görə DİN rəhbərliyinə minnətdarlığını bildirir.

Bakı şəhər sakini Aysel Talıbova DİN-ə ünvanladığı məktubunda iyunun 25-də saat 17 radələrində ictimai nəqliyyatda yol gedərkən mobil telefonunun oğurlandığını bildirir. O qeyd edir ki, hadisə ilə bağlı Nəsimi RPİ-yə müraciət edib. Məktub müəllifi iyulun 31-də Nəsimi RPİ-yə dəvət edildiyini, telefonunun ona qaytarıldığını bildirir, buna görə ölkə polisinə minnətdarlığını bildirir.

Saatlı rayonunun Kamallı kənd sakini Aslan Şıxəliyev öz məktubunda daxili işlər orqanlarına şikayətinə obyektiv baxıldığına, ona dəyən ziyanın ödənilməsinə görə DİN rəhbərliyinə minnətdarlığını bildirir.

Bakı şəhər sakini Samir Məmmədov DİN-ə ünvanladığı minnətdarlıq məktubunda yol polislərinə təşəkkürünü bildirir.

Bakı şəhər sakini Kamal Təhməzov DİN rəhbərliyinə ünvanladığı təşəkkür məktubunda vətəndaşın işinə layiqli yanaşmasına və düzgün qərar verdiklərinə görə Nəsimi RPİ-nin əməkdaşlarına minnətdarlığını bildirir.

Astara rayon sakini Aslan Məmmədov DİN-ə ünvanladığı minnətdarlıq məktubunda vəzifə borcunu layiqincə yerinə yetirdiyinə və vətəndaşlarla yaratdığı xoş münasibətə görə Lənkəran Rayon Dövlət Yol Polisi Şöbəsinin rəisi Elşən Əzizovdan razılıq edir və təşəkkürünü bildirir.

Bakı şəhər sakini Azad Məhərrəmov DİN-ə ünvanladığı təşəkkür məktubunda yol polisi əməkdaşlarının vətəndaşlarla səmimi münasibətindən razılıq edir və minnətdarlığını bildirir.

Sumqayıt şəhər sakini Əkrəm Yusifov DİN-ə ünvanladığı minnətdarlıq məktubunda itirdiyi sürücülük vəsiqəsinin yenidən bərpa olunmasında ona göstərdiyi köməkliyə görə Sumqayıt Şəhər Yol Polisi İdarəsinin əməkdaşına təşəkkürünü bildirir.