Masallı şəhər sakini Spartak Nadirov DİN rəhbərliyinə ünvanladığı təşəkkür məktubunda cinayətkarlıqla mübarizədə atılan qətiyyətli addımlara görə Rayon Polis Şöbəsinin əməkdaşlarından razılığını ifadə edir.

Astara rayonunun Ərçivan qəsəbə sakinləri Ayaz Baxşiyev və Əfsun Ağayev DİN rəhbərliyinə ünvanladıqları təşəkkür məktubunda COVID-19 pandemiyasına qarşı mübarizədə sərgilədiyi fədakar xidmətə və gərgin əməyə görə Rayon Polis Şöbəsinin rəhbərliyinə və əməkdaşlarına minnətdarlığını bildirir.

Astara rayonunun Miki kənd sakini Kamal Hidayətov öz təşəkkür məktubunda nümunəvi xidmətə görə Astara RPŞ-nin əməkdaşlarından razılığını bildirir.

Biləsuvar rayon sakini Pərviz Əzizov DİN rəhbərliyinə ünvanladığı təşəkkür məktubunda avtomobilində yaranan nasazlıq səbəbindən ailəsi ilə birlikdə yolda qaldığı zaman ona göstərilən köməkliyə görə BDYPİ-nin yol patrul xidməti alayının 10-cu tağımının əməkdaşlarına minnətdarlığını bildirir.

Sumqayıt şəhər sakini Elvin Əhmədov qanunun aliliyinin, insan hüquq və azadlıqlarının təmin edilməsində, cinayətkarlıqla, habelə narkotiklərin qanunsuz dövriyyəsinə qarşı qətiyyətli mübarizədə, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gəldiklərinə görə DİN rəhbərliyini və Sumqayıt ŞPİ-nin əməkdaşlarına minnətdarlığını bildirir.

Samux şəhər sakini, müharibə veteranı Rövşən Bədəlov ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə, eləcə də ehtiyacı olan ailələrə etdikləri ərzaq yardımlarına görə DİN rəhbərliyinə və Samux RPŞ-nin əməkdaşlarına təşəkkürünü ifadə edir.

Ağcabədi şəhər sakini Camal Abbasov qanunun aliliyinin, insan hüquq və azadlıqlarının təmin edilməsində, cinayətkarlıqla, habelə narkotiklərin qanunsuz dövriyyəsinə qarşı qətiyyətli mübarizədə, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gəldiklərinə görə DİN rəhbərliyinə və əməkdaşlarına minnətdarlığını yazır.

DİN-in Facebook səhifəsinin izləyicisi olan Bakı şəhər sakini Elşad Çobanlı səhifə vasitəsilə ünvanladığı müraciətinə operativ reaksiya verildiyinə, Bakı Şəhər Baş Polis İdarəsində baxılaraq qısa müddətdə müsbət həll edildiyinə, ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Bakı ŞBPİ-nin əməkdaşlarına minnətdarlığını bildirir.

Bakı şəhər sakini Həmzə Cəfərov DİN-ə ünvanladığı məktubunda ölkəmizdə koronavirus pandemiyası ilə mübarizə məqsədilə fərqli hava şəraitində şərəflə xidmət edən, asayişi qoruyan polis əməkdaşlarına minnətdarlığını bildirir, həmçinin Azərbaycan Polisinin yaranmasının 102-ci ildönümü münasibətilə DİN rəhbərliyini və şəxsi heyətini təbrik edir.