Zaqatala rayon sakini Telli Arzumanova məktubunda Azərbaycan Respublikasının daxili işlər naziri, general-polkovnik Vilayət Eyvazovun Şəki Şəhər-Rayon Polis Şöbəsində keçirdiyi vətəndaş qəbulunda qəbul edildiyini, müraciətinin dinlənilərək aidiyyəti üzrə tapşırıq verildiyini, sonra isə Zaqatala RPŞ-də müvafiq araşdırma aparılaraq müraciətinin qısa müddətdə müsbət həll edildiyini qeyd edir. O, vətəndaş müraciətlərinə həssas yanaşılmasına, obyektivliyə və operativliyə görə DİN rəhbərliyinə təşəkkürünü bildirir.

Zərdab rayon sakini, qazi olan Elbrus Aslanov DİN-in “Facebook” səhifəsinə təşəkkür mesajı yazıb. O, səhifə vasitəsilə etdiyi müraciətinə operativ reaksiya verildiyini və Nərimanov Rayon Polis İdarəsində müvafiq araşdırmalara başlanıldığını qeyd edərək DİN rəhbərliyinə təşəkkürünü bildirir.

Bakı şəhər sakini Günel Seyidova Daxili İşlər Nazirliyinə ünvanladığı məktubunda müraciətinə operativ baxıldığına, Nərimanov Rayon Polis İdarəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.

“Instagram” sosial şəbəkəsindəki “Xeberaz.az” səhifəsində Azərbaycan polisinə təşəkkür postu paylaşılıb. Qeyd olunub ki, Bakı şəhər sakini, qazi olan Ceyhun Məhərrəmovun müraciətinə Bakı Şəhər Baş Polis İdarəsindən çevik reaksiya verilərək müvafiq araşdırmalara başlanılıb. C.Məhərrəmov müraciətinə həssas yanaşılmasına, operativliyə və obyektiv araşdırmalara görə Bakı Şəhər Baş Polis İdarəsinin əməkdaşlarına minnətdalığını bildirir.

Qazax rayon sakini Sadiq Əhmədov DİN-in “Facebook” səhifəsinə təşəkkür mesajı yazıb. O, səhifə vasitəsilə etdiyi müraciətinə operativ baxıldığını, Baş Dövlət Yol Polisi İdarəsində obyektiv araşdırma aparılaraq qısa müddətdə müraciətinin müsbət həll olunduğunu qeyd edərək DİN rəhbəriyinə və Baş Dövlət Yol Polisi İdarəsinin əməkdaşlarına təşəkkürünü bildirir. 

Bakı şəhər Sabunçu rayon Nardaran qəsəbə sakini Rasim Cəbrayılov ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, narkotiklərin, psixotrop maddələrin və onların prekursorlarının qanunsuz dövriyyəsinə qarşı qətiyyətli mübarizədə xidməti vəzifə borclarını layiqincə yerinə yetirdiklərinə görə Sabunçu RPİ 42-ci Polis Bölməsinin rəhbərliyinə və şəxsi heyətinə minnətdarlığını bildirir.

Abşeron rayon sakini İmran Turabov səhətti ilə bağlı ağır vəziyyətdə olan qızının vaxtında xəstəxanaya çatdırılmasında göstərdikləri operativ köməkliyə görə Abşeron RPİ-nin rəhbərliyinə və əməkdaşlarına təşəkkürünü ifadə edir. 

Sosial şəbəkə istifadəçisi Raqif Mustafayev üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Azərbaycan Polisinə minnətdarlığını yazır.

Blogger, jurnalist Kübra Məhərrəmova ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Xətai RPİ 37-ci Polis Şöbəsinin rəhbərliyinə və əməkdaşlarına təşəkkürünü bildirir.