Sosial şəbəkə istifadəçisi Fərid Şahbazlı üzləşdiyi dələduzluq hadisəsi ilə bağlı müraciətinə operativ baxılaraq obyektiv araşdırıldığını və ona dəyən maddi ziyanın ödətdirilməsində göstərdikləri köməkliyə görə Nəsimi Rayon Polis İdarəsinin 20-ci Polis Şöbəsinin əməkdaşlarına minnətdarlığını bildirir.

Vətəndaş Hacı Dilbazi Daxili İşlər Nazirliyinə ünvanladığı məktubunda 2 yaşlı övladının diqqətindən yayınaraq itməsi barədə polis əməkdaşlarına müraciət etdiyini və məsələyə operativ reaksiya verərək övladının tapıldığını qeyd edir. O, gecə-gündüz yorulmadan xidmət aparan, ictimai asayişi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Vətəndaş Sevil Əsədova Daxili İşlər Nazirliyinə ünvanladığı məktubunda üzləşdiyi dələduzluqla bağlı müraciətinə operativ baxılaraq obyektiv araşdırıldığını və ona dəyən maddi ziyanın ödətdirilməsində göstərdikləri köməkliyə görə DİN rəhbərliyinə minnətdarlığını bildirir.

Sosial şəbəkə istifadəçisi Ələsgər Əliyev müraciətinə operativ baxıldığına görə DİN rəhbərliyinə və Sabunçu Rayon Polis İdarəsinin 42-ci Polis Bölməsi əməkdaşlarına təşəkkürünü bildirir. 

Sosial şəbəkə istifadəçisi Aygün Adıgözəlova üzləşdiyi dələduzluqla bağlı müraciətinə operativ baxıldığına və ona dəymiş maddi ziyanın tam ödətdirilməsində göstərilən köməkliyə görə Nəsimi Rayon Polis İdarəsinin 19-cu Polis Şöbəsinin əməkdaşlarına təşəkkürünü bildirir. 

Sosial şəbəkə istifadəçisi Nəzrin Ağazadə ünvanladığı məktubunda müraciətinə operativ reaksiya verildiyinə, problemin müsbət həll olunmasında göstərilən köməkliyə görə Bakı Şəhər Baş Polis İdarəsi və Suraxanı Rayon Polis İdarəsinin 30-cu Polis Şöbəsinin əməkdaşlarına təşəkkürünü bildirir. 

Sumqayıt şəhər sakini Zaur Məmmədov məktubunda üzləşdiyi problemlə bağlı müraciətinə operativ reaksiya verilərək müsbət həll olunmasında göstərilən köməkliyə görə Azərbaycan polisinə təşəkkürünü bildirir.

Vətən müharibəsi iştirakçısı olan Elmin Əzizov məktubunda üzləşdiyi problemlə bağlı müraciətinə çevik reaksiya verilməsinə, həyata keçirilən tədbirlərə və müsbət həll olunmasında göstərilən köməkliyə görə Bakı Şəhər Dövlət Yol Polisi İdarəsinin əməkdaşlarına təşəkkürünü bildirir.

Yasamal rayon sakini Rauf Sultanov məktubunda vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə Bakı Şəhər Dövlət Yol Polisi İdarəsinin əməkdaşlarına təşəkkürünü bildirir.