Vətəndaş Elnur Məmmədov DİN-in “Instagram” səhifəsinə təşəkkür mesajı ünvanlayıb: “07.04.2026-cı il tarixində “102” Xidməti-Zəng Mərkəzinə mübahisəli məsələ ilə əlaqədar müraciət etmişdim. Müraciətimə Pirallahı Rayon Polis İdarəsi tərəfindən baxıldı. Qarşı tərəf qanun çərçivəsində məsuliyyətə cəlb olunduğu üçün təşəkkürümü bildirirəm”.

Vətəndaş Mirmansur Dadaşov DİN-ə yazdığı məktubunda xidməti vəzifələrinin və peşə fəaliyyətinin öhdəsindən layiqincə gəldiyinə, cinayətkarlığa qarşı aparılan qətiyyətli mübarizə tədbirlərinə görə Lerik Rayon Polis Şöbəsinin rəhbərliyinə təşəkkürünü bildirir.

Lerik rayon sakini Zenfira Kərimova DİN-ə yazdığı məktubunda müraciəti ilə əlaqədar Lerik Rayon Polis Şöbəsinin rəhbərliyi tərəfindən qəbul olunduğunu, məsələnin operativ qaydada müsbət həllini tapdığını yazır. Vətəndaş müraciətlərinə həssaslıqla yanaşılmasına, diqqətə və qayğıya görə təşəkkürünü bildirir.

Masallı rayon sakini Ədalət Eyvazov DİN-in “Facebook” səhifəsinə yazdığı mesajında müraciətinə çevik reaksiya verilməsinə və obyektiv araşdırma aparılmasına görə NBPİ-nin Hava Nəqliyyatında Polis İdarəsinin rəhbərliyinə və şəxsi heyətinə təşəkkürünü bildirir.

Lənkəran şəhər sakini Nazim Məmmədli və Biləsuvar rayon sakini Anar Eyvazov Bakı şəhəri ərazisində üzləşdikləri yol nəqliyyat hadisələrinin obyektiv və peşəkarlıqla araşdırılmasına görə BŞBPİ-nin Dövlət Yol Polisi İdarəsinin əməkdaşlarına təşəkkürünü bildirirlər.

Lənkəran rayon sakini Rasim Ağayev DİN-ə yazdığı məktubunda onu narahat edən problemələ bağlı lazımi köməyin göstərilməsinə, vətəndaşların müraciətlərinə həssaslıqla yanaşılmasına və humanistliyə görə Lənkəran Şəhər Rayon Polius Şöbəsinin rəhbərliyinə təşəkkürünü bildirir.

Astara rayon sakini Ramiz Fəhradov öz məktubunda müraciətinin operativ baxılaraq cavablandırılmasına, vətəndaşların hüquq və mənafelərinin etibarlı qorunmasına görə DİN rəhbərliyinə təşəkkürünü bildirir.

Biləsuvar rayon sakini Vaqif Abdullayev DİN-ə təşəkkür məktubu yazıb. O, müraciətinə çevik reaksiya verilməsinə və müsbət həllini tapmasına, göstərilən diqqətə və qayğıya görə DİN rəhbərliynə təşəkkürünü bildirir.

Lənkəran rayon sakini Aqil Quliyev öz məktubunda müraciətinin obyektiv araşdırılmasına, məsələnin müsbət həllini tapmasına, vətəndaş müraciətlərinə həssas yanaşılmasına görə DİN rəhbərliyinə təşəkkürünü bildirir.