Sabirabad şəhəri ərazisində “Mercedes” markalı avtomobillə Qalaqayın kənd sakini R.Qasımlı vurulub

29.04.2023

Aprelin 28-də saat 17 radələrində Sabirabad şəhəri ərazisində şəhər sakini F.Ələkbərov idarə etdiyi “Mercedes” markalı avtomobillə yolu keçən Qalaqayın kənd sakini R.Qasımlını vurub. Nəticədə xəsarətlə xəstəxanaya yerləşdirilən piyada aprelin 29-da ölüb.Sabirabad Rayon Polis Şöbəsində araşdırma aparılır. 

Xəzər rayonunun Binə qəsəbəsi ərazisində “Volkswagen” markalı avtomobillə qəsəbə sakini İ.Məmmədov vurulub

29.04.2023

Aprelin 29-da saat 23 radələrində Xəzər rayonunun Binə qəsəbəsi ərazisində Bakı şəhər sakini E.Dədəcanov idarə etdiyi “Volkswagen” markalı avtomobillə yolu keçən qəsəbə sakini İ.Məmmədovu vurub. Nəticədə xəsarətlə xəstəxanaya yerləşdirilən piyada ölüb.Xəzər Rayon Polis İdarəsində araşdırma aparılır. 

Binəqədi rayonu ərazisindəki mağazaların birindən pul və avtomobil ehtiyat hissələri oğurlamaqda şübhəli bilinən 2 yeniyetmə saxlanılıb

29.04.2023

Binəqədi RPİ 43-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki mağazaların birindən 100 manat pul və 1000 manat dəyərində avtomobil ehtiyat hissələri oğurlamaqda şübhəli bilinən Bakı şəhər sakini olan 2 yeniyetmə saxlanılıb.Araşdırma aparılır.

Sabunçu rayonu ərazisindəki 2 həyətyanı sahədən oğurluq etməkdə şübhəli bilinən A.Qulubəyli saxlanılıb

29.04.2023

Sabunçu RPİ 14-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbirləri nəticəsində 2 nəfərə məxsus həyətyanı sahələrdən 2500 manat dəyərində qaynaq aparatı, elektrik naqili, samovar və təmir-tikinti alətləri oğurlamaqda şübhəli bilinən Neftçala rayon sakini əvvəllər oğurluq cinayətinə görə məhkum olunmuş A.Qulubəyli müəyyən edilərək saxlanılıb.Araşdırma aparılır.

Abşeron rayon sakini Q.Hətəmlinin pulunu dələduzluq yolu ilə almaqda şübhəli bilinən K.Tağızadə saxlanılıb

29.04.2023

Sumqayıt ŞPİ 4-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində Abşeron rayon sakini Q.Hətəmlinin 9500 manatını dələduzluq yolu ilə almaqda şübhəli bilinən Sumqayıt şəhər sakini K.Tağızadə müəyyən edilərək saxlanılıb.Araşdırma aparılır.

Masallı şəhər sakini M.Abbasovdan 465 qram marixuana götürülüb

29.04.2023

Masallı Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində şəhər sakini əvvəllər də eyni əmələ görə məhkum olunmuş M.Abbasovdan 465 qram marixuana aşkar olunaraq götürülüb.Araşdırma aparılır.

Şəmkir şəhəri ərazisində “VAZ-21214” və “VAZ-21750” markalı avtomobillər toqquşub

29.04.2023

Aprelin 29-da saat 23 radələrində Şəmkir şəhəri ərazisində S.Əliyevin idarə etdiyi “VAZ-21214” və F.Bağırovun idarə etdiyi “VAZ-21750” markalı avtomobillər toqquşub. Nəticədə S.Əliyev hadisə yerində ölüb, digər sürücü xəstəxanaya yerləşdirilib. Araşdırma aparılır.  

Səbail rayonu ərazisindəki mağazaların birindən oğurluq etməkdə şübhəli bilinən C.Güləhmədov saxlanılıb

29.04.2023

Səbail RPİ 8-ci Polis Bölməsi və Nəsimi RPİ 21-ci Polis Bölməsi əməkdaşlarının daxil olan məlumat əsasında birgə keçirdikləri əməliyyat tədbiri nəticəsində Səbail rayonu ərazisindəki mağazaların birindən 1200 manat dəyərində spirtli içki, tütün məmulatı və yağ oğurlamaqda şübhəli bilinən əvvəllər də eyni əmələ görə məhkum olunmuş C.Güləhmədov müəyyən edilərək saxlanılıb.Araşdırma aparılır.

Gün ərzində ölkə ərazisində qeydə alınan 51 cinayətin açılması təmin olunub

28.04.2023

Aprelin 28-də ölkə ərazisində qeydə alınan 51, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.

Metronun “28 May” stansiyasında bir sərnişinin mobil telefonunu soyğunçuluq yolu ilə talamaqda şübhəli bilinən E.Qasımov saxlanılıb

28.04.2023

Metropolitendə Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində aprelin 28-də metronun “28 May” stansiyasında 1 sərnişinin mobil  telefonunu soyğunçuluq yolu ilə talamaqda şübhəli bilinən Astara rayon sakini, əvvəllər məhkum olunmuş E.Qasımov saxlanılıb. Araşdırma aparılır.