Səbail rayonunun Badamdar qəsəbəsində Bakı şəhər sakini X.Hüseynzadəyə qarşı soyğunçuluq törətməkdə şübhəli bilinən paytaxt sakini F.Ehtibarov saxlanılmışdır

23.05.2022

Səbail RPİ-nin 41-ci Polis Bölməsinə mayın 23-də saat 1 radələrində Badamdar qəsəbəsində bir nəfərin Bakı şəhər sakini X.Hüseynzadəyə zor tətbiq edərək mobil telefonunu əlindən alması barədə müraciət daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən paytaxt sakini F.Ehtibarov müəyyən edilərək saxlanılmışdır.Səbail Rayon Polis İdarəsində araşdırma aparılır.

Səbail rayonu ərazisindəki evlərin birindən oğurluğa cəhd göstərməkdə şübhəli bilinən Bakı şəhər sakini N.Həsənov saxlanılıb

23.05.2022

Mayın 22-də saat 23 radələrində Səbail rayonu ərazisindəki xüsusi texniki vasitələrlə qorunan evlərin birindən Səbail Rayon Mühafizə İdarəsinə həyəcan siqnalı daxil olub. Dərhal həmin ünvana gələn polis əməkdaşları oradan oğurluğa cəhd göstərməkdə şübhəli bilinən Bakı şəhər sakini N.Həsənovu saxlayıblar. O, araşdırma  aparılması üçün  41-ci Polis Bölməsinə təhvil verilib.

Gəncə şəhər sakini A.Cənubidən ov tüfəngi götürülmüşdür

23.05.2022

Gəncə ŞBPİ 1-ci Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini, əvvəllər məhkum olunmuş A.Cənubidən lüləsi kəsilmiş və nömrəsi silinmiş ov tüfəngi götürülmüşdür.

Sabirabad rayonu ərazisində bir sıra oğurluq hadisələrini törətməkdə şübhəli bilinən rayon sakini M.Nəsirov saxlanılmışdır

23.05.2022

Sabirabad RPŞ əməkdaşlarının keçirdikləri əməliyyat tədbiri nəticəsində Mürsəlli-Sarıcalar dəmir yolu xəttindən 35 metr elektrik naqili, “Aztelekom” MMC-yə məxsus 120 metr optik kabel, rayon ərazisindəki 3 həyətdən 10 ev quşu, təmir-tikinti alətləri, su mühərriki, bir avtomobildən akkumulyator, səs gücləndirici və təkər oğurlamaqda şübhəli bilinən rayon sakini, əvvəllər məhkum olunmuş M.Nəsirov saxlanılmışdır. Araşdırma aparılır.

Mingəçevir şəhər sakini Z.Qarayevdən heroin və marixuana aşkar edilmişdir

23.05.2022

Mingəçevir ŞPŞ əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş Z.Qarayevdən heroin və marixuana aşkar edilmişdir. Onun yaşadığı evə baxış zamanı isə əlavə olaraq 420 qram marixuana götürülmüşdür.

Ağcabədi şəhər sakini E.Abdullayevin yaşadığı evdən 9 kiloqram marixuana götürülmüşdür

23.05.2022

Ağcabədi RPŞ əməkdaşlarının keçirdikləri əməliyyat tədbiri nəticəsində saxlanılan şəhər sakini E.Abdullayevdən marixuana aşkar edilmişdir. Onun yaşadığı evə baxış zamanı isə əlavə olaraq 9 kiloqram marixuana götürülmüşdür.

Cəlilabad rayonunun Şıxlar kəndində azyaşlıya hədə-qorxu gələrək 69.000 rubl, 300 ABŞ dolları və 909 manat pul almaqda şübhəli bilinən E.Abbasov və Ə.Quliyev müəyyən edilərək saxlanılmışlar

23.05.2022

Cəlilabad Rayon Polis Şöbəsinə mayın 15-dən 22-dək olan müddətdə Şıxlar kəndində 2 nəfərin azyaşlıya hədə-qorxu gələrək 69.000 rubl, 300 ABŞ dolları və 909 manat pul almaları barədə müraciət daxil olmuşdur.Polis əməkdaşlarının keçirdikləri əməliyyat tədbirləri nəticəsində bu əməli törətməkdə şübhəli bilinən kənd sakinləri E.Abbasov və Ə.Quliyev müəyyən edilərək saxlanılmışlar. Faktla əlaqədar cinayət işi başlanmışdır.

DİN-in “102 - Zəng Mərkəzi”nə mobil telefondan zəng edərək yalan məlumat verən Ağsu rayonunun Ərəbuşağı kənd sakini F.Nizamlı saxlanılıb

23.05.2022

Mayın 4-də saat 4.50-də DİN-in “102 - Zəng Mərkəzi”nə mobil telefondan zəng edən şəxs “Ağsu rayonunun Ərəbuşağı kəndindəki orta məktəbdə bomba var” deyərək telefonu söndürüb. Dərhal Ağsu Rayon Polis Şöbəsinin əməkdaşları tərəfindən müvafiq tədbirlər həyata keçirilib və məlumat təsdiqini tapmayıb.Araşdırmalarla telefon zənginin Ərəbuşağı kənd sakini, ruhi xəstə, 23 yaşlı F.Nizamlı tərəfindən edilməsi müəyyən olunub. Əməliyyat-axtarış tədbirləri nəticəsində o, saxlanılıb.Ağsu Rayon Polis Şöbəsində Cinayət Məcəlləsinin 216-cı maddəsi (terrorçuluq barədə bilə-bilə yalan məlumat vermə) ilə cinayət işi başlanılıb.

Oğurluq etdiyinə görə tutulmuş E.Fərzəliyevin Sabunçu rayonu ərazisində daha 8 evdən və 2 mağazadan oğurluq hadisələrini törətməsi də müəyyən olunmuşdur

23.05.2022

Sabunçu RPİ 15-ci PB-nin əməkdaşları tərəfindən oğurluq etdiyinə görə tutulmuş E.Fərzəliyevin ətrafında aparılan əməliyyat tədbirləri ilə onun rayon ərazisində daha 8  evdən və 2 mağazalardan 2670 manat pul, 4000 manat dəyərində tütün məmulatı, 630 manat dəyərində spirtli içki, 12.720 manat dəyərində qızıl-zinət və məişət əşyaları oğurlaması da müəyyən olunmuşdur.

Şərur rayonunun Xanlıqlar kəndi ərazisində “QAZ-33021” markalı avtomobillə kənd sakini Adil Cəlilov vurulmuşdur

23.05.2022

Mayın 23-də saat 9 radələrində Şərur rayonunun Xanlıqlar kəndi ərazisində kənd sakini K.Həsənov idarə etdiyi “QAZ-33021” markalı avtomobillə yolun kənarı ilə gedən həmkəndlisi Adil Cəlilovu vurmuş və nəticədə piyada aldığı xəsarətlərdən hadisə yerində ölmüşdür.Şərur Rayon Polis İdarəsində araşdırma aparılır.