Şahbuz rayonunun Kiçikoba kəndi ərazisində “AzSamand” markalı avtomobillə kənd sakinləri M.Nəcəfova və oğlu vurulublar

01.04.2023

Aprelin 1-də saat 6 radələrində Şahbuz rayonunun Kiçikoba kəndi ərazisində S.Hüseynov idarə etdiyi “AzSamand” markalı avtomobillə yolu keçən kənd sakinləri M.Nəcəfovanı və oğlu A.Nəcəfovu vurub. Nəticədə onlar xəsarətlə xəstəxanaya yerləşdirilib, qadın orada ölüb.Şahbuz Rayon Polis Şöbəsində araşdırma aparılır.

Qazax rayonunun İkinci Şıxlı kəndi ərazisində “DAF” markalı qoşqulu yük avtomobili ilə atla yolu keçən İ.Süleymanov vurulub

01.04.2023

Aprelin 1-də saat 20 radələrində Qazax rayonunun İkinci Şıxlı kəndi ərazisində Babək rayon sakini Q.Vəliyev idarə etdiyi “DAF” markalı qoşqulu yük avtomobili ilə atla yolu keçən kənd sakini İ.Süleymanovu vurub. Nəticədə xəsarətlə xəstəxanaya yerləşdirilən İ.Süleymanov ölüb.Baş İstintaq və Təhqiqat İdarəsi tərəfindən araşdırma aparılır. 

Qaçırdığı avtomobillə Sabunçu rayonunun Bakıxanov qəsəbəsi ərazisində piyadanı vuran İ.Əhmədov avtomobildən düşərək hadisə yerini tərk edib

01.04.2023

Aprelin 1-də saat 22 radələrində Suraxanı rayonunun Qaraçuxur qəsəbəsi ərazisində yerləşən avtomobil təmiri sexlərinin birində orada usta işləyən Yevlax rayon sakini İ.Əhmədov “Renault” markalı avtomobili qaçırıb və həmin gün saat 23 radələrində Sabunçu rayonunun Bakıxanov qəsəbəsi ərazisində yolu keçən qəsəbə sakini S.Məlikovanı vurub. O, avtomobildən düşərək hadisə yerini tərk edib. Piyada hadisə yerində ölüb.Əməliyyat-axtarış tədbirləri aparılır.

Sabunçu rayonu ərazisində Bakı şəhər sakini E.İsmayılov müəyyən edilməyən avtomobillə vurulub

01.04.2023

Aprelin 1-də saat 23 radələrində Sabunçu rayonunun Sabunçu qəsəbəsi ərazisində yolu keçən Bakı şəhər sakini E.İsmayılov müəyyən edilməyən avtomobillə vurulub və nəticədə hadisə yerində ölüb. Əməliyyat-axtarış tədbirləri aparılır.

Gün ərzində ölkə ərazisində qeydə alınan 72 cinayətin açılması təmin olunub

31.03.2023

Martın 31-də ölkə ərazisində qeydə alınan 72, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 17,3 kiloqrama yaxın narkotik vasitə aşkar olunaraq götürülüb

31.03.2023

Polis əməkdaşlarının martın 31-də respublika ərazisində keçirdikləri əməliyyat tədbirləri nəticəsində ümumi çəkisi 17,3 kiloqrama yaxın narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 5 kiloqramdan artıq heroin, 2,2 kiloqramdan çox marixuana, 5,7 kiloqrama yaxın tiryək, 3,6 kiloqramdan çox metamfetamin, 670 qram həşiş qətranı olub. Bu istiqamətdə qətiyyətli mübarizə tədbirləri davam etdirilir. 

Sabirabad rayonunun Şəhriyar kəndində 2 həyətdən ümumilikdə 21 ev quşu oğurlamaqda şübhəli bilinən kənd sakini H.Abbasov saxlanılıb

31.03.2023

Sabirabad Rayon Polis Şöbəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində Şəhriyar kəndində 2 həyətdən ümumilikdə 21 ev quşu oğurlamaqda şübhəli bilinən kənd sakini, əvvəllər məhkum olunmuş H.Abbasov saxlanılıb. Araşdırmalarla onun həmkəndlisi H.Hüseynovla birgə daha 3 həyətdən 3 baş qoyun oğurlaması da müəyyən olunub. Davam etdirilən tədbirlərlə H.Hüseynov da polis əməkdaşları tərəfindən şübhəli şəxs qismində saxlanılıb.Araşdırma aparılır.

Goranboy rayonu ərazisindəki evlərin birindən oğurluq etməkdə şübhəli bilinən rayon sakinləri R.Bayramov və R.Rüstəmov saxlanılıblar

31.03.2023

Goranboy Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki evlərin birindən 7000 manat pul və qızıl-zinət əşyaları oğurlamaqda şübhəli bilinən rayon sakinləri R.Bayramov və R.Rüstəmov saxlanılıblar. Araşdırmalarla R.Bayramovun daha bir evdən 9600 manat dəyərində qızıl-zinət əşyaları oğurlaması da müəyyən olunub.

Sabunçu rayonunun Maştağa qəsəbəsində “Toyota” markalı avtomobil aşıb

31.03.2023

Martın 31-də saat 9 radələrində Sabunçu rayonunun Maştağa qəsəbəsində qəsəbə sakini H.Rəcəbovun idarə etdiyi “Toyota” markalı avtomobil aşıb və nəticədə sürücü hadisə yerində ölüb. Sabunçu Rayon Polis İdarəsində araşdırma aparılır.

Gəncə şəhəri ərazisində “VAZ-21074” markalı avtomobillə Göygöl rayon sakini E.İsmayılov vurulub

31.03.2023

Aprelin 1-də saat 1 radələrində Gəncə şəhəri ərazisində şəhər sakini N.İsmayılov idarə etdiyi “VAZ-21074” markalı avtomobillə yolu keçən Göygöl rayon sakini E.İsmayılovu vurub və nəticədə piyada hadisə yerində ölüb.Gəncə Şəhər Baş Polis İdarəsində araşdırma aparılır.