Oğurluq əməlində şübhəli bilinən Bakı şəhər sakinləri V.Bayramov və C.Baxşeyiş müəyyən olunaraq saxlanılıblar

22.03.2023

Binəqədi rayonu ərazisində yerləşən müəssisələrdən birinin həyətindən 8000 manat dəyərində dəmir lövhələrin oğurlanması barədə polisə məlumat daxil olub.  Binəqədi RPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Bakı şəhər sakinləri V.Bayramov və C.Baxşeyiş müəyyən olunaraq saxlanılıblar. Araşdırma aparılır.

Daşkəsən şəhər sakini  E.Bayramovdan 21 qram metamfetamin, 42 qram marixuana, 45 qram tiryək və 206 qram heroin aşkar olunaraq götürülüb

22.03.2023

Daşkəsən Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş  E.Bayramovdan 21 qram metamfetamin, 42 qram marixuana, 45 qram tiryək və 206 qram heroin aşkar olunaraq götürülüb. Araşdırma aparılır. 

Oğurluqda şübhəli bilinən Goranboy rayon sakini İ.Süleymanov saxlanılıb

22.03.2023

Goranboy Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində martın 22-də şəhər ərazisindəki marketlərin birindən pul və 2000 manat dəyərində tütün məmulatı, içkilər və ərzaq məhsulları oğurlamaqda şübhəli bilinən rayon sakini, əvvəllər məhkum olunmuş İ.Süleymanov saxlanılıb. Araşdırma aparılır. 

Oğurluqda şübhəli bilinən Quba rayon sakini N.Kərimov saxlanılıb

22.03.2023

Quba Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Alekseyevka kəndindəki evlərin birindən 2200 manat dəyərində spirtli içki, geyim və məişət əşyaları oğurlamaqda şübhəli bilinən rayon sakini, əvvəllər məhkum olunmuş N.Kərimov saxlanılıb. Araşdırma aparılır. 

Ağcabədi rayonunun Ağabəyli kəndi ərazisində yol-nəqliyyat hadisəsi

22.03.2023

Martın 22-də saat 2 radələrində Ağcabədi rayonunun Ağabəyli kəndi ərazisində rayon sakini Y.Feziyev idarə etdiyi “VAZ-21074” markalı avtomobili yolun kənarındakı ağaca vurub və nəticədə hadisə yerində ölüb.Ağcabədi Rayon Polis Şöbəsində araşdırma aparılır. 

Kürdəxanı qəsəbəsi ərazisində yol-nəqliyyat hadisəsi

22.03.2023

Martın 22-də saat 7 radələrində Sabunçu rayonunun Kürdəxanı qəsəbəsi ərazisində Bakı şəhər sakini M.Hüseynov idarə etdiyi “Mercedes” markalı avtomobillə yolu keçən paytaxt sakini S.Əmralıyevanı vurub və nəticədə piyada hadisə yerində ölüb. Sabunçu Rayon Polis İdarəsində araşdırma aparılır. 

Bərdə rayonunun Əyricə kəndi ərazisində yol-nəqliyyat hadisəsi

22.03.2023

Martın 22-də saat 14 radələrində Bərdə rayonunun Əyricə kəndi ərazisində rayon sakini İ.Ərşadlı idarə etdiyi “Khazar” markalı avtomobillə yolu keçən İ.Əmirovu vurub. Nəticədə xəsarətlə xəstəxanaya yerləşdirilən piyada orada ölüb.Bərdə Rayon Polis Şöbəsində araşdırma aparılır. 

Abşeron rayonunun Saray qəsəbəsi ərazisində yol-nəqliyyat hadisəsi

22.03.2023

Martın 22-də saat 19 radələrində Abşeron rayonunun Saray qəsəbəsi ərazisində Bakı şəhər sakini O.Əliyev idarə etdiyi “Lexus” markalı avtomobili aşırıb. Nəticədə sürücü hadisə yerində ölüb, xəsarət alan 2 sərnişini xəstəxanaya yerləşdirilib.Abşeron Rayon Polis İdarəsində araşdırma aparılır.

Gün ərzinə qeydə alınan 34, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub

21.03.2023

Martın 21-də ölkə ərazisində qeydə alınan 34, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.   

Hədə-qorxu ilə tələb etməkdə şübhəli bilinən Xaçmaz rayon sakini A.Əlislamov saxlanılıb

21.03.2023

Martın 20-də Xaçmaz rayon sakini E.Kərimov rayon polis şöbəsinə ərizə ilə müraciət edərək ötən il oktyabr ayında həmkəndlisi A.Əlislamovun oğurluq məqsədi ilə həyətinə girməsini, onun əllərini bağlayıb fotoşəkillərini çəkərək yayacağı hədəsi ilə 5000 manat pul tələb etməsini və 3500 manat aldıqdan sonra sərbəst buraxmasını bildirib.Polis əməkşdaşlarının keçirdikləri əməliyyat-axtarış tədbirləri nəticəsində hədə-qorxu ilə tələb etməkdə şübhəli bilinən A.Əlislamov saxlanılıb.Xaçmaz RPŞ tərəfindən araşdırma aparılır.