Ağdaş rayonunun Aşağı Ləki kənd sakini E.Abdullayevdən qanunsuz saxladığı ov tüfəngi götürülüb

26.03.2023

Ağdaş Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Aşağı Ləki kənd sakini E.Abdullayevdən qanunsuz saxladığı “TOZ-16” markalı ov tüfəngi götürülüb.

Sabirabad rayon sakini M.Əliyev və Şirvan şəhər sakini C.Qurbanovdan marixuana götürülüb

26.03.2023

Şirvan Şəhər Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Sabirabad rayon sakini M.Əliyevdən 445 qram, Şirvan şəhər sakini, əvvəllər məhkum olunmuş C.Qurbanovdan isə 440 qram marixuana aşkar olunaraq götürülüb. 

Lerik rayon sakinləri E.Hüseynov və R.Mirzəyevdən marixuana götürülüb

26.03.2023

Lerik Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan rayon sakinləri E.Hüseynovdan 14 qrama yaxın marixuana, R.Mirzəyevdən 28 qramdan artıq marixuana aşkar olunaraq götürülüb. Davam etdirilən tədbirlərlə E.Hüseynovun yaşadığı evə baxış zamanı oradan 370 qrama yaxın marixuana, R.Mirzəyevin yaşadığı evə baxış zamanı isə 438 qrama yaxın marixuana götürülüb. 

Yevlax şəhəri ərazisində “QAZ-322132” markalı avtomobillə iki piyada vurulub

26.03.2023

Martın 26-da saat 8 radələrində Yevlax şəhəri ərazisində rayon sakini R.Abdullayev idarə etdiyi “QAZ-322132” markalı avtomobillə yolu keçən S.Ələsgərovanı və B.Mirzəyevanı vurub. Nəticədə S.Ələsgərova hadisə yerində ölüb, B.Mirzəyeva isə xəstəxanaya yerləşdirilib.Yevlax Rayon Polis Şöbəsində araşdırma aparılır. 

Göygöl rayonunun Firuzabad kəndi ərazisində “BMW” markalı avtomobil dəmir yolayrıcısına çırpılıb

26.03.2023

Martın 26-da saat 18 radələrində Göygöl rayonunun Firuzabad kəndi ərazisində Gəncə şəhər sakini E.Novruzov idarə etdiyi “BMW” markalı avtomobili dəmir yolayrıcısına vurub. Nəticədə xəsarətlə xəstəxanaya yerləşdirilən sürücü orada ölüb. Baş İstintaq və Təhqiqat İdarəsi tərəfindən araşdırma aparılır. 

Gün ərzində ölkə ərazisində qeydə alınan 51 cinayətin açılması təmin olunub

25.03.2023

Martın 25-də ölkə ərazisində qeydə alınan 51, əvvəlki dövrlərdən bağlı qalan 2 cinayətin açılması daxili işlər orqanlarının əməkdaşları tərəfindən təmin olunub.

Xızı rayonunda münaqişə zəminində atasına ölümcül xəsarət yetirməkdə şübhəli bilinən S.Aftilov tutularaq istintaqa təhvil verilib

25.03.2023

Xızı Rayon Polis Şöbəsinə martın 23-də saat 6 radələrində 58 yaşlı Hacımirzə Aftilovun yaşadığı Giləzi qəsəbəsindəki evdə kəllə-beyin xəsarətindən ölməsi barədə məlumat daxil olub. Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla oğlu S.Aftilovun münaqişə zəminində atasını taxta parçası ilə vurmasına əsaslı şübhələr müəyyən olunub. S.Aftilov polis əməkdaşları tərəfindən tutularaq istintaqa təhvil verilib. Faktla bağlı Cinayət Məcəlləsinin 126.3-cü maddəsi (Qəsdən sağlamlığa ağır zərər vurma - ehtiyatsızlıqdan zərərçəkmiş şəxsin ölümünə səbəb olduqda) ilə cinayət işi başlanılıb.

Bakı şəhər sakini olan bir nəfərin bank hesabından pul oğurlamaqda şübhəli bilinən Ağstafa rayon sakini N.İsmayılov saxlanılıb

25.03.2023

Səbail RPİ 41-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində martın 24-də Bakı şəhər sakini olan bir nəfərin bank hesabından 1180 manatını oğurlamaqda şübhəli bilinən Ağstafa rayon sakini N.İsmayılov müəyyən olunaraq saxlanılıb. Araşdırma aparılır. 

Bakı şəhər sakini İ.Babayevdən qaz tapançası götürülüb

25.03.2023

Sumqayıt ŞPİ 5-ci Polis Bölməsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş İ.Babayevdən qaz tapançası aşkar olunaraq götürülüb.

Zaqatala rayonu ərazisindəki fermaların birindən 8 baş qoyun oğurlamaqda şübhəli bilinən şəxslər saxlanılıblar

25.03.2023

Zaqatala Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki fermaların birindən 8 baş qoyun oğurlamaqda şübhəli bilinən Muğanlı kənd sakinləri T.Əhmədov və Ə.Mürsəliyev saxlanılıblar. Araşdırma aparılır.