Sumqayıt şəhər sakini Y.Əliyevə məxsus qaçırılmış avtomobil idarə edilərkən saxlanılmışdır

17.05.2022

Binəqədi RPİ-nin 6-cı Polis Bölməsinə mayın 17-nə keçən gecə Biləcəri qəsəbəsi ərazisindəki avtomobil təmiri sexlərinin birinin həyətindən Sumqayıt şəhər sakini Y.Əliyevə məxsus “Hyundai” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində avtomobil Gəncə şəhər sakini S.Qafarov tərəfindən Yeni Gəncə qəsəbəsi ərazisində idarə edilərkən saxlanılmışdır. Araşdırmalarla nəqliyyat vasitəsinin onun qardaşı, əvvəllər narkotiklərlə əlaqəli cinayətə görə məhkum olunmuş N.Bayramov tərəfindən qaçırılması müəyyən olunmuşdur. Əməliyyat-axtarış tədbirləri davam etdirilir.

Bərdə rayonunun Qarayusifli kəndi ərazisində yol-nəqliyyat hadisəsi

17.05.2022

Mayın 17-də saat 18 radələrində Bərdə rayonunun Qarayusifli kəndi ərazisində Hacallı kənd sakini Cəlil Hacıyev idarə etdiyi “Toyota” markalı avtomobili aşırmışdır. Nəticədə sürücü Qarabağ kanalına düşərək ölmüşdür.Baş İstintaq və Təhqiqat İdarəsi tərəfindən araşdırma aparılır.

Oğurluqda şübhəli bilinən Bakı şəhər sakini E.Zeynalov saxlanılmışdır

17.05.2022

Binəqədi RPİ 7-ci PB əməkdaşlarının keçirdikləri əməliyyat tədbiri nəticəsində “BMW” markalı bir avtomobildən 180 manat pul oğurlamaqda şübhəli bilinən Bakı şəhər sakini E.Zeynalov saxlanılmışdır. Araşdırmalarla onun Bakı şəhər sakini B.Məmmədovun 100 manatını dələduzluq yolu ilə alması da müəyyən olunmuşdur. 

Oğurluqda şübhəli bilinən Bakı şəhər sakinləri S.Abdullayev və M.Abdullayev saxlanılmışlar

17.05.2022

Sabunçu RPİ 14-cü PB əməkdaşlarının keçirdikləri əməliyyat tədbiri nəticəsində Maştağa qəsəbəsi Albalılıq yaşayış sahəsində iki evdən 1100 manat dəyərində radiator, kombi və televizor oğurlamaqda şübhəli bilinən Bakı şəhər sakinləri S.Abdullayev və M.Abdullayev saxlanılmışlar. 

Oğurluq etməkdə şübhəli bilinən Bakı şəhər sakini E.Sultanov müəyyən edilərək saxlanılmışdır

17.05.2022

Sabunçu RPİ-nin 15-ci Polis Bölməsinə Pirşağı qəsəbəsi ərazisindəki mağazaların birindən 11.641 manat pulun oğurlanması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini E.Sultanov müəyyən edilərək saxlanılmışdır.Araşdırma aparılır. 

Oğurluqda şübhəli bilinən Mingəçevir şəhər sakini F.Çıraqov saxlanılmışdır

17.05.2022

Mayın 16-da Mingəçevir şəhəri ərazisindəki mağazaların birindən 1023 manat pul və 1066 manat dəyərində 5 ədəd saat oğurlamaqda şübhəli bilinən şəhər sakini F.Çıraqov Şəhər Polis Şöbəsinin əməkdaşları tərəfindən saxlanılmışdır.

Dələduzluqda şübhəli bilinən Şəki şəhər sakini R.Məmmədov saxlanılmışdır

17.05.2022

Şəki ŞRPŞ əməkdaşlarının keçirdikləri əməliyyat-axtarış tədbirləri nəticəsində aprelin 12-də rayon sakinləri Ə.Məmmədovun 10.000 manat, X.Qasımlının 8.000 manat və A.Babayevin 4.100 manat pulunu dələduzluq yolu ilə talamaqda şübhəli bilinən şəhər sakini, əvvəllər məhkum olunmuş R.Məmmədov saxlanılmışdır. Faktla əlaqədar Cinayət Məcəlləsinin 178-ci (dələduzluq) maddəsi ilə cinayət işi başlanmışdır.

Qusar rayonunun Şirvanlı kənd sakini M.Novruzovun evinə baxış zamanı oradan ov tüfəngi, 8 ədəd giliz, 8 ədəd patron, 250 qram barıt aşkar edilərək götürülmüşdür

17.05.2022

Qusar RPŞ əməkdaşlarının keçirdikləri əməliyyat-axtarış tədbirləri nəticəsində Şirvanlı kənd sakini M.Novruzovun evinə baxış zamanı oradan “TOZ-16” markalı ov tüfəngi, 8 ədəd giliz, 8 ədəd patron, 250 qram barıt aşkar edilərək götürülmüşdür.

Gün ərzində törədilmiş 31 cinayətin üstü “isti izlər”lə açılmışdır

16.05.2022

Respublikanın daxili işlər orqanları tərəfindən gün ərzində törədilmiş 31 cinayətin üstü “isti izlər”lə açılmışdır.

Quldurluq etməkdə şübhəli bilinən Astara rayon sakini H.Teymurov müəyyən edilərək saxlanılmışdır

16.05.2022

Nəsimi RPİ-nin 19-cu Polis Şöbəsinə H.Seyidzadə küçəsində yerləşən çay evlərinin birində Bakı şəhər sakini A.Məmmədovun 420 manat pulunun quldurluq yolu ilə talanması barədə müraciət daxil olmuşdur. Polis əməkdaşlarının keçirdikləri əməliyyat tədbirləri nəticəsində quldurluğu törətməkdə şübhəli bilinən Astara rayon sakini H.Teymurov müəyyən edilərək saxlanılmışdır.Nəsimi Rayon Polis İdarəsində araşdırma aparılır.