Salyan şəhər sakini R.Əliyevin evinin həyətindən çətənə kolları aşkar edilərək götürülmüşdür

12.05.2022

Baş Narkotiklərlə Mübarizə İdarəsi və Salyan RPŞ əməkdaşlarının birgə keçirdikləri əməliyyat tədbiri nəticəsində Salyan şəhər sakini, əvvəllər məhkum olunmuş R.Əliyevin evinin həyətindən kultivasiya yolu ilə yetişdirilmiş 24 ədəd çətənə kolu aşkar edilərək götürülmüşdür.

Binəqədi rayonu ərazisindəki evlərin birindən qızıl-zinət əşyaları oğurlamaqda şübhəli bilinən yeniyetmə saxlanılmışdır

12.05.2022

Binəqədi RPİ 6-cı PB əməkdaşlarının keçirdikləri əməliyyat-axtarış tədbirləri nəticəsində aprelin 14-də rayon ərazisindəki evlərin birindən 5000 manat dəyərində qızıl-zinət əşyaları oğurlamaqda şübhəli bilinən ev sahibəsinin 16 yaşlı oğlu Telman saxlanılmışdır.

Saatlı rayonunun Mustafabəyli kənd sakini Ə.Qəhrəmanlının həyətyanı sahəsindən çətənə kolları götürülmüşdür

12.05.2022

Saatlı RPŞ əməkdaşlarının keçirdikləri əməliyyat tədbiri nəticəsində Mustafabəyli kənd sakini Ə.Qəhrəmanlının həyətyanı sahəsindən kultivasiya yolu ilə yetişdirilmiş 17 ədəd çətənə kolu aşkar edilərək götürülmüşdür.

Baş Narkotiklərlə Mübarizə İdarəsinin əməkdaşları tərəfindən daha 120 kiloqram narkotik maddə qanunsuz dövriyyən çıxarılıb, 57 nəfər saxlanılıb

12.05.2022

Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən son 20 gün ərzində keçirilən silsilə əməliyyatlar zamanı narkotik maddələrin qanunsuz dövriyyəsi ilə məşğul olan mütəşəkkil cinayətkar dəstənin daha 57 üzvü saxlanılıb. Həmin şəxslərdən ümumilikdə 120 kiloqram narkotik vasitə və psixotrop maddə, həmçinin 4360 ədəd psixotrop tərkibli həb aşkar olunub.Daxil olmuş məlumat əsasında Abşeron və Binəqədi rayonlarında keçirilən əməliyyatlar zamanı əvvəllər məhkum olunmuş Pənah İsmayılov və Ramin Abuzərov saxlanılıblar. Pənah İsmayılov üzərindən və yaşadığı evdən 42 kiloqram, o cümlədən 30 kiloqram heroin, 9 kiloqram metamfetamin, 3 kiloqram marixuana, elektron tərəzilər və 1 ədəd narkotik vasitələrin satışına dair qeydlər apardığı dəftər, Ramin Abuzərovdan isə 8 kiloqram müxtəlif adda olan narkotik maddə aşkar edilib.Baş İdarənin Cənub Bölgəsində Regional Şöbəsinin əməkdaşlarının Astara və Salyan rayonlarında həyata keçirdikləri əməliyyatlar zamanı əvvəllər məhkum olunmuş Fuad Əliyev, Emil Babayev, Bəxtiyar Əsədov, Fazil Baxşəliyev, eləcə də Elşən Əliyev, Rüstəm Əliyev və Sevinc Qasımova saxlanılıblar. Bu şəxslərdən, eləcə də evlərindən 56 kiloqram, o cümlədən 34 kiloqram heroin, 22 kiloqram marixuana, 2 kiloqram metamfetamin və 3300 ədəd metadon həbi aşkar olunub.Araşdırma zamanı müəyyən edilib ki, adları çəkilən 9 nəfər qaçaqmalçılıq yolu ilə ölkəyə gətirilən külli miqdarda yüksək təsiresici xassəyə malik narkotik vasitəni Azərbaycan ərazisində qəbul edərək satışı təşkil etməli imişlər.Paytaxtda, eləcə də, cənub və qərb bölgələrdən həyata keçirilən digər əməliyyatlar zamanı sosial şəbəkələr vasitəsi ilə narkotacirlər tərəfindən narkokuryerliyə cəlb edilən daha 48 nəfər saxlanılıb. Bu şəxslərdən 14 kiloqram heroin, kokain, metamfetamin, elektron tərəzilər, ekstazi, metadon həbləri, narkotik vasitələrin onlayn satışı, həmçinin pul dövriyyəsini təşkil etmək üçün istifadə olunan plastik kartlar aşkar olunub.Faktlarla bağlı Cinayət Məcəlləsinin müvafiq maddələri ilə cinayət işləri başlanılıb narkotiklərin qanunsuz dövriyyəsində təqsirli bilindikləri üçün saxlanılan şəxslərin hər biri barəsində məhkəmələrin qərarı ilə həbs qətimkan tədbiri seçilib.

Gün ərzində törədilmiş 71 cinayətin üstü “isti izlər”lə açılmışdır

11.05.2022

Respublikanın daxili işlər orqanları tərəfindən gün ərzində törədilmiş 71 cinayətin üstü “isti izlər”lə açılmışdır.

Səbail rayonunun Ə.Cavad küçəsindəki mağazaların birindən oğurluq etməkdə şübhəli bilinən Gəncə şəhər sakini A.Qurbanov saxlanılmışdır

11.05.2022

Səbail RPİ-nin 9-cu Polis Bölməsinə mayın 10-na keçən gecə Ə.Cavad küçəsindəki mağazaların birindən 5 ədəd mobil telefon və 2 ədəd qulaqcığın oğurlanması barədə müraciət daxil olmuşdur. Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Gəncə şəhər sakini, əvvəllər məhkum olunmuş A.Qurbanov müəyyən edilərək saxlanılmışdır. Araşdırma aparılır.

Səbail rayonu ərazisindəki evlərin birindən oğurluq etməkdə şübhəli bilinən Xaçmaz rayon sakinləri S.Abdulov və T.Məmmədov saxlanılmışlar

11.05.2022

Səbail RPİ 41-ci PB əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 600 manat pul, mobil telefon, geyim və gümüş əşyaları oğurlamaqda şübhəli bilinən Xaçmaz rayon sakinləri S.Abdulov və T.Məmmədov saxlanılmışlar. 

Paytaxtın Nizami rayonunun B.Nuriyev küçəsində yerləşən ofislərin birindən oğurluq etmək və avtomobil qaçırmaqda şübhəli bilinən Neftçala rayon sakini F.Qəniyev saxlanılmışdır

11.05.2022

Nizami RPİ-nin 24-cü Polis Şöbəsinə B.Nuriyev küçəsində yerləşən ofislərin birindən 300 manat pul, 600 manat dəyərində kameranın yaddaş bloku və açar oğurlanması, həmçinin ofisin qarşısından “Daewoo” markalı avtomobilin qaçırılması barədə müraciət daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində avtomobil G.Şıxlinski küçəsində tapılmış, bu əməlləri törətməkdə şübhəli bilinən Neftçala rayon sakini F.Qəniyev müəyyən olunaraq saxlanılmışdır. Araşdırma aparılır. 

Psixi xəstəlikdən əziyyət çəkən 19 yaşlı qızın atası tərəfindən dirəyə bağlanması barədə daxil olmuş məlumat əsasında qızın atası E.Bədəlov saxlanılmışdır

11.05.2022

Mingəçevir Şəhər Polis Şöbəsinə psixi xəstəlikdən əziyyət çəkən 19 yaşlı qızın şəhər ərazisində yaşadığı evin həyətində dirəyə bağlanması və zirzəmidə saxlanması barədə məlumat daxil olmuşdur.   Araşdırmalarla qızın atası E.Bədəlov tərəfindən döyməklə yaşadığı evin həyətyanı sahəsində yerləşən dəmir dirəyə bağlanmasına, həmçinin evin zirzəmisində saxlanmasına əsaslı şübhələr müəyyən edilmişdir. E.Bədəlov şübhəli şəxs qismində tutularaq istintaqa təhvil verilmişdir.Faktla bağlı Cinayət Məcəlləsinin 133.2.6 (işgəncə verməklə əzab vermə) və 145.2.5-ci (qanunsuz azadlıqdan məhrum etmə) maddələri ilə cinayət işi başlanmışdır.

Goranboy rayonu ərazisindəki bir şadlıq sarayı və bir restorandan oğurluq etməkdə şübhəli bilinən Ağdaş rayon sakini N.Hüseynov saxlanılmışdır

11.05.2022

Goranboy RPŞ əməkdaşlarının keçirdikləri əməliyyat tədbiri nəticəsində rayon ərazisindəki şadlıq saraylarının birindən 2 ədəd kondisioner, 3 ədəd sərinkeş, 1 ədəd ət çəkən, 1 ədəd su mühərriki və 1 ədəd su qızdırıcısı, digər restorandan isə 2400 manat dəyərində məişət əşyaları oğurlamaqda şübhəli bilinən Ağdaş rayon sakini N.Hüseynov saxlanılmışdır.